mánadagur 14. mars 2016síða 30

Mánadagur 14. mars 2016 · Nr. 31 30 Sosialurin Hugskot og viðmerkingar – send sms til 225000 Hvat gekk galið ímóti Skála í gjár? – Vit vóru ikki klárir í høvdinum, og tað sást longu undir upp­ hiting­ini, haldi eg. Vit runnu við høvdun­um ímillum beinini og vóru ikki klárir frá byrjan. Tað er als ikki gott nokk. Eingin skal vera yvir nøkrum - vit eru eitt lið, har vit skulu hjálpa hvørjum øðrum í mótgongd. Einasta skotið, teir hava í dystinum, skora teir upp á. Ert tú nøgdur við egin avrik fyrstu tveir dystirnar? – Tað hevur verið í lagi, og eg eri ikki ónøgdur. Fyrsta dyst fekk eg víst at eg havi okkurt at bjóða í álopspartinum, fekk mítt fyrsta mál við hørðum arbeiði, vilja og avbjóðingum í einum dysti, har vit ikki heilt spældu upp til okkara besta. Hóast eg júst eri komin aftur frá skaða eftir fýra vikur, so vísir formurin seg at vera góður. Kendi tú nakran í Føroyum áðrenn tú komst higar? – Nei, ikki reiðiliga. Eg kenni tó nakrar í Danmark, sum hava spælt í Føroyum. Hvat er tað besta við Føroyum? – At kunna hugsavna seg meiri um fótbóltin og at eg havi fingið so góðar vinir, sum eg havi. Eg kenni meg vælkomnan allastaðni, og tað er deiligt, tá ið ein er burtur heimanífrá. Felagslívið í B36 er kanóngott at vera ein partur av. Hvat er størsti munurin á Føroyum og Danmark? – Veðrið. Tað kunnu vera allar fýra árstíðir ein og sama dag. Heglingur, kavi, regn og sól. Men vakurt er tað veruliga! Vikan ið fór Føroyka U19 landsliðið luttekur í Women’s Trophy- kappingini, sum er í Tblisi í Georgia. Føroyska liðið vinnur stórt til finaluna, sum verður vunnin á Georgia. Maria Sharapova boðar frá, at hon er tikin fyri doping. Dopingroyndin, sum er tikin til Australian Open kappingina, inniheldur meldonium, ið bleiv bannað um ársskiftið. Pál Vitalis Joensen vinnur kapping í Edinburgh, og luttekur av tí sama ikki á fyrsta FM á langgeil. Hetta er ein liður í at røkka OL í Rio komandi summar. 38 ára gamli Fróði Benjaminsen finnur gaggurnar fram, og ger nýggjan sáttmála við HB. Hann boðaði í fjør frá, at hann fór at gevast, men tekur nú eitt ár afturat í HB. Dómarafelagið og FSF eru í orðadrátti, eftir at formaðurin í dómaranevndini hjá FSF letur illa at ávaringini hjá dómarafelagnum um verkfall. Partarnir hava gjørt fyribils avtalu frá til 3. apríl. Kaj Leo í Bartalsstovu byrjar á fyrsta sinni inn fyri Dinamo Bukarest, tá felagið í steypakappingini tapur 3-0 fyri Concordia Chiajna. Gøtumaðurin kemur hóast alt væl frá uppgávuni. ...við ítróttinum 5 SKJÓTIR Leading er nýggjasta bókin hjá Sir Alex Ferguson. Bókin er ein blanding av leiðslu ráðum og endurminningum hjá Sir Alex Ferguson frá yrkisleiðini sum venjari. Skotin er eitt eindømi í nýmótans fótbólti, har feløg skifta venjara upp til eina ferð um árið. Sir Alex Ferguson stóð við sum venjari hjá Manchester United í 26 ár, har hann millum annað vann 13 meistaraheiti. Tó situr tú eftir við eini kenslu, at tú sleppur ikki heilt framat Sir Alex Ferguson og hansara leiðara hátti. Bókin er bygt upp soleiðis at Sir Alex fortelur um eitt øki av leiðslu á gangin. At kalla øll ráð verða undirbygt at avgerðum hjá honum – bæði góðum og minni góðum. Tað merkir so samstundis, at tú lesur eina bók, sum í nógvar mátar er ein lummafilosofi best vinnandi venjaranum í Premier League. Mín spurningur er hvussu nógv onnur fáa brúkt tey ráðini. Tá tú sum eg, hevur fylgt Sir Alex Ferguson gjøgnum hansara yrkisleið, so siti eg við somu kenslu, sum tá eg læs endurminningirnar hjá honum. Eg veit tað mesta og føli ikki, at eg fái so nógv eyka. Tað er eitt sindur tað sama her, men bókin er væl skrivað og góður lesnaður fyri ein venjara, deildarleiðara og fótbóltsfjeppara. Ein forkláring er helst, at tað er ikki so djúpt og torført at verða ein leiðari. Tað er kanska í veruleikanum eitt sindur einfalt, men tú skal verða sinnaður at liva sum ein leiðari. Tað var Sir Alex Ferguson. At hann so heldur, at Manchester United kundi vunnið Champions League í 2009 og 2011 á Barcelona, tað má hann um – tað haldi eg ikki! LES HANA UM: Tú er ein venjari, deildarleiðari, ella ein Sir Alex fan IKKI LESA HANA UM: Tú væntar at kunna reka eina fyritøku aftaná HVUSSU ER HON AT LESA: Bókin er greið og væl skrivað HVAT SIGUR TÚ? Verd at lesa, men ikki eta øll ráðini rátt trondur@sosialurin.fo Í hesum táttinum umrøða vit ítróttarhendingar og onnur ítróttarlig tiltøk… ★★★★★★ FAKTA Sir Alex Ferguson er í dag 74 ára gamal og er umboðsmaður fyri Manchester United. Hann er mangan at síggja til dystir hjá felagnum, men sigur í bókini, at hann ongantíð hevur verið freistaður at taka við aftur, hóast gongdin hevur verið minni góð Atli Gregersen vísandi til Fróða Benjaminsen og styrkina hjá HB í samrøðu við Kringvarpið Maria Sharapova um ákoyringar, at hon bleiv ávarað um at Meldonium nú er á dopinglistanum – Tá tú kanst skifta ein mann inn, sum hevur spælt 85 landsdystir – Eg havi ongar umberingar, men tað passar ikki at eg bleiv ávarað fimm ferðir Fimm skjótir spurningar til føroysk ítróttarfólk... Navn: Sebastian Pingel Aldur: 22 Ítróttur: Fótbóltsspælari (B36) Royn tína vitan um ítróttin her og nú! Svarini standa niðast til vinstru, men royn teg nú fyrst 1 Minnist tú enn hvussu nýggi FIFA forsetin eitur? 2 Hvussu eitur pápi B36 spælaran, Sebastian Pingel, sum á sinni skoraði móti Føroyum við danska landsliðnum? 3 Úr hvørjum landi kemur Maria Sharapova? 4 Hvør skoraði hattrik fyri Giza/Hoyvík í 1. umfari í 1. deild? 5 Hvar hevur FM fyri tey ungu í flogbólti verið um vikuskiftið? 6 Hvat er tað mesta tú kanst fáa í dart við trimum pílum? 7 Hvussu langur er hylurin í Páls Høll? 8 Hvør er spælarin á myndini? ? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Quizzin, svar: 1: Gianni Infantino 2: Frank Pingel 3: Russlandi 4: Bjartur Kjærbo 5: Trongisvági/Suðri 6: 180 7: 50 metrar 8: Jógvan Skeel Nolsøe Bókin: Sir Alex Ferguson: Leading ÍTRÓTTAR UMMÆLI