mánadagur 14. mars 2016síða 12

12 Danjal av Rana Leygarkvøldið fekk tón­leika­ árið 2015 hjá Eivør Pálsdóttir eitt virðiligt punktum. Á tón­leika­fagnaðin­um FMA fekk hon fýra heiðurs­ lønir, í stóran mun fyri systirútgávur sínar Slør og Bridges. Eivør gjørdist ársins song­kvinna og ársins ein­ staklingur í bókinum popp/ rokk, Slør gjørdist ársins útgáva í sama bólki og Eivør fekk eisini heiður fyri ársins húsa fyri systur­útgávurnar Slør og Bridges. Har­um­framt fekk Tróndur Bogason, maður Eivør, heiðurin sum ársins framleiðari, millum annað fyri arbeiði sítt á út­ gávunum hjá Eivør. Eivør er kanska vorðin von at fáa tón­leika­heiðurs­ lønir í Føroyum, tí um vit hyggja at vinnarunum frá FMA undanfarin ár og Planet Awards, sum gekk undan, so er Eivør hon, ið hevur fingið flest virðislønir. Hóast hetta var hennara fyrsta virðisløn fyri ársins sangara í FMA-høpi, tó at hon hevur verið tilnevnd fleiri ferðir, so fekk hon hendan heiðurin heili fýra ferðir undir Planet Awards, í 2005, 2006, 2009 og 2012. Tilsamans hevur Eivør Pálsdóttir fingið átta virðislønir í Planet Awards og FMA-høpi, um­ framt tær fýra, hon fekk leygar­kvøldið. Næst henna koma Lena Andersen og Benjamin, ið hava vunnið fimm virðislønir hvør. Umframt tær átta føroysku tón­leika­virðis­lønirnar, hevur hon fingið virðislønir bæði í Danmark og í Íslandi. Sjálv sigur Eivør, at 2015 uttan iva hevur verið tað árið, hon hevur framleitt mest. Umframt fløgurnar Slør og Bridges, kom fløgan um kópakonuna, At the Heart of a Selkie, sum Eivør framførir saman við DR Big Band út. – Umframt hasar tríggjar, so kom The Color of Dark hjá mær og Ginman eisini út á heystið 2014, so tað hevur verið ein virkin tíð hjá mær, jú. Tó, so hava vit arbeitt við kópakonuni í eini fýra ár, so tað var eitt sindur tilvildarligt, at hon gjørdist liðug júst nú. Slør og Bridges eru hinvegin nærum tvíburafløgur, tær eru skaptar samstundis, sigur Eivør Pálsdóttir. Harumframt hevur hon eisini gjørt filmstónleik til eina røð hjá BBC, ið nevnist The Last Kingdom, saman við John Lunn. Sendirøðin er ein víkingasendirøð, ið fer fram í níggjundu øld, bygd á bøkurnar The Saxon Stories. Tað norrøna og norðurlendska fær tí nógv pláss í røðini. – Tað var John Lunn, ið setti seg í samband við meg. Hann hevði hoyrt Trølla­ bundin á Youtube og var hug­tikin av ljóðmyndini í sangin­um. Tí spurdi hann, um vit kundu sam­starva um at gera tón­leikin til The Last Kingdom, tí hann leitaði eftir onkrum, ið kundi geva send­ ingini røttu norðurlendsku ljóð­myndina, sigur Eivør Pálsdóttir. Fyrsta sesongin av røðini er farin aftur um bak og onnur er í gerð. Eivør Pálsdóttir er tó ikki heilt vís í, hvussu nógv hon fer at fáast við tónleikin til aðru sesong. – At gera tónleik til eina sendirøð er heilt øðrvísi, talan er um eina heilt aðra til­gongd, ein heilt annar máti at gera tónleik. Tað eru so nógv onnur atlit at taka. Eitt nú er nærum allur tónleikurin til sendirøðina uttan orð. Tey fáu orðini sum eru, syngi eg tó á føroyskum, tað haldi eg er nokk so stuttligt, sigur Eivør Pálsdóttir. Eftir fýra útgávur í hálvt­ annað ár skulu vit tó ikki vænta nakað nýtt frá Eivør júst enn. – Tilgongdin við hesum út­gávunum hevur verið long og krevjandi, og eg eri fegin um tað, sum eg havi skapt. Nú má eg byrjað av nýggjum aftur, fáa nýggj hugskot. Tað er kanska at taka ov rívan til at siga eitt nýtt kapittul, men kortini, so leiti eg eftir onkrum nýggjum, sigur hon. Hon lovar tó kortini, at hon fyrstu tíðina fer at framføra tað, sum er á nýggju út­ gávun­um. Eivør Pálsdóttir fekk fyri kortum starvsløn frá Menta­ mála­ráðnum í trý ár. Tað er tó eingin ávís verk­ætlan í væntu hjá song­kvinnuni. – Eg havi ikki nakað ávíst, sum eg nú fari at arbeiða við, men starvslønin frá Menta­ mála­ráðnum loyvir mær at í nógv størri mun raðfesta tað skapandi og arbeiða miðvíst. Eg fái við hesum frælsi at skapa tað, eg havi hug til, eins og eg kann halga meg meiri at tí at skapa, heldur enn at nýta tíðina upp á at fáa tað fíggjarliga at mala runt, sigur Eivør Pálsdóttir. NÚ MÁ EG BYRJA AV NÝGGJUM Mánadagur 14. mars 2016 · Nr. 31 Hugskot og viðmerkingar – send sms til 225000 Sosialurin Fýra útgávur seinastu 18 mánaðirnar krevja sítt og Eivør Pálsdóttir fer nú at leita sær nýggjan íblástur til komandi útgávur.