hósdagur 28. apríl 2016síða 18

FRÍGGJADAGUR 29. APRÍL 2016 SOSIALURIN 49 18 Matgerð – Sjálvt gularótin kann verða lekkur um hon verður klødd rætt! TJÓÐHILD PATURSSON E g havi hoyrt summar nóls­ oying­ar kalla meg gula­ rótin, og fríggja­kvøld­ið vóru nøkur, ið mundu skrædnað av øllum gula­rót­unum vit høvdu fylt í okkara tví­flísar – tey lótu tó væl at smakk­in­um (við VIT meini eg ‘vit á Kunn­ ingarstovuni í Nólsoy’ – ja, vit eru ein Kunningarstova , ið ger mat, einaferð finna vit kanska uppá eitt navn til caféina;) ). Tað er, sum um at nólsoyingar (og óivað nógv onnur við teimum) hava eina fatan av, at tað at eta gularøtur er keði­ ligt, og bert nakað fyri tey ið vilja klænka seg. Eg haldi, at gularótin ofta er misskilt, vit eru øll von við yvirkókaðar gularøtur, ella enn verri, gularótastavar við onkrum keði­ligum dippi afturvið… men gula­røtur kunnu vera so nógv annað! Gularøtur kunnu virka sum boðberar fyri eina rúgvu av smakki, og tær eru lættar at lata í ein ham av øllum góðum. Og DRESSINGURIN er lykilin til hetta hamskiftið. Ja, tað ræður bara um at klæða hana rætt. ‘Dress it up’ stendur ofta at lesa á ensku matbloggunum. Í síðstu viku skrivaði eg eina grein um, hvussu tú kanst eta salat til døgurða, í teirri vegleiðingini leggi eg dent á týdningin av einum góðum dressingi, og heitti á fólk at googla seg fram til nakrar góðar dressingar , tey kunnu gera sær niðurfyri. Tað skal ikki nógv googl­ing til at síggja, at allar flestu dressingar eru samansettir av hesum byggisteinum: feitt, salt, súrt og søtt. Skilir tú hetta, so syftir tú lættliga dressingar saman, og flytir gularótina frá svøltikosti til luksus lunsh. MYNDIR: TJÓÐHILD PATURSSON Í HAMSKIFTI Dressingur av olivenolju, balsamico edikki og hunangi. 10 spsk av olju, 3 spsk av balsamico edikki, 1 tsk av hunangi og 1 nips av salt. Dressingurin hóskar ógvuliga væl til simpul grøn salat. Cashew-Basilikum dressingur. Hevur tú ein góðan blendara, so ber til at gera kremuttan dressing úr nøtum. Minnst bara til at lata nøtirnar standa á blot áðrenn - hetta ger tær lættari at sodna, umframt at dressingurin verður kremutari. Til hendan dressingin havi eg brúkt, 100 gr av cashewnøtum (stóðu á blotter í 30 min, 4 tímar ella meira er betur), 1 neva av basilikum, 1 nips av salti, 3 spsk av sitrón, eitt sindur av sitrónskali og eitt sindur av vatni - so nógv at dressingurin verður so flótandi,sum tú vilt hava hann (eg plagi at koyra vatn í til cashewnøtirnar eru undir í vatni). Blenda væl í blendara ella við stavblendara. Dressingurin hóskar væl út yvir døgurðasalatið (les seinasta vikuskiftis-sosial ;) ) Ein basilikum-planta í vindeygakarminum er gull verd! Veruliga. Hendan hevur yvirlivað veturin, og veksur saman við einum abrikostræð. Hevur tú onga basilikumplantu, men eigur eitt tómt vindeyga, so er bara at fara í gongd. Basilikum er nakað av tá lættasta at sáa – og at eta ;)