hósdagur 28. apríl 2016síða 25

FRÍGGJADAGUR 29. APRÍL 2016 SOSIALURIN 49 25 Eitt langt stríð um útskifting í einum haga í Froðba syngur nú sítt seinasta vers. Tað, sum byrjaði sum eitt ynski um útskifting í 90’unum, endar nú við, at Kristin Michelsen og aðrir eru sendir til innkrevjingar, tí teir sýta fyri at rinda tað, sum er teimum álagt sambært lógini. Stríðið fevnir um herverk, kæru til Hægsta rætt, og tí, sum Umhvørvisstovan upp­ livdi sum eina hóttan móti embætismanni Áralangt stríð elvdi til hóttanir og herverk BARBARA HOLM Í 90’unum vildu nakrir haga­ ánarar í Suðuroynni at fremja tað, tey kalla útskifting. Tað merk­ir, at hagapartar verða merkt­ir upp av nýggjum – kanska tí eigararnar vilja sleppa at býta hagarnar sundir. Men ónøgd var um hetta, og ser­stak­ liga Kristin Michelsen og aðrir við vóru ímóti broytingini, og tí hendi einki í fyrstu atløgu. Fyrst í hesu øldini varð tó roynt aftur, og hesaferð gekk bet­ur. Málið gongu sína gongd og út­skiftingarnevndin verður sett at gera av, júst hvussu hetta skal gerast. Formaðurin í út­skiftingar­nevndini er land­ málari frá Umhvørvis­stov­uni, og aftrat honum sita tvey um­ boð í nevndini, sum lands­stýrið hevur valt. Niðurstøðan var greið – út­ skiftingin varð framd. Men hetta vilja Kristin Michelsen og aðrir ikki góðtaka. Málið verður tí kært til Yvir­útskiftingar­ nevnd­ina, sum kemur til áleið somu niður­støðu, eftir nakað av mekling aftur og fram. Men hesa­ferð varð niðurstøðan eis­ ini tikin uttan semju millum partar­nar. Besta harutíð Vit eru nú í 2009, og Umhvørvis­ stovan fer suður á Tvøroyri at gera sítt arbeiði – nevniliga at seta nýggjar markapelar og steinar í, so úrskururin hjá Yvir­út­skiftingarnevndini kann fylgjast. Komin suður ringir eitt av starvs­fólkunum hjá Um­hvørvis­ stovuni til Kristin Michelsen fyri at boða frá, at nú verður farið í hagan, eins og niður­ støðan áleggur. »Líkast tit harum?«, spurdi Kristin Michelsen í horninum. Kristin og aðrir gingu hesar dagar í haganum og skutu harur, og starvsfólkið hjá Um­ hvørvis­stovuni metti hetta sum eina beinleiðis hóttan. Starvsfólkini frá Um­hvørvis­ stovuni gera av at fara norður aftur til Havnar uttan at gera meira við málið. Í 2010 gongur betri hjá Um­ hvørvisstovuni. Um hetta mundi hava Kristin Michelsen og aðrir kært niðurstøðuna frá Yvirútskiftingarnevndini til Hægsta Rætt, og Umhvørvis­ stovan hevur fingið skrivliga at vita frá dómstólinum, at stovn­ urin kundi inn­føra niðurstøðuna frá Yvirútskiftingarnevndini, hóast málið nú lá hjá Hægsta Rætti. Umhvørvisstovan setur tí mark av nýggjum uttan uppí­ blanding frá pørtunum, og stutt eftir avvísur Hægsti Rættur málið, og sostatt er tað endaligt. Herverk og innkrevjing Á sumri 2011 var tó aftur galið. Hesa­ferð fekk Umhvørvis­stov­ an fráboðan um, at herverk var framt á markapelar og marka­steinar í haganum, og tí var vónleyst at meta um, hvar markið gekk. Eftir at Umhvørvisstovan hevði dokumenterað hend­ing­ ina, varð avgerð tikin um at melda. Men tvey ár seinni kom niður­støðan – tað bar ikki til at finna prógv uppá, hvør hevði framt hetta álvarsama brot. Og jú, álvarsamt er tað, tí revsingin er upp til 4 ára fongsulsrevsing. Síðsta vers í hesum drúgva málið verður nú sungið við tað, at Kristin Michelsen og onnur við eru send til innkrevjingar, tí sambært lógini eiga hagaánarar at rinda helmingin av tí tað kostar at fremja eina útskifting í verki. Tað eru smápengar vit tosa um, men kortini tykist málið verða komið so langt, at tað nú er talan um prinsippmál fyri bæði Umhvørvisstovuna og fyri teir ánarar, sum ikki vilja rinda rokningina. Froðba Telefonsamrøða. 9/11-9 fóru vit suður, at seta tey nýggju markini í Froðba. Komnir suður ringdi eg til harumennirnar, at boða teimum at vit fóru í hagan dagin eftir. Fekk fatur á skeivum manni, hann hevði ikki keypt hagan í ár, men tað hevði Kristin Michelsen. Greiddi Kristini frá, at vit ætlaðu okkum í hagan og vildu ikki verða til ampa og vildu ikki verða skotnir. Hann spurdi um vit líktust harum og hvat vit skuldu í haganum. Tað fekk hann so at vita. Hann spurdi um vit ikki høvdu fingið eitt skriv. Eg segði so var. Vit høvdu fingið eitt skriv um fráboðan um stevning inn fyri hægstarætt. Mær vitandi var ikki stevnt. Hann spurdi um eg ikki sæð dómin og at har stóð at kærufreist var fýra mánaðar. Eg segði, at eg hevði sæð dómin, men helt ikki at tað stóð nakað um kærufreist í dóminum, annars dugdi eg ikki dómin ræði. Kristin segði at útskiftingin var løgd still í kærufreisttíðini og at hann noktaði okkum at fara í hagan. Eg segði at vit høvdu rætt at fara í hagan. Hann spurdi hvar tað stóð. Eg segði at tað stóð í lógini. Tað vildi hann hava svart upp á hvítt og hann fór at melda okkum fyri ólógliga hagagongu, eisini ætlaði hann at seta bilar fyri, fyri at fora. Jógvan Telefonnotat, sum starvsfólk hjá Umhvørvisstovuni hava gjørt í november 2009, eftir at hava tosað við Kristin Michelsen. Telefonsamrøðan gjørdi, at starvsfólk hjá Umhvørvisstovuni fóru til Havnar aftur, uttan at gera sítt arbeiði Fra: Jákup Pauli Joensen Til: Petur Nielsen; Ronnie Thomasen; Emne: Tlf Kristin - JPJ Dato: 16. november 2009 17.04.23 Upprit um tlf – samrøðu viðvíkjandi marknaseting eftir útskifting á Tvøroyri Mánakvøld tann 9. Novembur 2009 uml kl 20.30 Kristin Mikkelsen, Tvøroyri, ringdi til mín privat uml. Kl. 20.30 og gjørdi vart við, at hann hevði skilt, at starvsfólk frá US vóru komin suður at seta mark. Hetta undraðist hann yvir tí ein stórur partur av merkunum (17 av 24) á hagafundum høvdu avgjørt at kæra til hægstarætt og at US hevði fingið skriv um hetta. Tí undraðist hann á, at fari var undir at seta markið longu. Kæran til hægstarætt skuldi gerast liðug innanfyri eina freist uppá 4 mdr og vísti hann á, at tað ikki var rætt at fremja marknasetingina áðrenn kærufreistin var av. Kristin gjørdi eisini vart við, at hann hevði boðað J. Frýdal frá, at fóru teir í hagan var tað undir egnari ábyrgd. Eisini gjørdi hann vart við at vegurin í hagan var privatur og hann høvdu teir blokkera við at seta bil fyri. Kristin gjørdi nógv burturúr at greiða frá tí órímiligu útskiftingini og at parallelt við at teir kærdu til hægstarætt so komu teir eisini at biða um at fáa eina nýggja útskifting framda. Jákup Pauli Joensen Stjóri umhvørvisstovan Postboks 2048, FO-165 Argir, Føroyar tlf.: +298 342400 email: Jakuppj@us.fo web: www.us.fo  Hugsið um umhvørvið áðrenn hesin t-postur verður skrivaður út Think about the environment before printing this email MYND: ÁKI BERTHOLDSEN