hósdagur 7. apríl 2016síða 14

FRÍGGJADAGUR 8. APRÍL 2016 SOSIALURIN 40 14 TEMA Filmsvinna »FUCK« VERÐUR STAVAÐ »FOKK« Móðurmálsdagur um film EIRIKUR LINDENSKOV Í februar komandi verður vænt­andi frumframførsla av føroyska spælifilminum »Dreymurin við havið« hjá films­leikastjóranum Sakariasi Stórá og Marjun Syderbø Kjelnæs, sum hevur skrivað handritið. Enska heitið á filminum er »TBA« (To be announced). Á móðurmálsdegnum sum varð hildin í barnaheiminum hjá V. U. Hammershaimb, Nýggjustovu, í Havn hóskvøldið í síðstu viku, var evnið »ung og málið« við denti á før­oyskt filmsmál. Í hesum sambandi høvdu fyri­ reik­ararnir sett teimum báð­um, Sakaris Stórá og Marjun Syderbø Kjelnæs, sum arbeiða við films­ verk­ætlanini, stevnu. Tað var Birgir Kruse, filmskønur, sum hevði samrøðu við tey bæði í hesum sambandi. Tey hava arbeitt við films­verk­ ætlan­ini í longri tíð. Leikararnir eru teir flestu funnir. Í øllum førum høvuðs­leikararnir. Onkrir smáir leik­lutir eru ikki komnir upp á pláss enn, segði Sakaris Stórá. Nógv ensk orð Í sambandi við filmsverkætlanina, so hava tey bæði havt lesing saman við filmsleikarunum. Tað er, at tey sita saman við leikarunum og lesa manuskriptið. Tey hoyra, hvussu leikarar klára seg í leiklutinum, og hvussu málið virkar. Um tað skal tillagast og so framvegis. – Fyri meg hevur hetta verið eitt arbeiðstól. Eg siti og lurti og við­ merkir og hoyri skjótt, hvat orð ella hvørjar orðingar, leikararnir detta um, serliga tey ungu, og so kunnu vit rætta og tillaga tað, segði Marjun Syderbø Kjelnæs. Hóast filmsupptøkurnar ikki eru farnar í gongd enn, so vístu tey ein pilot – eina royndar­films­ upp­tøku úr filminum. – Her vóru tveir minuttir. Her hoyrdu vit orð sum »bad ass« og »fuck«. Hevur filmurin ein høgan fuck-karakter? spurdir Birgir Kruse. – Uha... Nú føli eg tað sum halgibrot at sita innast í stovuni hjá Hammershaimb og royna at vanda mær um málið, segði Marjun Syderbø Kjelnæs við einum brosi. – Vit royna at fáa málið so tætt tí modernaða málinum, sum tey ungu, her og nú, tosa. Hetta fyri at fáa málið so veruligt, sum tað kann vera, segði Marjun Syderbø Kjelnæs. Sakaris Stóra gjørdi púra greit, at autentiteturin – tað ektaða og veru­liga – í málinum vigar meira. – Vit hava fjernað nógv ókvæmis­ orð. Men »fuck« er ein inte­grer­aður partur av føroyska mál­inum, um vit vilja tað ella ikki. Men vit hava stavað tað »fokk«, segði hann. »Coming of age« søga Hóast nýggi filmurin, »Dreymurin við havið«, og serliga arbeiðið við honum, var til umrøðu hetta kvøldið í Nýggjustovu, so hildu høvundurin og leikstjórin kort­ini tætt at kroppinum, havt inni­hald­ inum í filminum viðvíkur. – Men tað er ein ungdómsfilmur, og helst verða allar upptøkurnar gjørdar á Sandi. Hann snýr seg um mótsetningar í føroyska sam­ felag­num, sum eru baklandið í film­inum. Og so snýr hann seg um tvær gentur, sum hittast. Tær eru full­komnir mótsetningar, men báðar sakna tað, sum tað mótsætta kynið hevur, greiddi Sakaris Stórá frá. Men hann vildi kortini ikki kate­gorisera filmin sum ein ung­ dóms­film. – Hetta er ein klassisk »coming of age« søga. Mær dámar ikki at kalla tað ungdómsfilmar. Tí fremm­anda heitið »coming of age« lýsir betur, hvat filmurin er um. Tí tað er ein klassiksur filmur, sum snýr seg um tey stigini, vit møta í lívinum, tá vit standa á gáttini til tað vaksna lívið og vit skulu finna samleika okk­ara. Vit royna at fáa málið so tætt tí modernaða málinum, sum tey ungu, her og nú, tosa. Hetta fyri at fáa málið so veruligt, sum tað kann vera« Marjun Syderbø Kjelnæs Dirvi, kærleiki og útlongsul. Tað eru lyklaorðini í nýggjum før­oyskum filmi hjá filmsleikstjóranum Sakaris Stórá og Marjun Syderbø Kjelnæs, sum hevur skrivað handritið. Ein stór avbjóðing hevur verið at tillagað málið til nátúrliga málið hjá teimum ungu í dag