hósdagur 3. mars 2016síða 31

FRÍGGJADAGUR 4. MARS 2016 SOSIALURIN 27 31 POLITIKKUR Ein lítil triðingur av tingmanningini var ikki vald inn á løgtingsvalinum 1. september Løgtingið er mannað við 33 tinglimir. Val er í minsta lagi 4.hvørt ár og seinasta løgtingsval var 1.september í fjør. Ein samgonga var gjørd hálvan september og tað fekk stóra ávirkan á tingmanningina eins o fólkatingsvalið á sumri í fjør. Tá ið samgongan varð gjørd, fólkatingsessirnir mannaðir og støða var tikin til borgarstjóran í Klaksvík, vísti tað seg, at 10 av teimum valdu ikki tóku sæti á tingi. Fyri at taka borgarstjóran í Klaksvík, sum eisini er formaður íNýggjum Sjálvstýri, so noktaði ein meirluti í býráðnum í Klaksvik honum at røkja bæði borgarstjórastarvið og at sita á tingi. Hann mátti velja – og valdi sostatt at halda fram sum borgarstjóri og yvirlata tingessin til Bárð Kass Nielsen. Báður Kass Nielsen fekk 69 atkvøður á valinum. Hjá Framsókn er tað so, at formaðurin í flokkinum, sum eisini var fyrst valdur, tók við sum landsstýrismaður við vinnu- og útlendingamálum. Tað ger, at Poul Michelsen ikki kann sita í Løgtinginum. Í hansara stað kom Ruth Vang á ting. Tjóðveldi fekk trý lands­stýris­ fólk Høgna Hoydal, Sirið Stenberg og Kristinu Háfoss. Høgni Hoydal var eisini valdur í Fólkatingið, men tann sessin yvirtók Magni Arge, sum eisini var valdur á Løgting. Tað vil siga, at fýra nýggj fólk komu á ting fyri Tjóðveldi Tey eru: Bjørt Samuelsen, Óluva Klettskarð, Pauli Trond Petersen og Ingolf S. Olsen. Javnaðarflokkurin hevur løg­ mann og trý landsstýris­fólk. Sjúrður Skaale er fólkatings­limur, men hevði annars verið millumt ey eykavaldu í Løgtinginum. Tí eru fýra av sjey tingfólkum hjá Javnaðarflokkinum eykavald. Tey eru: Helena Dam á Neystabø, Jónleif Johannesen, Kristianna W. Poulsen og Djóni Nolsøe Joensen. Við øðrum orðum eru 10 av 33 tingfólkum eykavald. Helena Dam á Neystabø, Javnaðarflokkurin Jónleif Johannesen, Javnaðarflokkurin Bárður Kass Nielsen, Nýtt Sjálvstýri Pauli Trond Petersen, Tjoðveldi Kristianna W. Poulsen, Javnðarflokkurin Bjørt Samuelsen, Tjóðveldi Ingolf S. Olsen, Tjóðveldi Djóni Nolsøe Joensen, Javnaðarflokkurin Óluva Klettskarð, Tjóðveldi Ruth Vang, Framsókn 10 eykavald sita fast í Løgtinginum