hósdagur 31. mars 2016síða 28

FRÍGGJADAGUR 1. APRÍL 2016 SOSIALURIN 37 28 NØVN Jákup Jacobsen – Dunga-Jákup 70 ár F ríggjadagin 1. apríl verður Jákup Jacobsen, vanliga nevndur Dunga-Jákup, í Syðrugøtu 70 ár. Jákup er sonur Poul Andreas á Dunganum, ið var sonur Dunga-Jákup og Biritu, og Hensiu f. Zachariassen, ættað úr Streymnesi, dóttir Zacharias Zashariassen og Honnu f. Olsen. Jákup er triðjielstur av átta systkjum. Tey eru: Bergtóra f. 1943, flutti til Hvalvíkar, Jórun f. 1945 flutti til Havnar, Zakaris f. 1947, búsettist í Syðrugøtu, Michael f. 1949, búsettist í Syðrugøtu, Ingrid f. 1952 flutti út á Nes, Elin f. 1954, flutti til Rituvíkar, og Bjarta f. 1956 og hon flutti til Havnar. Nakað eftir lokna skúlagongd fór Jákup í læru sum húsasmiður hjá Joen Heina Joensen úr Syðrugøtu og fekk hann sveinabrævið á várið 1967. Útlærdur fór hann at smíða sjálvur, og hevði fólk afturat sær. Seinni fór Jákup í skúla í Haslev og Keypmannahavn og tók prógv sum byggifrøðingur. Útbúgvingin tók trý ár. Heimafturkomin fluttu hann og konan, Lena, til Klaksvíkar og arbeiddi hann á teknistovuni hjá Tróndi Fuglø, í eini tvey ár, til tey fingu grundstykki og fóru undir at byggja hús í Syðrugøtu. Har byrjaði hann egið virksemi innan fyri húsabygging, og hevði til tíðir umleið tólv mans í arbeiði. Húsabyggingin fevndi um bæði sethús og størri bygningar; nevn­ ast kunnu: Skúlin á Fossanesi, Royndarstøðin í Kollafjarðadali og nýggja kirkjan í Gøtu. Jákup hevur altíð verið áhug­ aður í fiskivinnuni, og í 1985 stovn­ aði hann saman við øðrum felagið Varðan, sum í januar 1987 fingu skipið Tróndur í Gøtu, har Jákup er reiðari enn í dag. Hann hevur dugað væl at halda saman uppá felagsskapin. Varðin hevur undir hansara leiðslu ment seg, til í dag at vera eitt av stóru feløgunum í Før­ oyum við fleiri skipum, og øðrum fiskivinnuvirksemi, og telur hetta tilsamans 100 tals starvsfólk. Jákup er bóndasonur, og tók hann við festinum, eftir pápa sín, »Fyri Oman Heiðar« tann 12. juli í 1996. Festi ber 70 áseyðir. Jákup giftist tann 18. desember 1976 við Malenu Petersen úr Klaks­vík, vanliga nevnd Lena, f. 1951, dóttir til Arna Petersen úr Oyndar­firði og Martinu Petersen f. Tausen av Eiði. Jákup og Lena eiga fýra børn: Maud, f. 1975, Birita, f. 1978, Bogi, f. 1979, og Poul Arni f. 1985. Jákup og Lena eiga 7 abba- og ommubørn. Jákup hevur verið virkin í kommunupolitikki í mong ár. Hann var í Gøtu bygdarráð í 12 ár, frá 1977 til 1989, og harav tey fýra síðstu árini sum borgarstjóri. Jákup hevur fólkatekki. Hann gevur sær stundir at tosa við fólk, og hann bæði dugir at lurta eftir fólki, og fólk lurta eftir, tá ið hann tosar. Hann er um­ hugsanarsamur og dugir at avlesa støðurnar – ein sannur taktikkari. Skemtingarsamur er hann eisni, og eitt sindur kúllaligur. Jákup er ein góður starvsfelagi og stjóri. Vit vilja hervið ynskja Jákupi hjarta­liga til lukku við 70 ára deg­ num, og Harrans signing framyvir. Føðingardagsveitslan verður hildin í Bygdahúsinum í Leirvík 2. apríl. Starvsfelagarnir á Varðanum Tøkk Hjartaliga takka vit øllum, ið sýndu samkenslu, tá okkara elskaði maður, pápi, verpápi og abbi Bjarni Holm f. 09.07-1935 d. 30.01-2016 andaðist og varð jarðaður. Takk til tykkum á Boðalon, ið gjørdu alt tit kundu. Takk til Una Næs fyri góð og troystar­rík orð á Boðanesheiminum og í kirkjuni. Takk til kirkjutænarar, organist, sangarar og gravarar. Takk til tykkum mongu, sum bakaðu. Takk fyri kransar, blómur og minnisgávur til Boðalon, og takk til tykkum mongu, ið fylgdu Bjarna til hansara seinasta hvíldarstað. Jóna Tove, Guðrið og Annika við familju Brúdleyp Leygardagin 2. apríl kl. 14 verða Jeanette Ellefsen Blaa­svær og Theodor Eli Dam Olsen vígd í Hoyvíkar kirkju. Eftir vígsl­una verður mót­tøka í kirkju­kjall­ar­ anum. Brúdleyp Leygardagin 02.04.2016 kl. 13.00 verða Miriam Bjarnadóttir, Fugla­fjørður, og Dorus Jó­ hannes­sen, Klaksvík, vígd í Christ­ians­kirkj­uni. Vælkomstur verður hildin í Dugna á Kambs­ dali frá kl. 19.00. Øll eru hjarta­ liga væl­komin. Brúdleyp Leygardagin 21.05.16 verða Rann­ vá Sørensen og Gunnar Hentze vígd í Húsavíkar kirkju kl.15.00. Brúdleypið verð­ur hildið á Hotel Skála­vík kl. 19. Tey, ið ynskja at halda dagin saman við okk­ um, verða biðin um at siga frá í seinasta lagi 01.05.16 við at ringja 221236 (Rannvá) ella 226461 (Gunnar) 70 ára føðingardagur 28. mars fyllir Marianna Poulsen, Hvalba, 70 ár. Føðingardagurin verður hildin leygardagin 2. apríl 2016 í Arbeiðarafelagshúsinum, Bíar­vegur 145 frá kl. 13.00 til 19.00. Øll eru hjartaliga vælkomin. Gullbrúlleyp Sunnudagin 1. mai hava Elsuba og Edmund Abrahamsen í Fuglafirði gullbrúlleyp. Dagurin verður hild­ in í Bygdarhúsinum í Leirvík tann 7. maj 2016 kl. 18.00. Tey, ið vilja há­ tíðarhalda dagin saman við okkum, verða vinarliga biðin um at siga frá á tlf. 22 21 49 - 21 19 06 ella 50 91 01 áðrenn 15. apríl. 40 ára brúdleypsdagur Leygardagin 2. apríl kunnu hjúnini Árnmar og Jonna Mellemgaard halda 40 ára brúdleypsdag. Dagurin verður hildin saman við teimum nærmastu. Í summar hava vit verið gift í 25 ár Tí vilja vit bjóða familju, vin­um og kenningum í veitslu í Bygdar­ húsinum í Leirvík 24. juni 2016 kl 19. – um tit ynskja at verða við til veitsluna, hevði verið gott um tit boða frá á tpost linda@kss. fo , frimodt@kss.fo ella á telefon 267334/232038 innan 10. juni. Vinarliga Linda og Frimodt