mánadagur 7. mars 2016síða 30

Mánadagur 7. mars 2016 · Nr. 28 30 Sosialurin Hugskot og viðmerkingar – send sms til 225000 Hvussu var tað at fáa sín fyrsta dyst í hasum kava­veðrinum? – Tað var eitt serligt upplivilsi, at vøllurin gjørdist fullur av kava bara eftir fimm minuttum. Tað havi eg ongantíð upplivað áður, men tað er ein partur av tí heila, og tíbetur skínur sólin eisini inn ímill­um. Hvat er títt inntrykk av føroyskum fótbólti? – Tað er sjálvandi ilt at siga eftir bara einum dysti, men um eg skal taka útgangsstøði í leikarunum í NSÍ, so haldi eg, at tað eru nógvir dugnaligir leikarar og eitt lið við góðum tilfeingi, sum eg eri glaður fyri at vera ein partur av. Kendi tú nakran í Føroyum, fyri uttan Anders Gerber, áðrenn tú komst higar? – Nei, eg kendi ongan uttan Anders Gerber áðrenn eg kom higar, men eg eri blivin móttikin av ótrúliga nógvum vinarligum og fyri­komandi fólkum, og tað eru sera glaður eg takksamur fyri. Ert tú Liverpool-fjeppari? – Eg eri Manchester United- fjeppari, og tað havi eg verið so leingi sum eg kann minnast. Tað hevði tó ikki stóra ávirkan á mína av­gerð um at fara til Liverpool. Tað var ein møguleiki og ein av­ bjóð­ing, sum eg ikki vildi lata fara til spillis. Hvussu er at vera giftur við einum fyrrverandi Paradise Hotel-luttakara? – Tað er ikki nakað hvørki eg ella Ida (Amalie, red.) brúka nakra tíð uppá. Vit vilja heldur tosa um nútíð og framtíð, heldur enn farna tíð. albinus@sosialurin.fo Vikan ið fór Kaj Leo í Bartalsstovu spælur fyri fyrstu ferð í Bukarest grannauppgerðini, tá hann hósdagin kemur inn í málleysa javnleikinum móti Steaua Bukarest. Dómararnir avsanna ikki, at teir eru sinnaðir at fara í verkfall, um samsýningin ikki verður hækka. Hetta hendir dagin fyri fyrsta dystin í hesum kappingarárinum í fótbólti. Heini Vatnsdal er aftur á landsliðnum, tá Lars Olsen úttekur tíggju teir fyrstu til landsdystin móti Liktenstein. HB ger sáttmála við Øssur Dalbúð, meðan Fróði Benjaminsen er aftur til venjing hjá HB. Hákun Edmundsson verður útleigaður frá NSÍ til B68. ...við ítróttinum 5 SKJÓTIR Eg havi ein veikleika fyri at keypa fótbóltsbløð, tá eg eri uttanlands. Serliga koma tey væl við í flúgvarinum. Tað var eisini á flogvøllinum í Íslandi á veg heim, at eg keypti mær nýggjastu útgávuna av mánaðar­ liga blaðnum FourFourTwo – ella 4-4-2. Internetið hevur langtsíðani kollvelt allan blaðheimin. Hetta er eisini galdandi fyri hetta blaðið, sum stríðist við at yvirliva. Hesa ferð er forsíðan um Pep Guardiola, sum er venjari hjá Bayern Munchen, og til komandi kappingarár verður venjari hjá Manchester City. Blaðið lovar á forsíðuni, at tú sleppur tætt at tankunum hjá katalanska venjaranum, men eitt nú veit eg, at hann aldrin ger persónligar samrøður við einstakar tíðindastovur. Tí er alt endurminningar frá øðrum, ella tíðindum, sum tú allarhelst hevur hoyrt fyrr. Millum annað verður Thierry Henry endurgivin fyri nakað, sum hann segði á Sky Sports, ið fór kring netið sama kvøldið hann segði tað. Lay-out parturin er flottur, tað eru nógvar smærri, stuttligar og áhugaverdar søgur at finna í blaðnum. Blaðið plagar ikki at vinna fram aftur eftir flúgvitúrin, men tað gjørdi hesaferð. Tó mest av gomlum minnum, tí eg havi altíð keypt 4-4-2 og World Soccer á ferð. Eina mest fyri at hava okkurt at gera í flúgvarinum, og at geva mítt íkast til ítróttar- blaðheimin. Tað fari eg eisini at gera í framtíðini. LES BLAÐIÐ UM: tú skal flúgva! IKKI LESA BLAÐIÐ UM: tú ikki skal flúgva ella ikki hevur sundir at seta teg niður eina løtu uttan internet. HVUSSU ER BLAÐIÐ AT LESA: væl sett upp og fangandi tekstuppseting. Lætt at lesa.. HVAT SIGUR TÚ? hetta er ikki longur ein høvðuskelda til fótbóltstíðindi, men hugnaligur lestur alíkavæl trondur@sosialurin.fo Í hesum táttinum umrøða vit ítróttarhendingar og onnur ítróttarlig tiltøk… ★★★★★★ FAKTA Í blaðnum hesa ferð eru eisini áhugaverd grein um Borussia Dortmund, men ein gjøgnumgingd av kappingarárinum 1937-38 var kanska eitt sindur for nógv av tí góða Fimm skjótir spurningar til føroysk ítróttarfólk... Navn: Nicolaj Køhlert Aldur: 23 Ítróttur: Fótbóltsspælari (NSÍ) Royn tína vitan um ítróttin her og nú! Svarini standa niðast til vinstru, men royn teg nú fyrst 1 Hvat er tað mesta, tú kanst fáa í dart við trimum pílum? 2 Hvussu eitur danska hondbóltsfelagið hjá Jóhan á Plógv Hansen? 3 Hvussu eitur heimsins skjótasti maður á 100 metrum? 4 Hvussu eitur nýggi venjarin hjá NSÍ? 5 Brandur H. Olsen er fjórði føroyingurin í Vendsyssel. Hallur Hansson, René S. Joensen og ? 6 Hvussu eita Klitschko beiggarnir, ið eru kendir í boksiheiminum? 7 Hvussu eitur bretski boksarin, sum vann fýra boksibelt frá øðrum av Klitschko beiggjunum í desember? 8 Hvør er viðkomandi á myndini? ? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Quizzin, svar: 1: 180, 2: Bjerringbo-Silkeborg, 3: Usain Bolt, 4: Anders Gerber, 5: Meinhard Olsen, 6: Waldimir og Vitali, 7: Tyson Fury, 8: Torvald Abrahamsen Dokumentarurin: FourFourTwo ÍTRÓTTAR UMMÆLI