mánadagur 29. februar 2016síða 63

VIKA 9 • 29. FEBRUAR 2016 15 ÓKEYPIS LÝSINGARBLAÐ TEMA Útjaðarin í Tórshavn Hestur hevur góð havnaviðurskifti, og bátar liggja á sjónum alt árið Fólkatalið í Hesti er nógv minkað, sum árini eru liðin, og í dag eru 17 fólk skrásett at búgva í bygdini Eitt virkið lív Ansgar Lenvig hevur havt eitt virkið lív. Sum 15 ára gamal fiskaði hann við føroyskum snurriváðbáti í ís­ lendsk­um sjógvi og seldi veiðina í Onglandi. Men, hann hevur verið víða um sum fiskimaður og hevur eisini siglt við norskum og týskum trol­ ar­um, eins og hann hevur róð út í Ravnoynni í Grønlandi og saman við manni í Hesti. Í sínari tíð – og fyrstu ferð í 1952 – var Ansgar Lenvig í Nólsoy og lærdi bátasmíð hjá Hanusi bónda, sum hin gamli varð róptur. Hann var í Nólsoy nakrar vetrar og smíðaði saman við bóndanum. – Hanus bóndi dugdi væl til hendurnar og var dugnaligur. Eg var einar fýra vetrar í Nólsoy, og eg vitjaði altíð av og á útaftur. Nólsoy var mín næsta heimbygd, um eg so kann siga. Ansgar Lenvig smíðaði sjálvur seinni fleiri bátar, og so mikið nógv lærdi hann í Nólsoy, at hann eisini var við til at smíða fleiri hús í Havn, tó at hann ongantíð gjørdist útbúgvin timburmaður. – Í góð 20 ár fram til ár 2006 arbeitti eg fyri Fiskaaling, har eg hevði aling við lívfiski í Hesti. Her høvdu vit fýra – eftir tátíðar máti­ stokki – stórar aliringar liggjandi norðan fyri grótkastið, umframt at vit høvdu tríggjar ringar inni í hylinum. Vit høvdu eisini búr til smolt. Hann vísir á, at tá smoltini komu frá Fiskaaling, lógu tey um 80 gram., og eftir umleið hálvum øðrum ári vigaði laksurin eini fimm kilo. Tað, sum tá ikki varð strokið, varð tikið úr ringunum við brunnbáti og slaktað. – Hin størsti lívfiskurin, sum vit høvdu her í Hesti, kundi eftir tveimum ella trimum árum viga upp í 16 kilo, sigur Ansgar Lenvig, sum leggur aftrat, at sum árini gingu, komu krøv um, at lívfiskur skuldi alast á landi – og ikki á sjónum. Alivirksemi í Hesti helt tó fram í fleiri ár eftir, at Lívfiskastøðin í Skopun varð bygd. – Eg hevði ein mann at hjálpa mær, og tá fiskur skuldi takast, komu eisini fólk úr Skopun og tóku hond í við okkum. Havnalagið í Hesti roynist ógvuliga væl, og her høvdu vit eina tvíkilju liggjandi alt árið, meðan alingin fór fram, sigur hann. Ansgar Lenvig er væl fyri, tó at hann er farin um tey 81. Saman við nøkrum vinmonnum, sum allir eru pensjónistar, helt hann sín føðingar­ dag, 13. februar í ár, í Spania, har veður var at ganga við berum yvirbelti tað mesta av tíðini. Teir vóru í summarhúsi í Spania, nærindis Barcelona, og nú Vikublaðið hitti hann á máli, er hann nýliga komin heimaftur. – Í dag smíði eg ymiskt fyri­ fallandi fyri dóttrina, sum hevur eini summar­hús her í Hesti, sigur frynt­ ligi og virkni hestmaðurin, sum Viku­ blaðið hevur skift orð við.