mánadagur 4. apríl 2016síða 10

Mánadagur 4. apríl 2016 · Nr. 38 10 Sosialurin Hugskot og viðmerkingar – send sms til 225000 FØROYA ARBEIÐARAFELAG Tað var í tøkum tíma, at vit fingu nýggja samgongu, var boðskapurin frá Høgna Hoydal, formanni í Tjóðveldi, á flokstingi hjá Tjóðveldi um vikuskiftið Áki Bertholdsen – Hetta næsta árið verður heilt avgerandi fyri sam­ gong­u­na. Tað staðfesti, Høgni Hoy_ dal, formaður í Tjóðveldi, á flokstingi hjá flokkinum í Skopun nú um vikuskiftið. Hann ásannar, at sam­ gongan hevur havt sínar byrjunnartrupulleikar. Hann ivast heldur ikki í, at tað fer at vera stór mót­ støða ímóti ætlanunum hjá samgonguni, og tað hava vit longu sæð, sigur hann. Samstundis ivast hann heldur ikki í, at fleiri ósemjur fara at taka seg upp. Hann hugsar uttan iva um ætlanina hjá samgonguni at nýskipa fiskivinnuna, har reiðarar og vinnulívsfólk hava mótmælt harðliga - og har heldur ikki samgongan hevur gingið í takt við tað, at teir báðir javnaðarmenninir á Tvøroyri, Kristin Michelsen og Bjarni Hammer ikki vildu góðtaka fyrsta uppskotið frá samgonguni um at selja uppsjóvarfisk á uppboði. Og hann hugsar uttan iva um tað, at Sonja Jógv­ ansdóttir brádliga segði seg úr Javnaðarflokkinum beint eftir valið, so formliga hevur samgongan ikki long­ ur meiriluta á tingi. Sonja Jógvansdóttir hevur tó lovað samgonguni sín stuð­ul, tí hon vil gera alt fyri at undan­ farna samgonga sleppur fram­at aftur. Tað ber á mál Men Høgni Hoydal er eisini sann­førdur um, at stendur sam­gongan saman, fer tað at bera á mál. – Samgongan hevur sett sær høg mál, og í øll­ um arbeiðinum er málið, at broytingarnar skulu fremj­ ast soleiðis, at tær kunnu kjølfestast í so stórum parti av politisku skipanini, sum gjørligt. – Tí eru tey stóru málini eisini sett í verk við at taka inn politisku flokkarnar, fak­fólk og umboð fyri fe­ lags­skapir og bólkar, áðrenn endaligu uppskotini skulu samtykkjast og setast í verk, sigur formaðurin í Tjóðveldi. Hann hevur eisini havi álit á, at tað fer at bera til at gera semjur um tey stóru mál­ini við fleiri flokkar á tingi. Hava avrikað nógv Hann heldur, at longu hetta fyrsta hálva árið, hevur sam­ gongan avrikað nógv. – Hallið á fíggjarlógini er vent til avlop, ríkis­veit­ ingin er fryst og uttan­ríkis­ politikkurin er styrktur. Tey við lágum og miðal inn­tøkum, hava fingið skatta­lætti og familjur í fátæka­váða hava fingið stuðul, umframt at átøk eru framd í vinnupolitikkinum og í fiskivinnupolitikkinum og ein íløguætlan er løgd, um­framt annað. Og hesa næstu tíðina ætl­ ar samgongan at nýskipa fiskivinnuna og heilsuverkið, og at virðisøkja okkara til- feingi munandi. – Lestrarstuðulin skal hækk­ast og útlendinga­mál­ ini skulu yvirtakast. Og hetta næsta árið verð­ ur heilt avgerðandi fyri samgonguna, tí tað er hetta næsta árið, at fólka­at­kvøða skal vera um eina før­oyska grundlóg og fiski­vinnu­ný­ skipanin skal setast í verk. Samstundis skal nýggj pensjónsskipan gerast og heilsuverkið skal nýskipast Hart horn at telgja Kortini ivast hann ikki í, at ein nýskipan fyri fiski­ vinnuna verður eitt hart horn at telgja – Og tað var í tøkum tíma, at vit fingu eitt stjórnarskifti í fiskivinnupolitikkinum, tí vit hava verið ómetaliga nær við, at ognarrætturin til tilfeingið gjørdist privat ogn. Hinvegin hevur hendan samgongan sett sær fyri, at tilfeingið skal tryggjast sum ogn hjá fólkinum, og at rættindini at troyta tað, eru á føroyskum hondum. Samstundis skal tað virðis­økjast í Føroyum og til­feingisrentan gerst so opti­ mal sum gjørligt – og hon skal í størst møguligan mun, fella til landið. – Vit skulu eisini hava eina marknaðargrundaða fiskivinnu við vinnuligum frælsi undir jøvnum kapp­ ingartreytum, so at hon ikki savnast á fáum hondum, men at øll fáa sama rætt at bjóða seg fram, sigur Høgni Hoydal. aki@sosialurin.fo TAÐ NÆSTA ÁRIÐ V FLOKSTING Samgongan hevur havt sínar trupulleikar, men eg ivist ikki í, at vit klára tað, bara vit standa saman, segði Høgni Hoydal, formaður í Tjóðveldi, á flokstingi um vikuskiftið.