mánadagur 9. mai 2016síða 15

15 Mánadagur 6. januar 2014 · Nr. 2 Sosialurin Mánadagur 9. mai 2016 · Nr. 53 Hugskot og viðmerkingar – send sms til 225000 og vit vóru frammanfyri 2-0, tí talan var um góðan dyst millum tvey góð lið. Men tað kann ganga skjótt í fót­ bólti. Vit durvaðu eitt sind­ ur, síðsta minuttin und­an steðg­inum skoraðu teir tvær ferðir, og so var alt aftur púra opið. Í steðginum tosaðu vit um, at hetta skuldi ikki fella okkum, og tá ið Lava legði okk­um framum aftur, sá tað aftur ljóst út. So var tað, at teir í næstsíðsta minutti fingu brotsspark og Øssur Dalbúð javnaði til 3-3. Tit vunnu brotssparks­ kapp­ingina, og nú eru tit í hálv­finaluni. Hvussu verður nú? – Vit ætla okkum at vinna finaluna og harvið at vinna steypafinaluna fimta árið á rað. Gongdin og úrslitið ímóti HB vísa, at tað ber ikki til at gera av við okkum, sigur tví­faldi Víkinga málskjúttin. Tað var 18 ára gamli Teit Jacobsen, sum misnýtti síðsta HB brotssparkið. Tá var støðan 7-6 til Víking, og tískil var tað greitt, at Víkingur heldur fram í kapp­ ing­ini, meðan steypaturkurin hjá HB verður frá 2004 og í hvussu so er fram til 2017. – Málverjin tveitti seg ann­an vegin, men eg yvir­ plaser­aði bóltin í hinum borð­inum, so hann rakti í inn­aru síðu á stólpanum og fór ikki í málið. Vit eru sera vón­brotnir, tí tá ið vit javn­ aðu til 3-3, høvdu vit allir eina kenslu av, at nú høvdu vit teir, og at vit fóru at vinna i longdu leiktíðini, men so­leiðis vísti tað seg ikki at ganga, sigur Teit Jacobsen. Úrslitið hevði alt at siga Í góðveðrinum seinnapartin leygardagin vann Skála 2-1 á niðara vølli í Gundadali. Tað var eingin serligur munur á lið­unum, og fram ímóti dystar­enda trýsti heimaliðið fyri at javna: – Vit eru nøgdir við 2-1 sig­urin, men vit kundu havt víst betri spæl. Eg vil ikki siga, at tað vóru teir, sum tog­aðu okkum niður í ferð. Heldur var tað soleiðis, at vit ongantíð megnaðu at fáa ferð á okkara spæl. Pætur Dam Jacobsen stút­aði okkum framum eftir horna. Vit vónaðu, at tað skuldi eydnast at økja um leiðsl­una beinanvegin eftir steðgin. Hóast vit misnýttu brots­ spark, so bóru vit høvdið høgt, og so eydnaðist tað Jákupi Johansen at stúta týdningar­mikla 2-0 málið, stað­festir Skála veteranurin Jónhard Frederiksberg. Giza Hoyvík venjarin Frankie Jensen visti ikki rætt­iliga, hvat hann skuldi siga: – Vit eru vónbrotnir av, at vit ikki fingu meiri burturúr, tí leikliga vóru vit so væl við. Tað kom sera illa við, at teir fingu hol á, tí tað bar við sær, at vit noyddust at leggja meiri fyri, meðan teir kundu leggja meiri í at verja. Leivur Holm Joensen minkaði um munin við góðum stútara, men vit rukku ikki nærri. Á huga­ligu síðuni gav dyst­urin okkum eina kenslu av, at vit eru eins væl skikk­ aðir sum eitt nú AB, TB, B68 og Skála at spæla í fremstu røð. Vit røkka neyvan upp­ flyt­ingini í ár, men tað verð­ ur kanska næsta ár, og so verður tað vorðin sum av­ bjóð­ing at spæla – vónandi í Hoyvík – og kappast fyri at vinna áttanda ella kanska sjeynda plássið í bestu deild­ ini. Avrikið ímóti Skála vísti, at tað eru ikki dreym­ar, sum ikki kunnu verða veru­leiki, sigur Frankie Jensen. Einki met í ár Tvífaldu FM vinnararnir í B36 vóru ógvuliga vón­ brotn­ir, tá ið Petur Reinert bríksl­aði fyri síðstu ferð, og talv­an vísti 2-1. Harvið var tað greitt, at hetta verður ikki árið, tá ið B36 fer at vinna fyrstu greipuna, og hetta verður enn eitt ár, tá ið høvuðs­stað­urin ikki verið um­boð­aður í steypa­finaluni. Tað eru tíggju ár síðani, at B36 vann steypafinaluna, og tað eru tólv ár síðani, at HB vann steypafinaluna. Síðsta ferðin, at høvuðs­staðar­fel­ øg­ini hittust í steypa­final­ uni var í 1991 ella fyri ein­ari fjórðingsøld síðani. Ta ferð­ ina vann B36 1-0! Hjá KÍ hevur talan verið um oyðimarkargongd í lands­kappingini síðani 1999. Tað árið vann KÍ greip­una. Klaksvíkingar og norð­oy­ ingar og KÍ viðhalds­fólk yvir­høvur, sum eru fødd síðstu lítlu fjórðingsøldina, hava ongantíð upplivað, at teirra lið hevur vunnið gull í lands­kapp­ingini ella steypa­ kapp­ingini. Nú er KÍ næstfremst í landskappingini, og nú er KÍ partur av hálvfinaluni í steypa­kappingini. Tað er ikki undur í, at fótbóltsfepurin er høgur, og at tað næstu dagar­nar fer at verða prátað nógv har norðuri um, at tað ræður um at fáa armarnar niður aftur. Hóskvøldið skal KÍ út á Skála, har tað ikki altíð hevur roynst so væl hjá teim­um bláu og hvítu. Men kanska tað fer at vísa seg, at hetta árið er øðrvísi, enn tey síðstu mongu hava verið! FÓTBÓLTUR LØGMANSSTEYPIÐ Úrslitini 1/4 finalur 7. og 8. mai 2016 Giza H - Skála 1-2 (0-1) 0-1: Pætur Dam Jacobsen 10. 0-2: Jákup Johansen 85. 1-2: Leivur Holm Joensen 90.  NSÍ - EB/Str 2-0 (1-0) 1-0: Árni Frederiksberg 44. 2-0: Petur Knudsen 85.  Víkingur - HB 3-3 (2-2) 7-6 eftir longda leiktíð og brotssparkskapping 1-0: Sølvi Vatnhamar 2. 2-0: Sølvi Vatnhamar 20. 2-1: Poul Ingason 44. 2-2: Poul Ingason 45. 3-2: Andreas Lava Olsen 71. 3-3: Øssur Dalbúð br 88. Brotssparkskapping: 4-3: Atli Gregersen 4-4: Øssur Dalbúð 5-4: Hans Pauli Samuelsen 5-5: Adrian Justinussen 6-5: Sølvi Vatnhamar 6-5: Tróndur Jensen - málverjin bjargar 7-5: Erling Jacobsen 7-6: Ári Mohr Jónsson 7-6: Bárður J. Hansen - málverjin bjargar 7-6: Teit Jacobsen - í stólpan  KÍ - B36 2-1 (2-0) 1-0: Súni Olsen 4. 2-0: Jóannes Bjartalíð 23. 2-1: Alex Mellemgaard 86. Lutakastið um hvør skal spæla ímóti hvørjum í hálvfinaluni verður í 3-2 sendingini í kvøld. Hálvfinalurnar vera 25./26. mai og 15./16. juni. Finalan verður 27. august 2016 Myndir: Álvur Haraldsen