hósdagur 28. apríl 2016síða 32

FRÍGGJADAGUR 29. APRÍL 2016 SOSIALURIN 49 32 ÍTRÓTTUR Ársins fyrsta venjaraskifti TRÓNDUR ARGE U m middagsleitið týs­ dagin kundi In.fo, tíð­ inda­portalurin hjá Miðla­húsinum, boða frá, at Jógvan Martin Olsen hevur lagt frá sær sum venjari hjá ÍF. Tíð­ ind­ini komu óvæntað, men tað er ein aftur­gangandi trupulleiki, sum er orsøkin til, at venjarin ikki sær seg føran fyri at geva fuglfirðinum meira. Trupulleikin liggur í verjupart­ inum, har liðið hevur latið flest mál inn fyrstu sjey umførini í lands­ kapp­ingini, um umframt at liðið tapti heili 4-0 fyri KÍ í kappingini um Løgmanssteypið. Upptakin til kappingarárið Í 2010 eru fyrstu ábendingarnar um, at ÍF hevur okkurt gott í gerð. Liðið blívur nummar fýra í lands­ kappingini. Tvey ár seinni koma silvurheiðursmerkini um hálsin á spælarunum í Fløtugerði. Í 2013 er ÍF á gáttini til at endur­ taka bragdið frá 1979, tá felagið vinn­ur sítt higartil einasta FM heitið. Líka til seinasta umfar eltir ÍF oddaliðið HB, men endar annað árið á rað at blíva nummar tvey. Síðani gongur ikki meir, og felagið endar undir miðstrikuni í bæði 2014 og 2015. Afturgangandi fyri bæði árini er, at tað lekur illa inn í verjupartinum. Liðið letur fleiri mál inn enn tey flestu, men bjargar sær við at skjóta nógv mál í hin­um endanum. Undan kappingarárinum í fjør tryggjar felagið sær Adeshina Lawal frá B36, sum júst er kosin til árs­ins spælara tá. Eina løtu er bjartir dreymar í Fuglafirði, men undir leiðslu av Alexandar Jovevic gongur illa. Venjarin verður koyrd­ ur og liðið endar á sætta plássi og letur 56 mál inn. Bara niðurflytarnir lata færri mál ígjøgnum. Jógvan Martin Olsen settur ÍF kunnger á ársveitsluni, at Jógvan Martin Olsen verður nýggj­ur venjari hjá felagnum. Hann ásann­ ar í Fótbóltsblaðnum hjá Miðla­hús­ inum, at tað er í verjupartinum at avbjóðingin liggur. – Um hópin hjá okkum kann eg siga, at álopsdygdirnar á liðnum eru framúr góðar og fult á hædd við tey bestu liðini í deildini. Stóra avbjóðingin verður verjuparturin, har vit skulu lata nógv færri mál inn, segði Jógvan Martin Olsen mill­um annað við Fótbóltsblaðið. Hann metti eisini, at nógv var galið við liðnum, sum lat heili 56 mál inn í 27 dystum. – Tað var nógv, sum var galið við ÍF í fjør. Liðið hekk illa saman, nógv ov nógv mál blivu skorað og sum heild var liðið ógvuliga óstøð­ugt. Liðið endaði bara fýra stig omanfyri strikuna og kundi væl flutt niður, meðan heili 16 stig vóru upp til fjórða plássið í deildini, segði Jógvan Martin Olsen, sum eisini peikaði á at hópurin var ov stór­ur árið fyri, og at eitt nú Jan Ó. Ellings­gaard skuldi umskúlast frá vinstra bakki til miðverja. Inn komu Alex José dos Santos frá HB, Oliver Korch frá danska B1908 Amager og Gunnar Christiansen úr KÍ. Vinstri bakkur, málverji og ein høgri bakkur. Ongin miðverji, meðan spælarar sum Bartal Eliasen og Høgni Zachariassen ikki halda fram. Góðkend byrjan – og tó ÍF byrjar kappingarárið í Gundadali móti tvífaldu FM vinnarunum úr B36. ÍF spældi illa og tapti 4-1. Jógvan Martin Olsen var tó ikki samd­ur í, at ÍF hevði staðið seg so illa. Hann vísti á, at í løtum var ÍF væl við í dystinum, men misti takið í seinna hálvleiki. Tó sást longu tá, at ÍF hevði stórar trupulleikar í miðverjuni, har Bogi Reinert Petersen og Jan Ó. Ellingsgaard eru um ein háls. Síðani vinnur ÍF 1-0 í Fløtugerði á AB og spælir flottan 2-2 javnleik móti grannunum úr Víkingi. Eina løtu sá út til, at Jógvan Martin Olsen hevði fingið tamarhald á lið­num. Skrædl Í fjórða umfari gongur heilt galið, tá ÍF verður hólvað ígjøgnum við Løkin í Runavík. NSÍ vinnur 6-1 utt­an nakra mótstøðu. ÍF liðið er í upp­loysn og vantandi viljin at stríð­ast er skakandi fyri tey heima­ áskoð­ararnar. Eftir dystin eru bæði Jógvan Martin Olsen og liðskiparin, Jan Ó. Ellings­gaard, á einum máli um, at avrikið er flovisligt og skammiligt. Tað gongur lítið fragari, tá ÍF í 5. umfari tapur 4-0 fyri KÍ í Fløtu­ gerði. – Vit duga ikki at verja, sigur Jógvan Martin Olsen við Rás2 eftir dystin. Vónin ÍF verður spátt at tapa við Stórá í Trongisvági móti TB í 6. umfari, ÍF VERJAN LEKUR FÓTBÓLTUR Jógvan Martin Olsen er fyrsti venjarin hetta kappingarárið, sum fer úr starvinum. Í hesum førinum er talan um, at Jógvan Martin Olsen hevur sagt upp sum venjari hjá ÍF. Vit hava hugt nærri at orsøkini Eg havi ikki megnað at fingið spælararnar at skilja tað, sum eg havi ætlað, og nú taki eg avleiðingarnar av tí« Jógvan Martin Olsen