mánadagur 7. mars 2016síða 14

Mánadagur 7. mars 2016 · Nr. 28 14 Sosialurin Hugskot og viðmerkingar – send sms til 225000 FERÐ KEMUR NÚ Á POLITISKA ARBEIÐIÐ Sjálvt um løgtingsformaðurin ikki hevur nógv mál enn at seta á skránna, so hevur hann kallað til tingfundar allar dagar í hesi vikuni uttan týsdagin Árni Gregersen Síðani politiska rokið undan jólum og millum jólanna, so hava tingfólk ikki brúkt nógva tíð í tingsalinum. Men nú kemur nakað av ferð á. Í dag er seinasti dagur at leggja fram uppskot í hesi tingsetuni eftir galdandi reglum. Landsstýrið er komið við fleiri lógaruppskotum og andstøðan við nøkrum fáum, so helst eru tað áleið 30 uppskot, sum Løgtingið skal avgreiða áðrenn farið verður í summarfrí. Kortini er tað soleiðis, at tað ber til at koma við upp­ skotum seinni. Tá skal Løg­ tingið sjálvt tó loyva tí. Hjúnabandslógin Nógv av lógaruppskotunum eru praktiskar justeringar, men tvey mál eru kortini, sum semja neyvan er um. Bæði tvey eru í nevndum. Vinnunevndin situr við einum máli um uppboðssølu av fiskirættindum. Upp­skot­ ið steðgaði í vinnu­nevnd­ini, tí meirlutin helt, at hetta ikki kundi gerast uttan so, at vandi er fyri, at landið fær endurgjaldskrøv. Nú er tað soleiðis vorðið, at júst í vinnunevndini hevur andstøðan í tingsalinum meir­lutan. Eisini er iva­samt um teir báðir sam­gongu­ting­ mennirnir, Bjarni Hammer og Kristin Michelsen, taka undir við uppskotonum. Hitt stóra og kontro­versi­ ella málið er at geva sam­ kyndum loyvi at giftast. Hetta er eitt nógv meira tekniskt uppskot, sum krev­ ur broytingar í fleiri lógum og sum verður viðgjørt í trimu­m tingnevnd­um. Málið verður av flokk­un­ um kallað etiskt og tað gevur sostatt í flestu flokkum, ein­ støku tingfólkunum loyvi at atkvøða eftir egnari sam­ vitsku. Bert í Framsókn og Tjóð­ veldi er greitt, at øll fara at at­kvøða fyri broytingunum. Neyvan nakar kann í dag siga um tað verður samtykt í hesi tingsetuni, at samkynd sleppa at giftast. Stríðið um, at kirkjan sigur, at politiska valdið ikki skal avgera um um samkynd kunnu giftast í kirkjum og samkomun, hevur gjørt mál­ ið meira fløkt og fer kanska at gera, at onkur, sum annars hevði ætlað at atkvøða mál­ ið ígjøgnum, nú velir at at­ kvøða ímóti. Fyrsti tingfundurin hesa vikuna er í dag klokkan 13.30. arnig@sosialurin.fo POLITIKKUR