hósdagur 5. mai 2016síða 22

FRÍGGJADAGUR 6. MAI 2016 SOSIALURIN 52 22 MENTAN TJÓÐHILD PATURSSON H on – Tá ið vit byrjaðu fyrireikingarnar til »DAGARNIR« kom spakuliga eitt tema snýkjandi inn: Vit vildu bróta tann vanliga sáttmálan og vísa føroyingum á leikir ið draga áskoðaran inn i spælið. »DAGARNIR« er føroyska heitið á norðurlendsku leikdøgunum. – Leikirnir sum verða sýndir til ‘DAGARNIR’ eru interakitivir leikir, ið allir, onkusvegna, draga áskoðaran inn við í sýningina. Eg klári ikki at halda mær frá eitt snerkja eittsindur at tankanum um at verða drigin upp á senuna í Norðurlandahúsinum. Kann eg sum áskoðari ikki bara fáa frið? Ella um ikki annað sleppa undan at gjalda, ella fáa løn, um eg sjálv skal standa fyri undirhaldinum? Vit báðar, Gunnvá og eg, tosa umvegis skype, og hon er skjót at avlesa úttykkið í mínum andliti. – ALTSO, tað er ikki so at ein einstaklingur verður drigin upp á pallin. Nei, tað er ikki meiningin at ræða fólk… tað mást tú endiliga ikki skriva, tí soleiðis verður tað IKKI! So tit, bara fyri at gera tað greitt! Vit áskoðarar verða IKKI drignir uppá pallin framman fyri øllum hinum. Tað er ikki TAÐ interaktivur sjónleikur er – ella tað er í øllum førum ikki tað interaktivur sjónleikur nýtist at vera. Gunnvá Zachariasen greiðir mær nærri frá. – Ofta er tað so, at áskoðarin ikki heilt veit av at hann hevur verið við inni í leikinum, fyrr enn aftaná. Spakuliga verður man drigin inn í leikin. Í summum leikum í størri mun enn í øðrum. Sum eg skilji hetta, so merkir tað, at leikararnir ikki lata sum um at vit ikki eru inni í rúminum… Hetta er nakað ið altíð hevur kenst løgið fyri meg tá ið eg havi verið til sjónleik - at leikararnir hava staðið á pallinum, og SJÁLVSAGT vita av at vit ákoðarar vóru har, men lati sum um at vit ikki vóru har… Eitt sindur sum hugdi eg at Lord of the Rings í sjónvarpinum heima, og at Fordo visti at eg sat og hugdi. Tað hevði altso kenst løgið, og onkusvegna gjørt tað heila meira ódramatiskt. Tí dámar mær væl hendan tankan um interaktivar tankar, har leikararnir ikki goyma tað at vit áskoðarar eru í rúminum, men heldur brúka tað - sjálvsagt til eitt ávíst mark - hatta við at blíva drigin upp á pallin, tað fer absolutt út um míni mark. Hevði eg um ikki annað sloppi at vant áðrenn, so hevði tað kanska gingið. – Nei, sjálvt eg sum eri sjón­ leikari, mær dámar ikki at verða drigin uppá ein pall soleiðis. Eg trúgvi ikki at tað eru serliga nógvum ið dámar tað. Hinvegin er tað fantastiskt at sum áskoðari tryggt at kunna luttaka í leikunum. Hetta slagi av leiki fær meg at hugsa um klóvna leikin hjá Kjartan Hansen »Terry’sa Saga«, tað var júst ein sovorðin leikur, ið dróg meg sum áskoðara við og fekk meg at luttaka, uttan at eg kendi meg ótrygga og útstillaða. Gunnvá nevnir júst Kjartan og seg sjálva sum tveir føroyingar, ið hava arbeitt nógv við interaktivum leiki. Tað vóru eisini tey bæði sum sótu við borðið á norðurlendsku leikararáðstevnuni, tá ið tey vórðu biðin at vera vertir. – Tað var í 2014 at tey spurdu okkum um vit í Føroyum kundu vera vertir fyri NORDIC PERFORMING ART DAYS í 2016. Vit fóru bæði tvey í sjokk. Eingin kjansur at vit klára tað, hugsaðu vit bæði. Og so søgdu vit ja. Vit flenna báðar. Sif Gunnars­ dóttir, stjórin í Norður­landa­ húsinum var við á fundinum. Hon játtaði teimum beinanvegin at sleppa at brúka Norðurlandahúsið hesar dagarnar. Tað gjørdi alt lættari. – Tað at karmarnir vóru í lagi gjørdi alt lættari. Føroyar hava fyrr verið karmar um LEIKread, sum er eitt av til­ tøkunum sum verða í Norður­ landahúsinum í sambandi við NORDIC PERFORMING ART DAYS, tó nú undir nýggjum navni: NEW NORDIC DRAMA. 6 norðurlendskir leikir verða settir upp av 12 norðurlendskum leikarum. Føroysku leikumboðini vera Nicolaj Falck og Durita Dahl Andreassen, og Marjun Syderbø Kjænes hevur skrivað føroyska leikin »Tóm Rúm«. Frum­fram­ førsla av teimum 6 norðurlendsku leikunum á NEW NORDIC DRAMA 2016 verður 27. maj. – NORDIC PERFORMING ART DAYS er bæði til fyri leikarar – føroyskar sum útlendingar – og fyri aðrar leikáhugaðar føroyingar. Skránin fyri dagarnar 24. - 28. maj er tætt pakka, og eg haldi at leik-óáhugaðir føroyingar eisini áttu at fari at víðka sær um sjónaringin. Allir leikirnir eru spennandi. Serliga spennandi ljóða leikirnir FLUGO og DARK SIDE OF THE MIME. – Hetta eru veruliga »top of the pops« leikarar sum koma okkara vegir hesar »DAGARNIR« sigur Gunnvá Zachariasen at enda. So fólk mugu óiva skunda sært at keypa atgongumerki til sýningarnar. Atgongumerki verða keypt gjøgnum Norðurlandahúsið. Á www.nlh.fo. Hevur tú fingið blóð uppá tonnina og ætlar tær til fleiri leikir, ja, so ber til at fáa 4 atgongumerki fyri prísin av 3. – Vit vilja vísa føroyingum á nýggjar leikhættir. Vit vilja bróta tann sáttmálan sum vanliga er millum leikarar og áskoðarar. Soleiðis sigur Gunnvá Zachariasen samkipari av norðurlendsku leikdøgunum »NORDIC PERFORMING ART DAYS«. Sáttmálin Gunnvá Zachariasen sipar til, er vanliga leikuppsetingin við einum palli sum plássið hjá leikarunum og stólarnir sum plássið hjá áskoðarunum. – NORDIC PERFORMING ART DAYS, 24. - 28. MAI THE DARK SIDE OF THE MIME er ein samanrenning av klassiskari miming og 'splatter, porn and violence'. Eg veit ikki hví, men eg má síggja hendan leikin. Men onkusvegna kennist tað sum eg fari at hata leikin eins nógv og eg fari at elska hann. Ikki allar leikupplivingar eru vakrar - ella í øllum førum ikki vakrar á sama hátt. Hendan verður heilt víst øðrvísi, øðrvísi vøkur... Eg dugi ikki at siga meir. Les lýsingina av leikinum á nlh.fo, og keyp tær so atgomgumerki, hetta kemur tú bert framá einaferð í lívinum. VIT VILJA VÍSA Á NÝGGJAR LEI