hósdagur 31. mars 2016síða 35

35 ÁRNI GREGERSEN N ú Løgtingið fæst við at viðgera um ein partur av fiski­vinnu­ rættindunum skal seljast á uppboðssølu, er tað enn einaferð løgmaður, sum hevur størstu politisku avbjóðingarnar. Longu undan jólum rillaði innanhýsis í flokkinum, tí tað ljóðai at hvørki Bjarni Hammer, formaður í vinnunevndini, ella Kristin Michelsen, høvdu hug at taka undir við uppskotinum frá Høgna Hoydal, landsstýrismanni við fiskivinnumálum, um at selja nøkur fiskirættindi á uppboðssølu. –Men nú eri eg sannførdur um, at uppskotið, sum tað nú fyriliggur fer at fáa undirtøku frá allari samgonguni, sigur Aksel V. Johannesen. Tað er sjálvandi torført at fáa formannin í Javnaðarflokkinum at siga, at hann ikki veit, hvat hansara egni flokkur fer at gera, tá ið uppskotið kemur til atkvøðugreiðslu, men tað stendur framvegis greitt í minninum, hvat hendi, tá ið uppskotið um at geva samkyndum loyvi at giftast fekk viðgerð. Tá boðaðu tveir javnaðar­ tingmenn frá, at teir heldur sóu uppskotið í nevnd. Andstøðan ímóti Tað hevur verið rættuliga greitt leingi, at andstøðan á ongan hátt heldur, at tað er skilagott, at ein partur av fiskirættindunum verður seldur á uppboðssølu. Og skuldi tað kortini verið soleiðis, at til dømis onkur sambandstingmaður kundi hugsa sær at taka undir við uppskotinum, so ger hann tað ikki, tí hetta er eitt stríð millum andstøðu og samgongu. Fólkaflokkurin er avgjørdur allur sum hann er í støðutakan til uppskotið. Flokkurin vil hvørki hoyra um ella hava nakra upp­ boðs­sølu, men heldur, at galdandi skipan virkar væl. Við øðrum orðum liggur ábyrgdin tungt á herðum løgmans og samgonguleiðarans at fáa uppskotið samtykt. Samstundis sum Løgtingið viðg jørdi uppskotið, legði lands­stýris­kvinnan við fíggjarmálum karmarnar fyri fíggjarpolitikkinum komandi árini fram. Í kørmunum sást lítið og onki til, hvat ein uppboðssøla fer at geva almanna búskapinum. Í tinginum var orðaskifti um, hví hetta verður gjørt nú, tá ið ein bólkur situr og arbeiðir við eini nýskipan av allari fiskivinnuni. Onkur tingmaður svaraði aftur, at her er talan um at stýra fiskivinnuni í 2016 og so eisini í 2017 áðrenn ein nýggj fiskivinnuskipan verður gjørd. Løgmaður hevur kanska enn trupulleikar við einstøkum limum í tingbólkinum, men um onkur helt, at Ingolf S. Olsen, Tjóðveldi, fór at leggja fót fyri uppskotið, so verður tað ikki so. Ingolf S. Olsen arbeiðir partvís fyri Føroya Fiskimannafelag, men hann segði greitt í tinginum: –Eg ætli mær ikki at forða fyri, at hendan royndin við uppboðssølu verður gjørd. Javnaðarflokkurin Eftir er at fáa at vita um ein samlaður Javnaðarflokkur stendur handan uppskotið. Løgmaður er sannførdur um, at so er, men hann er ikki heilt fastur í melinum tá ið hann sigur: –Jú, nú haldi eg at hetta málið kemur ígjøgnum og at okkara flokkur atkvøður fyri. Eisini tingbólkaformaðurin, Jónleif Johannesen, væntar at flokkurin stendur handan uppskotið: –Tað er í hvussu so er ikki nakar tinglimur, sum hevur boðað mær frá, at hann ikki tekur undir við uppskotinum. Uppskotið um eina royndar­ upp­boðs­sølu var til 2.viðgerð í gjár, men vit fingu ikki atkvøðugreiðsluna við áðrenn blaðið fór til prentingar POLITISKA AVBJÓÐINGIN HJÁ JAVNAÐAR­FOR­MANNINUM Aksel V. Johannesen, løgmaður og formaður í Javnaðarflokkinum fær størstu avbjóðingarnar frá egnum flokslimum FRÍGGJADAGUR 1. APRÍL 2016 SOSIALURIN 37 hjá samgonguni