mánadagur 4. apríl 2016síða 43

VIKA 14 • 4. APRÍL 2016 11 ÓKEYPIS LÝSINGARBLAÐ TEMA Sandoy Hann sigur, at nú grivið er um Sandarfløtt, og rør eru løgd niðan til húsini hjá Karl Vidtfeldt, verður eisini kloakkin á Sondum løgd um, soleiðis at hon kemur í kloakkina, ið fer um Sandar­fløtt. – Tá hetta arbeiði er liðugt, verður kloakkvatnið pumpað niðan til húsini hjá Karl Vidtfeldt, og haðani verður tað pumpað niðan á Áargarð, leggur hann aftrat. Nýggjar útstykkingar Sands kommuna arbeiðir við nýggjum útstykkingum, nú byggiøkini, sum kommunan ræður yvir, ganga undan. Í Sandarbrekkuni eru øll grund­ stykkini seld, og Uppi í Nesi liggja kanska eini fýra óbygd. Brandur Sandoy sigur, at tekningar júst eru gjørdar av nýggjari útstykking uppi á Vatnsryggi, og hetta er vestur eftir í framhaldi av verandi býlingi har. Hetta er jørð, sum kommunan eigur. – Á bygdaráðsfundi í síðstu viku samtyktu vit at útstykkja hesi sjey grundstykkini, sum væntandi verða tøk seinni í ár. Borgarstjórin vísir á, at tað verður bygdaráðið, sum kemur at taka støðu til, hvussu Sandsbygd kemur at veksa, og hvønn veg verður farið við fram­ tíðar útstykkingum. – Tað eru Vatnsryggur og Uppi í Nesi, sum liggja fremst fyri, og Uppi í Nesi er gott byggilendi bæði norður eftir og suðureftir. Væntandi er, at bygdin eisini kemur at veksa norður av Vatnsryggi, men henda jørðin er ikki ogn hjá kommununi. Øktur eftirspurningur Umframt nevndu byggiøki, liggja eis­ ini fleiri stykki inn millum hús, sum privatfólk eiga. Onkur eru løgd út sum grundstykki. Annað er vanlig jørð, har til ber at matrikulera grundstykki burturúr. – Vit merkja ein øktan eftirspurning eftir grundstykkjum í kommununi. Tað eru fleiri, ið spyrja seg fyri, og um dagarnar hava vit havt fólk inni á gólvinum, sum hava spurt seg fyri. Brandur Sandoy sigur, at nú Sand­ oyartunnilin nærkast við risafetum, fer Sands kommuna eisini at arbeiða við einari størri útstykkingarætlan. – Vit hava bundið okkum til at taka ímóti 50.000 rúmmetrum av gróttilfari frá byggingini av Sand­ oyar­tunlinum, og hetta fer eisini at geva okkum eitt gott høvi at byggja neyðugar vegir og planera grundstykki í einari størri útstykkingarætlan, sum Sands kommuna fer at taka støðu til, tá tann tíðin kemur, sigur borgar- stjórin. Trivnaður og ferðavinna Sands kommuna ætlar sær ikki at sita afturá, tá ræður um trivnað og ferðavinnu. Tí fer kommunan nú at seta fólk í eitt nýtt starv sum trivn­ aðar- og ferðavinnumennari. – Nýggja tíðin krevur nógv av kommununum í løtuni, og nú fasta sambandið við meginøkið nærk­ ast, síggja vit tað meiri neyðugt enn nakrantíð at marknaðarføra komm­ ununa, bæði á ein og annan hátt. Brandur Sandoy sigur, at komm­ unan við hesum stigi vil verða pro­ aktiv, sum hann tekur til. – Ja, vit ynskja at vera frammi í skónum og verða við til at skapa framtíðina okkum at frama. Ætlanin er at viðkomandi skal arbeiða við at lýsa fyrimunir ið eru við at flyta til Sands, fyrimunir ið vit hava í ferðavinnuhøpi, skipa fyri og samskipa tey trivnaðartiltøk, sum kommunan skipar fyri og harvið leggja tey í fasta legu. Hann sigur, at viðkomandi, sum settur verður, skal passa heimasíðu og facebook-profil hjá komununi og skal siga frá teimum góðu søgunum úr kommununi, sum borgarstjórin heldur fáa ov lítla rúmd í miðlunum. – Hetta verður í stuttum eitt slag av lobby-arbeiði, sum skal markn­aðar­ føra Sands kommunu betri. Umframt nýggja starvið, luttekur kommunan eisini av heilum huga í teimum felags kommunalu tiltøkunum, sum eru í oynni, eitt nú kunningarstovuni og vakstrarætlanini, sigur Brandur Sandoy. vilmund@sosialurin.fo Sandur er elligomul bygd, og her á Sondum - fremst á myndini - sigst vera elsta búseting, sum fólk vita um í Føroyum Mynd: Vilmund Jacobsen Uppi í Nesi á Sandi eru fleiri nýggjari sethús. Í løtuni merkir Sands kommuna ein ávísan eftirspurning eftir grundstykkjum Mynd: Vilmund Jacobsen