mánadagur 4. apríl 2016síða 28

Mánadagur 4. apríl 2016 · Nr. 38 28 Sosialurin Hugskot og viðmerkingar – send sms til 225000 EG HAVI ALTÍ Eg sakni Syðrugøtu hvønn tann einasta dag, men nú nyttar ikki at grenja, sigur Kaj Leo í Bartalssovu, sum nú opið fortelur um lívið í Bukarest sum yrkisspælari, illsinta sinnalagið og trúnna upp á eitt lív sum yrkisfótbóltsspælari Tróndur Arge – Marbella, Spania – Eg havi ikki verið heima í Syðrugøtu, síðani eg skifti til Dinamo Bukarest. Eg sakni tað hvønn tann einasta dag, og var tað ikki fyri fótbóltin, so búði eg har enn, sigur Kaj Leo í Bartalsstovu. 24 ára gamli lands­liðs­spæl­ arin er saman við restini av A-lands­liðnum í Suður­spania til venjingar­dyst­in móti Likten­stein. Klantra­ sligi gøtu­maðurin er fyri fyrstu ferð saman við føroyska hópin­um, eftir púra óvæntaða skiftið til rumenskan fótbólt. Smíl­andi greiðir Kaj Leo í Bartals­ stovu frá hendingaríku tíðini í Bukarest, meðan sólin setur seg í fjalla­lendinum í Marbella. Foreldrini eiga allar æruna At Kaj Leo í Bartalsstovu er fulltíðarfótbóltsspælari í dag er serliga foreldrunum, Hans Leo og Anna Mariu í Bartalsstovu, at takka. Anna Maria, sum hevur tikið sær av Kaj Leo í heiminum, meðan Hans Leo hevur stuðlað soninum til hvønn fótbóltsdyst, síðani hann byrjaði at spæla fótbólt. – Eg havi ikki altíð v e r i ð nemmur at fáast við, men mamma og babba hava víst ótrúligt tol við mær, sigur Kaj Leo í Bartalsstovu um dagarnar sum ungur í Syðrugøtu. Serliga er tað illsinta sinna­lagið hjá Dinammo Bukarest spælaran­ um, sum hevur verið ein av­bjóðing. – Eg var óvanliga illsintur, toldi ikki at tapa, og alt skuldi ganga eftir mínum høvdi. Tað gekk millum annað útyvir eina hurð, sum ikki bleiv skift fyrr enn eg flutti út, greiðir gøtumaðurin smílandi frá. Í dag hevur hann betri tamarhald á sinnalagnum, tá hann spælir fótbólt, men hann er enn líka illsintur. – Illsinnið er tað sama, men eg haldi eg havi lært betri at hava tamarhald á tí. Eg eri ikki týpan, ið er illsintur á vøllinum, men tað er ein drívmegi í mær, sum kann fáa meg til at gera ting á vøllinum, ið blíva góð. Illsinni gevur mær dirvið til at royna nøkur ting, sigur føroyingurin í Bukarest. Kaj Leo í Bartals­ stovu leggur stóran dent á, at for­ eldrini og familjan sum heild eiga stóra æru av, at hann í dag er yrkis­fót­bólts­ spælari. – Babba var tann, sum var mest spentur upp á fyrispurningin úr Rumeina. Mamma var eitt óviss um eg skuldi fara so langt heimani frá, men babba var ikki í iva, sigur Kaj Leo í Bartalsstovu, sum eisini fegnast um, at hann kann siga við abban, Kaj í Bartalsstovu, at hann kláraði at blíva yrkis­fotbóltsspælari. Fótbólturin er alt í Rumenia Fyri Kaj Leo í Bartalsstovu er tilveran nógv broytt síðani 1. feburar, tá hann alment bleiv kunngjørdur sum spælari hjá stóra rumenska felagnum, Dinamo Illsinnavættið úr Syðrugøtu Mynd: Hans Erik Danielsen