mánadagur 21. mars 2016síða 48

VIKA 12 • 21. MARS 2016 16 ÓKEYPIS LÝSINGARBLAÐ TEMA Vágar Vilmund Jacobsen V ága kommuna, sum fevnir um Sandavág, Miðvág og Vatns­ oyrar, hevur seinasta árið havt ein lítlan vøkstur í fólkatalinum. Hin 1. februar í ár búðu 1995 fólk í kommununi, sum er átta fólk fleiri enn somu tíð í fjør. Hetta svarar til ein vøkstur á 0,4 prosent. Rósa Samuelsen, borgarstjóri, sig­ ur, at kommunan í løtuni arbeiðir við at útvega nýggj byggiøki í øllum bygdum í kommununi. Nøkur grundstykki eru tøk, men borgarstjórin heldur tað vera umráðandi, at fólk, sum hugsa um nýbygging, hava eitt ávíst úrval av grundstykkjum at velja ímillum. – Eftir at vit fingu fast samband við meginøkið við undirsjóvartunli, valdu nógv at byggja – ikki minst í nýggja býlinginum í Sandavági, men eisini í Miðvági eru fleiri nýggj sethús bygd. Men, vit hava kanska ikki verið nóg klár við nýggjum útstykkingum, ásannar borgarstjórin. Rósa Samuelsen sigur, at hetta er Vága kommuna í holt við nú. Í Sandavági verður arbeitt við nýggjari útstykking við Stóraklett. Í Vatns­oyrum verður gjørt klárt til nøkur grundstykki, og í Miðvági verður eisini arbeitt við útstykking á Heiðum. Nýggju útstykkingarnar Borgarstjórin sigur, at nýggja út­stykk- ingin í Sandavági, haðani komandi er beinleiðis inn á økið av landsvegnum í erva, væntandi verður boðin út um hálv­an apríl. – Her verða í fyrsta lagi 11 støk grundstykki við plássi fyri nøkrum stykkj­um aftrat. Harumframt verða møgu­leikar á økinum fyri bygging av leigu­íbúðum. Rósa Samuelsen sigur, at í Vatns­ oyrum, har eingin sethúsabygging hev­ur verið í fleiri ár, verður byrjað við fýra grundstykkjum. Men, vísir tað seg, at áhugi verður, kunnu grundstykkini í Vatnsoyrum saktans gerast eini 20 í tali. – Vit arbeiða eisini við einari útstykking norðuri á Heiðum í Mið­ vági. Hetta er í leingjan av verandi út­ stykking. Í fjør vóru fýra grundstykki klár at selja, og í ár verður gjørt klárt til seks grundstykki her aftrat. Borgarstjórin sigur, at fer­metra­ prísurin á nýggju grundstykkjunum verður 200 krónur. – Prísurin fyri verandi grundstykki er 100 krónur fyri fermeturin og tey stykki, sum enn liggja óseld av hesum, verða eisini seld fyri 100 krónur fyri fermeturin. Rósa Samuelsen leggur aftrat, at grundstykkini, sum Vága kommuna út­vegar, verða ikki seld útgrivin og planerað – ella byggibúgvin, sum tað verður rópt - men vegur og allar íbind­ ingar liggja til stykkini, og hetta er við í prísinum. Tvær byggisamtyktir Borgarstjórin í Vága kommunu ásann­ ar, at ein stórur partur av arbei­ð­ num hetta valskeiðið hevur verið at gjøgnumføra kommunu­saman­legg­ ing­ina. – Hetta er annað valskeiðið síðan samanleggingina, og eg haldi, at tað hevur gingið óføra væl, tó at vit hava staðið yvir fyri stórum uppgávum og avbjóðingum, eitt nú við bygging av nýggjum og nútímans skúla á Gilja­ nesi. Rósa Samuelsen vísir á, at tað eru tvær byggisamtyktir galdandi í samanløgdu kommununi. – Arbeitt verður nú við at gera eina samtykt, sum fevnir um alla kommununa, eins og arbeitt verður við langtíðar bygdaplani. Tað er um­ ráðandi, at fólk, sum eitt nú eru burt­ur í lestrarørindum, vita, hvussu komm­unan fer at síggja út um fimm ella tíggju ár. Borgarstjórin heldur tað vera náttúr­ligt, at ungdómur og fólk ann­ ars, sum hava tilknýti til Vágar, men sum kanska eru burturi í nøkur ár, vita, hvat tey hava at koma aftur til. Hava nógv at bjóða Rósa Samuelsen er onga løtu í iva um, at Vága kommuna hevur eina fan­tast­ iska barnaansing, sum er fyri­byrgj­andi og inkluderandi, sum hon rópar tað, ein góðan, nútímans og áhugaverdan skúla og eitt dygd­ar­gott og frameftirrættað eldra­økið. Dagtilhaldið er flutt niðan í barna­garðin, og í skúlanum er eldra­ fim­leik­ur. – Vit hava eisini eitt ógvuliga ríkt – Vit hava eitt ógvuliga ríkt ítróttarlív við eitt nú flogbólti, hondbólti, fótbólti, rógving, badminton og talvi, og burtur úr hesum ítróttarvirksemi eru komin bæði føroyameistaraskap og heimsmeistaraskap í innandurarógving. Heiðurin eiga ótroyttiligar eldsálir og hugagóð og ágrýtin ítróttarfólk. Sama er galdandi, tá ræður um samkomuvirksemi, sigur borgarstjórin, Rósa Samuelsen Nógv er á skránni í Vága kommunu Lovisa Petersen Glerfoss, sum er útbúgvin bygningsverkfrøðingur, er tekniskur leiðari hjá Vága kommunu. Hetta er fyrsta skeiðið hjá Rósu Samuelse, sum borgarstjóri í Vága kommunu Mynd: Vilmund Jacobsen Her fær Vága kommuna í næstum eina mini-rundkoyring, sum ætlandi skal minka um ferðina, tá bilar koma oman í bygdina