hósdagur 5. mai 2016síða 30

FRÍGGJADAGUR 6. MAI 2016 SOSIALURIN 52 30 ÍTRÓTTUR ÓTRÚLIGA AVRIKIÐ HJÁ LEICESTER Í 2000 var Herfølge dømt til niðurflytara í donsku Superliguni, men í besta Leicester stíli vann lítla felagið við føroyska landsliðsmálverjanum Jákupi Mikkelsen í mál danska meistaraheitið. Tú kundi eisini sagt, at Leicester gjørdi ein Herfølge Leicester er púra óvæntað vinnari av Premier League. Søgan um lítla liðið, ið brádliga hevur sett øll tey stóru upp á pláss er longu skrivað fleiri ferðir. Her er ein føroyskur vinkul upp á tríggjar søgur, sum hava fylgt við avrikunum hjá Leicester TRÓNDUR ARGE T að er í dag 16 ár síðani Herfølge tók øll á bóli í donksum fótbólti. Eins og Leicester í dag, so var liðið mannað við spælarum, sum ikki vóru nóg góðir til stóru feløgini. Onkur teirra kom enntá frá fjarskotnu klaksvíkini, og hevði sum so ikki sett sær fyri at vinna nakað meistaraheiti í fótbólti. – Ja, eg kenni meg eitt sindur aftur í Leicester, sigur Jákup Mikkelsen, sum í dag er fyribils venjari hjá ÍF. Hann stóð í mál hjá Herfølge minniliga árið um aldarskiftið. Tippaðir til niðurflyting – Vit blivu eins og Leicester tippaðir til niðurflyting. Eftir nakrar góðar dystir, so væntaðu vit at tað fór at kiksa. Men vit høvdu ein venjara, sum trúði uppá tað og brádliga broyttist alt, greiðir Jákup Mikkelsen frá. Tað var um vetrarsteðgin, at spælararnir eisini byrjaðu at trúgva upp á tað. – Vit byrjaðu at trúgva upp á tað, tá vit høvdu spælt 11 dystir og ongan tapt, sigur fyrrverandi landsliðsmálverjin. Hóast Brøndby yvirhálaði Herfølge stutt frá málstrikuni, so vann lítla felagið fyrsta plássið aftur og harvið gull. Vrakaðir og avvístir Wes Morgan, Robert Huth, Marc Albrighton og Danny Drikwater eru allir spælarar, sum stóru feløgini í Onglandi hava vrakað. Soleiðisi var eisini í hópinum hjá Herfølge í 2000. Cris Hermansen (Esbjerg), Jesper Falck (AB) og Kenneth Jensen (FCK) komu frá størri feløgum, har teir ikki kundu brúkast. – Vit høvdu fleiri spælarar, sum høvdu eina fortíð í størru feløgum, men felags fyri allar var, at tað var ongin veruligur profilur á liðnum, sigur Jákup Mikkelsen. Jákup sum Jamie Vardy Heilt stóra søgan í Leicester er áleyparin Jamie Vardy, sum fyri fáum árum síðani spældi í lægru deildunum í Onglandi. Hann hevur sett mett fyri at skjóta mál í flest dystum upp í slag, og vunnið sær pláss á enska landsliðnum. Jákup Mikkelsen heldur ikki at Herfølge hevði ein ”Jamie Vardy” á liðnum, men spurdur um hann ikki er ”Jamie Vardy” er hann ikki heilt avvísandi. Jákup Mikkelsen kom úr Djúpumýru og KÍ til Herfølge, har hann vann danska meistaraheitið og var á gáttini til at skifta til FCK. – Eg endaði við at útliva mín dreym sum fótbóltsspælara, og hevði aldrin droymt um at uppliva nakað líknandi, sigur Jákup Mikkelsen. Stórur áhugi Áhugin fyri Leicester er vaksin alsamt, so hvørt teir hava tikið enn eitt stig móti meistaraheitinum. Soleiðis upplivdi Jákup Mikkelsen eisini støðuna í Herfølge. – Tað vóru altíð journalistar til venjing hjá okkum og tað var stórur áhugi fyri liðnum. Øll vildu vita hvat vit gjørdu. Í Leicester skalt tú helst ganga tað við nógv í hesum døgum, greiðir Jákup Mikkelsen frá. Hóast áhugin fyri Herfølge var stórur, so megnaðu spælararnir at halda fokus. – Tað er eitt sindur ringt at minnast, tí tað eru 16 ár síðani, men minnist at John ”Faxe” Jensen var fantastiskur og vit høvdu fokus á rætt astað, hóast órógvi rundan um felagið, sigur fyribils venjarin hjá ÍF. Fleiri tippisøgur Eitt, sum hevur fylt nógv í tíðindaflutninginum rundan um avrikið hjá Leicester, eru tey, ið vóru so djørv at seta pengar á Leicester at vinna Premier League. Tað gav pengarnar aftur ikki færri enn fimm túsund ferðir. Tað vil siga 5000 krónur fyri hvørja krónur. Slíkar søgur vóru eisini í Herfølge um aldarskiftið. – Ein áskoðari í Køge vann 40.000 krónur. Hann kom á leikvøllin, tá vit blivu yvirhálaðir av Brøndby móti endanum, og bjóðaði okkum at keypa seðilin. Eg veit ikki um onkur kanska bjóðaði túsund krónur, men ogin keypti seðilin, fortelur Jákup Mikkelsen. Aðrir mundu helst fáa yvirmót, tá teir árið eftir tippaði Herfølge at vinna Champions League. – Eg kendi ein í einum sokallaðum tippiklubba. Teir TRÓNDUR ARGE Mánakvøldið vann Leicester City ensku Premier League. Tað uttan at spæla, tí Tottenham megnaði ikki at vinna á Chelsea, og harvið vann Leicester Premier League í køkinum hjá Jamie Vardy, um tú vilt. Í Vikuskiftis Sosialinum hesa ferð, hava vit funnið tríggjar føroyskar vinklar upp á tríggjar søgur, sum hava fylgt við bagdinum hjá Leicester. Jákup Mikkelsen upplivdi í 2000 at vinna Superliguna við Herfølge. Hóast tað er stórur munur á Superliguni og Premier League, so hevur søgan um Herfølge og Leicester fleiri líkheitir. Fleiri miðlar í bretlandi hava havt søgur um fólk, ið hava tippað Leicester at vinna til odds fimm túsund. Í 2004 tippaði Flóvin av Fløtum Jespersen Grikkaland at vinna EM til odds 100. Vit spyrja hví nakar kann finna upp á at tippa so ørt. Ein føroyingur var vitni til, tá Claudio Ranieri bleiv koyrdur í skiftirúminum hjá grikkum, eftir at teir tapti fyri Føroyum í Pireus. TRONDUR@SOSIALURIN.FO LEICESTER GJØRDI EIN HERFØLGE