hósdagur 7. apríl 2016síða 34

FRÍGGJADAGUR 8. APRÍL 2016 SOSIALURIN 40 34 Óli Jacobsen LÍVIÐ VAR EISINI TRUPULT INNAN GLYVUR Í hesum seinasta partinum av frásøgnini hjá Hervør verður greitt frá Andrew og hansara ætt innan Glyvur Hervør Djurhuus: 4. partur A ndrew fór ungur til skips. Hann var við Fossanesi, sum gekk burtur í 1938. Eisini var hann í Grønlandi í teirri tíðini, føroyingar høvdu so nógvar trupulleikar við donsku myndugleikarnar, sum eisini skapti politiskt rumbul í Føroyum. Andrew kom til trúgv 18 ára gamal, tá ið hann kom til Havnar og kom at ganga á møti í Ebenezer. Tá hann fór til Ìslands í 1945 at arbeiða var tað náttúruligt hjá honum at leita tey trúgvandi upp. Tí kom hann nógv á møti hjá Jón Betuelson í brøðrasamkomuni í Breiðaborgarstíg í Reykjavík. Eisini kom Andrew nógv í Frelsunarherin saman við øðr­um føroyingum, har vitnaði hann onkun­tíð. Hann arbeiddi eisini í Vestmanna­ oyggj­unum, har hann kom á møti hjá hvítu­ sunnusamkomuni. Í Reykjavík møtti og hoyrdi Andrew tann navnframa Fríðrik Fríðriksson . Fríð­ rik stovnaði KFUM í Íslandi, sum kom at hava stóran týdning. Andrew tosaði mangan um hendan mannin, sum hevði havt árin á hann. Fríðrik kom til trúgv í Føroyum ígjøgnum Gamla Sloan seinast í 1800 talinum. Íslendingar hava heiðrað hendan mannin við at seta eina standmynd av honum í miðbýnum í Reykjavík. Andrew arbeiddi eisini á Akureyri á Silda­ verksmiðju. Har kom hann til møtini hjá brøðrasamkomuni á Akureyri, sum enn í dag er á Sjónarhæð. Har kom hann at kenna hin navnframa bretska bíbliulæraran og rithøvundan, Arthur Gook, sum var leiðari í samkomuni har. Tá Andrew kom hagar, var samkoman stór og livandi. Andrew tosaði ofta um Arthur Gook. Hann gav út eitt kristiligt blað, Norðurljósið. Hetta blaðið fekk Andrew sendandi alt tað Poul Jóhan minnist. Arthur Gook, eins og Fríðrik Fríðriksson, byrjaði barnalegurnar við Ástjørn, sum hava verið hildnar har nú í 70 ár. Nógvir føroyingar hava hjálpt til har, millum hesar eisini Poul Jóhan. Arthur Gook var væl kendur um alt Ís­land. Hann var ein framsíggin maður, sum byrjaði egna útvarpsstøð, har hann umframt andaligar sendingar eisini hevði vanlig útvarpstíðindir, sum hoyrdust um stóran part av landinum. Tá var ikki Ríkis­ útvarp í Íslandi. Andrew arbeiddi eisini á einum bónda­ garði í Saltvík uttan fyri Reykjavík. Har var ein annar føroyingur, Justines Háskor, úr Svínoy. Tann, sum átti garðin, hevði apo­tek í miðbýnum í Reykjavík. Tað var annars vanligt hjá ungum føroyingum tá í tíðini at arbeiða eitt skifti á íslendskum bónda­ gørð­um. Tað var ein stór gleði fyri meg í november í fjør at vitja í Íslandi saman við soninum og verdóttrini. Tá vitjaðu vit bóndagarðinum í Saltvík, har Andrew hevði arbeitt. Innan Glyvur Lagnan hjá ættunum hjá okkum báðum kom at vera nokk so lík. Foreldrini hjá Andrew vóru Petronella f. Poulsen av Strond­um og Jósup Djurhuus, Innan Glyv­ ur. Tey giftust í 1914 og fingu tríggjar dreing­ ir. Poul Johannes f. 1915, Díðrikur, f. 1918, og Andrew f. 1920 Longu í 1922 doyði Petronella av tuberkl­ um. Tá var Andrew bert tvey ára gam­al. Hann fór so út á Strendur til mammu­beiggj­ an Berint, sum var giftur við Marin, systur Sím­un í Keldu, kendur maður við Sjógv á Strondum. Ein annar mammubeiggi var Andrias Poulsen, bóndi inni í Húsi við Sjógv. Hann varð næstan 101 ára gamal. Fyrsti lærarin hjá Andrew var Hákun Djurhuus, sum seinni gjørdist kendur politikari. Aftaná hann kom Johan Olsen. Eftir at konan var deyð, fór Pou­linu Daniel­sen, ættað av Hvítanesi, at halda hús hjá Jósupi. Tey giftust í 1925. Tá vildi Jósup hava Andrew at koma heim aftur at búgva. Tað var altíð eitt sera gott samband við Marin við Sjógv á Strondum, sum ætlaði at fostra Andrew upp sum sín egna son. Poul Jóhan kallaði hana eisini fyri »omma á Strondum.« Poulina og Jósup fingu fýra synir, John f. 1925, Berint f. 1927, Wensil f. 1929 og Emil f. 1931. Poul Johannes, beiggi Andrew, gekk burtur við Immanuel í 1932. Tað fórust tveir mans innan Glyvur. Hin var Díðrikur Djurhuus. Hann var 30 ár, giftur og átti ein son. Hann var beiggi Jósup. Hetta var sjálvsagt ein rættuligur smeitur fyri eina so lítla bygd. Jósup doyði longu 3. juli 1934, bert 47 ára gamal, eisini av tuberklum. Hetta var tvey ár eftir, at hann misti sonin við Immanuel. Longu tvey ár seinni doyr Díðrikur, mið­lingabeiggin. Andrew hevði verið í meslingagrindini í Gøtu í 1936. Hann var bliv­in smittaður, og tá ið hann bleiv sjúkur, smitt­aði Andrew beiggjan, sum ikki hóraði und­an. Hetta var enn ein smeitur fyri hesa familju. Oluf Djurhuus, systkinabarn Andrew, skrivar í bygdarsøguni hjá Innan Glyvur »At loysa úr lagdi«, at »Poulina legði ikki árarnar inn, tíbetur, men tók so mikið dyggiligari á í staðin, og væl royndist. Dreingirnir komu undan í øllum góðum, og hon megnaði at geva teimum eitt gott og gudsóttandi heim. Í hesum heimi havi eg havt mangar góðar løtur.« Tann yngsti beiggin, Emil, er á lívi. Hann er eitt ár eldri enn eg. Andrew er uppvaksin í øðrvísi korum enn eg sjálv. Hjá okkum í Húsavík var eingin neyð. Jørð var í húsinum, og tað gjørdi munin. Vit høvdu nokk av kjøti og eplum, og vit høvdu mjólk. Men pengar kendu vit einki til. Troyggjur vórðu bundnar at lata í handilin. Tað sama var við eggum. So varð keypt fyri tað, sum hetta gav av sær. Men heima hjá Andrew var eingin jørð. Pápin var sjúkligur og doyði í góðum árum. Almenn hjálp var eingin til fólk í slíkari støðu. Eina ferð tað stóð illa til, tá kom ein mjøl­ sekkur at standa í túninum. Tað vóru tá tvey hús innan Glyvur. Hini húsini vóru søgd at vera meira at kalla eini vala hús. Konan í hesum húsinum kallaðist eisini Poulina og hevði Poulsen til eftirnavn. Hesin mjølsekkur skuldi veruliga verið latin henni. Men tá segði henda Poulina, at var sekkurin komin at standa hjá Poulinu hjá Jósup, so skuldi hann eisini verða har. Hetta kom sum vera mann væl við, tí tað var ikki breyðbiti í húsinum. Siðsøga Næstfyrsta húsið innan Glyvur. Her búsettust Anna og Díðrik, foreldrini hjá Jósupi Bygdin innan Glyvur i 1983 TEKNING, DION DJURHUUS