hósdagur 5. mai 2016síða 21

FRÍGGJADAGUR 6. MAI 2016 SOSIALURIN 52 21 KLUMMAN Barbara Holm Bind tín mann? »Eg verið svøk, um eg verið spurd einaferð aftrat, um eg havi fingið maka«, segði ein støk vinkona mín herfyri, og eg kundi bara nikka játtandi. Kennir tú ikki tað? At tú veitst ávísir spurningar fara at koma, hóast tú faktist helst vildi sloppið undan at svara teimum? Til dømis er púra vónleyst hjá einari kvinnu síðst í 20’unum fyrst í 30’unum at hava spýggisjúku uttan tað obligatoriska »nåå, man tað ikki vera ein onnur orsøk til at tú spýr?«. Hvat skalt tú siga til tað? »Nei eg havi akkurát havt menstratión, so tað kann tað ikki«. Tað svaraði ein vinkona mín til stjóran hjá sær herfyri, tá ið hann spurdi. Og tann annars so sjálvhátíðarligi stjórin kendi tað sjónliga pínligt. Men tað er nú ein nokso festligur máti at avmontera líknandi spurningar – at simpelthen diska upp við status á tínum mánaðarligu bløðingum. Men soleiðis eru vit væl øll. Vit seta óskyldugar spurningar uttan at veruliga hugsa okkum um, men kanska raka vit við okkara bestu meining beint inn á kjarnuna á einum persóni. Kanska tann staka vinkonan í veruleikanum vildi ynskt sær ein maka. Kanska tann við spýggisjúkuni vildi ynskt, at hon kundi vera við barn. Kanska ikki. Um tú ert sum mín staka vinkona, og tú faktist helst vildi havt ein mann ella kvinnu við tína lið, so hevur internetið sjálvandi eina loysn. Tú kanst bara binda tær ein fyribils maka, inntil hon/hann á tí hvíta hestinum kemur framvið. Manskór í Norðurlandahúsinum Tórshavnar Manskór fær í fríggjadagin vitjan av sveisiska manskórinum Männerstimmen Basel, sum er eitt ungt kór við 32 sangarum, millum 18 og 35 ár. Seinnu árini hevur kórið fingið sera góð úrslit í altjóða kappingum m.a. í Tallinn, Montreux, Cincinnati og Cornwall. Tórshavnar Manskór hevur í ár verið virkið í 30 ár og hevur øll árini lagt seg eftir at framføra kórsang á høgum støði. High School Musical í Norður­landa­ húsinum High School Musical er ein spennandi, stuttligur og romantiskur leikur, ið fer fram á East High School. Sang­leikurin er bygdur á sera populera filmin við sama heiti. Filmurin varð sýndur á Disney Channel í 2006. Vit hitta Troy Bolton og restina av kurvabóltsliðnum, lítillætnu Gabriellu Montez og henn­ara nørdavinir. Tvíburðarnir, Sharpay og Ryan, gera alt fyri, at Troy og Gabriella ikki skulu finna saman – og so avgjørt ikki taka teirra sjálvskrivaða høvuðs­leiklut í ársins sangleiki. Alt hetta skapar stutt­leika, spenning og romantikk. Edmund Williamson týddi leikin. Bárður á Lakjuni týddi sangirnar Marjun Djurhuus og Bárður á Lakjuni hava Sangleikabreytina undir hond. Umleið 50 næmingar eru við í leikinum. Teir eru úr Klaksvík, Gøtu, Leirvík og Fugla­firði. Leikurin byrjar týsdagin komandi.