hósdagur 28. apríl 2016síða 26

FRÍGGJADAGUR 29. APRÍL 2016 SOSIALURIN 49 26 ÁRNI GREGERSEN P olitikararnir í Føroyum hava í longri tíð sitið við einum stórum etiskum trupulleika, sum tey ikki hava megnað at loysa. Spurningurin um samkynd skulu hava rætt at giftast hevur klovið Føroya løgting í tveir so at siga eins stórar bólkar og soleiðis er tað framvegis – hóast ein atkvøðu­ greiðslu undir 2.viðgerð fyrr í vikuni endaði við 19 atkvøðum fyri og 14 ímóti. Hetta broytir tó onki uppá, at hvørja ferð hesin spurningurin er frammi, so endar alt kjak við somu argumentum, men meira og meira tambaði at passsa til tað, sum kjak- ast verður um júst tá. Í hesi vikuni hava broytingrnar í hjúnabandslógini fyri aðru ferð verið til 2. viðgerð í Løgtinginum. Tað vil siga fyri aðru ferð í hesi ting­setuni. Talan er um eitt uppskot, sum fýra løgtingskvinnur hava lagt fram. Tær eru Hanna Jensen, Fram­sókn, Kristianna Winther Poul­sen, Javnðarflokkurin, Bjørt Sam­uelsen, Tjóðveldi og Sonja Jógvansdóttir, uttanflokka. Málið var eisini fyri fyri nøkrum árum síðani, men tá fall tað. Nú koma tað framaftur og skapti stórar trupulleikar í sitandi samgonguni. Verður samgonguskjalið lisið, so stendur har, at broytingarnar í hjúnabandslógini er eitt etiskt mál og sostatt kunnu samgongu­ tingsfólk sjálvi avgera, hvussu tey atkvøða í málinum. Hetta hevur í mong ár verið vanligt. Politisku flokkarnir hava sagt, at er talan um etisk mál, so eru einstøk tingfólk ikki bundin at floksdisiplin. Stórt trýst Í politikki er altíð stórt trýst á einstøk tingfólk frá áhugabólkum og persónum. Etiskum málini geva uppaftur meira trýst og júst hetta málið, sum hevur til endamáls at loyva samkyndum at giftast, hevur givið nógv trýst. Nógv tingfólk siga seg hava fingið skriv – talgild og vanlig – har heitt verður á tey um at atkvøða hendan ella handan vegin. Og tær ferðirnar málið hevur verið fyri í tinginum, hava áhoyr­ ara­sessirnir í tingslinumv verið fullsettir. Nú málið var fyri aftur, var alt koyrt upp í einn spíss. Mánamorgunin kom fram, at eitt broytingaruppskot var á veg fra Heðin Mortensen, Javn­aðar­ flokkurin. Fyrstu løtuna visti ong­ in, hvat uppskotið gekk út uppá, men sum tað leið út á dagin kom fram, at Heðin Mortensen skeyt upp, at málið varð sent til fólka­ at­kvøðu. Í veruleikanum kom hetta sum ein bumba. Uppskotið kom fra Heðin Mortensen sjálvum og hann hevði ikki tosað við floksfelagarnar um uppskotið. Bíða var leingi eftir um um­ sit­ingin í Løgtinginum helt, at hetta málið kundi leggjast fram, tí spurn­ingurin var um ymiskar for­muleringar í broyt­ingar­upp­ skotin­um. Men tað vísti seg, at uppskotið kundi leggjast fram. Og so byrjaði sjónleikurin av álvara. Nú kom eitt nýtt uppskot, sum ein stórur partur av samgonguni ikki vildi taka undir við. Flestu teirra hildu, at tað ikki var virðiligt at senda til fólkaatkvøðu um sam­ kynd skuldu fáa borgarlig rættindi og sleppa at giftast. Heðin Mortensen var lagdur undir eitt ómetligt trýst, men tað venda vit aftur til. Tað stuttliga var, at Heðin Mortensen við uppskotinum um fólkaatkvøðu tók ein trumf frá andstøðuni, sum hevði ætlanir um - millum 2. og 3. viðgerð – at leggja eitt uppskot fram um, at málið fór til fólkaatkvøðu. Útsett mál Tingformaðurin boðaði frá fyrra­ partin, at viðgerðin av málinum var útsett. Hetta tí bíðað var eftir broytingaruppskotinum. Klokkan 15 var tað so lagt fram, men løgtingsformaðurin helt, at tingfólk skuldu hava ein tíma at seta seg inn í málið, so hann niður­ legði tingfundin til klokkan 16. Tá byrjaði so orðaskiftið. Nýggjar grundgevingar vóru ikki nógvar at hoyra, men beinan­ vegin gjørdist røðaralistin langur og til hvønn røðara var hópur av viðmerkingum. So tað sást skjótt, at hetta fór at blíva eitt av longru orðaskiftunum í Løgtinginum. Ein langur dagur í Løgtinginum, sum vísir tá ið politikkur er bestur, men eisini tá ið hann er skitin POLITISKT DRAMA, HESTA­HANDLAR – OG REVAKAKUR Í TINGINUM POLITIKKUR Málið um tey hjúnabandslógina Heðin Mortensen var í brennideplinum undir allari viðgerðini