mánadagur 4. apríl 2016síða 26

Mánadagur 4. apríl 2016 · Nr. 38 26 Sosialurin Hugskot og viðmerkingar – send sms til 225000 TAÐ VAR UPP OG NIÐUR OG AFTUR UPP KÍ-B71 3-1 (1-0) 1-0: Jóanis V. Petersen 13. 1-1: Ibrahima Camara 72. 2-1: Jóannes K. Danielsen 82. 3-1: Henry Heinesen br 90. Reytt kort: Beinur Poulsen, KÍ, 17. (beinleiðis reytt) og Klæmint Olsen, B71, 88. (beinleiðis reytt) Víkingur-EB/Streymur 0-2 (0-0) 0-1: Leif Niclasen 56. 0-2: Leif Niclasen 83. NSÍ-Giza/Hoyvík 2-0 (1-0) 1-0: Jann Martin Mortensen 24. 2-0: Magnus H. Olsen 77. HB-FC Suðuroy 3-4 (1-2) 0-1: Mamuka Toronjadze 11. 0-2: Mamuka Toronjadze 25. 1-2: Heri H. Mohr 43. 2-2: Tór av Skarði 52. 3-2: Rói av Fløtum 60. 3-3: Búi Egilsson 82. 3-4: Mamuka Toronjadze 89. 07 Vestur-AB 3-1 (2-0) 1-0: Gunleif Magnusarson 14. 2-0: Søren Nielsen 31. 2-1: Ólavur Venned br 70. 3-1: Jóannis á Steig 75. 1. Deild støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 EB/Streymur 3 3 0 0 13 -3 +10 9 2 NSÍ II 3 3 0 0 10 -2 +8 9 3 FC Suðuroy 3 2 1 0 10 -5 +5 7 4 07 Vestur 3 2 1 0 7 -3 +4 7 5 Giza/Hoyvík 3 2 0 1 8 -2 +6 6 6 KÍ II 3 1 0 2 5 -6 -1 3 7 AB II 3 1 0 2 6 -8 -2 3 8 HB II 3 0 0 3 5 -13 -8 0 9 Víkingur II 3 0 0 3 0 -10 -10 0 10 B71 3 0 0 3 2 -14 -12 0 1.DEILD: FC Suðuroy og EB/Streymur vunnu á úitvølli, 07 Vestur fekk fult á heimavøll, og Giza/Hoyvík tapti í Runavík Jóannes Hansen Støðutalvan sigur, at EB/ Streymur og NSÍ eru topplið í næstbestu deildini. Hesi bæði liðini eru tey einastu, sum hava vunnið fulla úrtøku burturúr trimum teimum fyrstu umførunum. Tað er merkisvert og sigur ikki so lítið um støðuna í felagnum, at teir næstbestu hjá NSÍ hava fulla úrtøku eftir trý umfør. Hesaferð høvdu teir vitjan av Giza/ Hoyvík, sum hevði vunnið tvær tær fyrstu ferðirnar. At tað er kapping um plássini á besta NSÍ liðnum sást í, at teir báðir, sum skoraðu málini í 2-0 sigrinum á Giza/Hoyvík, hava spælt nógv á besta liðnum. Jann Martin Mortensen setti hol á miðskeiðis í fyrra hálvleiki, og Magnus H. Olsen, sum fyribils hevur tapt kappingina um sentralt mið­vallar­pláss við Nikolaj Køhlert, staðfesti sigurin. Hóast EB/Streymur nú hevur níggju stig, og teir næstbestu hjá Víkingi einki stig hava vunnið, so var munurin á liðnum einki serligur, tá ið tey hittust í Leirvík. Fótbóltsspælið var gott, og longu í fyrra hálvleiki vóru møguleikar báðar vegir, uttan at tað eydnaðist at skora. Tíggju minuttir eftir steðgin setti Leif Niclasen hol á fyri EB/Streym, og sjey minuttir undan leikloki staðfesti Leif Niclasen sigurin, og aftur hesaferð var tað við vinstra beini. Meðan støðan var 1-0, hevði Víkingur rimmar roynd úr stórari fjar­støðu, men bólturin brast í saman­ komingina aftanfyri Jákup Andrias Hansen. Í fjør vann 07 Vestur bara eitt stig frá teimum næstbestu hjá AB. Leygar­ dagin vann heimaliðið 3-1 í Sørvági. Heimaliðið var greitt omaná undan steðginum, tá ið miðvallarin Gunleif Magnusarson eftir langt innkast setti hol á, og nýggi álopsspælarin Søren Nielsen eftir innlegg úr høgru økti um heimaleiðsluna. Við AB frísparki varð bólturin sendur í heima­ brots­teigin, og tá bríkslaði dómarin fyri brotssparki, tí ein av gestunum varð rendur um koll. Ólavur Venned umsetti brotssparkið til mál, og so var spenningur í aftur. Eitt korter undan leikloki staðfesti væl upplagdi vongverjin í vinstru, Jóannis Nielsen, 3-1 heimasigurin. Tað var nógv upp og niður, tá ið FC Suðuroy vitjaði teir næstbestu hjá HB. FC Suðuroy vann 4-3, og stóri maðurin hjá gestunum var Mamuka, sum skoraði trý av málun­um. Í fyrra hálvleiki legði hann FC Suðuroy framum 2-0, áðrenn Heri H. Mohr stutt undan steðginum minkaði um munin. So var tað, at HB vendi tingunum á høvdið. Tór av Skarði og Rói av Fløtum løgdu HB á sigurskós, men tað eydnaðist ikki havnarliðnum at vinna fyrstu stigini í ár. Búi Egilsson javnaði til 3-3, tá ið tað restaðu átta minuttir, og í næstsíðsta minutti var Mamuka aftur á blettinum, tá ið hann skoraði sigursmálið til 4-3 til FC Suðuroy. Undan hesum umfarinum høvdu hvørki KÍ ella B71 vunnið stig. Klaksvíkingar løgdu seg framum eftir lítið korter við máli, sum Jóanis V. Petersen skoraði. Fýra minuttir eftir, at KÍ hevði lagt seg framum, misti KÍ ein mann. Hóast teir vóru undirmannaðir, so hildu klaksvíkingar tørn, inntil tað restaðu átjan minuttir. So javnaði Ibrahima Camara til 1-1. Tíggju minuttir seinni legði Jóannes K. Danielsen undirmannaða heimaliðið framum aftur. Tað restaðu tveir minutt­ ir, tá ið B71 mál­verj­in Klæmint Olsen sá reytt, og tað varð dømt brots­spark til KÍ. Tað umsetti Henry Heine­ sen til mál og har­við fyrsta KÍ sigurin í ár.     Fimta umfar Leygardagin 9. apríl KÍ-HB NSÍ-07 Vestur EB/Streymur-Giza/Hoyvík AB-B71 FC Suðuroy-Víkingur