mikudagur 18. mai 2016síða 47

Lýsingablað frá Miðlahúsinum 15 Hava ein kjans móti øllum Føroyar eru í bólki við Kýpros, Írlandi og Liktenstein. Føroyar hava fyrr spælt móti bæði Liktenstein og Kýpros. – Eg haldi vit hava ein møguleika at vinnan okkara dystir. Vit hava fyrr vunnið á Liktenstein og tapt tep­urt móti Kýpros 3-2, greiðir Sofía Purkhús frá. Ókendi faktorurin í undan­kapp­ ingar­bólkinum er Írland. – Vit kenna ikki Írlandi, men tað vit hava fingið at vita er, at tær ikki eru eins sterkar sum Kýpros, ið verður mett sum sterkasta liðið í bólkinum, sigur Sofía Púrkhús. Hóast hon bara er 23 ára gomul, so er Sofía Purkhús millum roynd­ astu spælararnar á føroyska lands­ lið­num. Tí veit hon eisini, at einki verður vunnið uttan at føroyska liðið spælir væl. – Men alt hetta krevur, at vit eru góðar og spæla væl, sigur Sofía Purkhús Álopið skal smasja Føroyar víðari Styrkin á føroyska liðnum liggur helst í álopsspælinum, har Føroyar hava fleiri spælarar, ið hava verið millum tær bestu álopsspælararnir í donskum flogbólti. Umframt Sofíu Purkhús, so hava millum annað Birgit Guttesen og Anja Sonnadóttir Danielsen verið við í toppflogbólti í Danmark. – Vit hava eitt »power« álop, har vit eru sterkar á øllum plássum. Allar sláa hart og væl. Eisini hava vit sterkan blokk, men best av øllum er at vit aldrin geva upp. Tað er føroyskir spælarar kendir fyri, sigur Sofía Purkhús, sum vísir á týdningin av at fiska bóltar upp, ið mót­støðu­ lið­ið heldur seg hava vunnið. – Vit klára at samla bóltar upp, sum vit ikki eiga at klára. Tað kann blívur munurin í longdini, sigur Sofía Purkhús. Avbjóðingin hjá liðnum liggur í at samantvinna spælistílin hjá spælarum, sum spæla í Føroyum og í Danmark. – Tað er munur á spælistílinum, tí í Danmark er meiri ferð á spælinum. Eisini verða nøkur ting gjørd øðrvísi, men vit hava tosað um tað og funnið ein máta, sum vit gera tingini upp á á landsliðnum, sigur fyrrverandi Mjølnir spælarin. Hon leggur afturat, at tað verður týdningarmikið hjá liðnum at fáa mót­tøkurnar upp á pláss og tosa væl saman. Bachelor uppgávu og flogbólt í senn Felags fyri fleiri av spælarunum á føroyska landsliðnum er, at tær um­framt at fyrireika seg til EM/ HM undankappingina, eisini ganga til royndir og hava aðrar uppgávur í sam­band við lestur og útbúgving. – Eg skal millum annað sjálv lata bachelor-uppgávu inn sama dagin, ið kappingin byrjar. Tað havi eg vitað leingi, so eg havi fyrireikað meg til tað, sigur Sofía Purkhús. Í løtuni eru allir spælararnir heima í Føroyum uttan Birgit Guttesen og Urd Tormóðsdóttir Traðará, sum eru í Danmark orsaka av lestri. – Tað hevur ligið væl fyri, at fáa samlað allar spælararnir til venjingarlegur og dystir. Vit hava vitað skránna í longri tíð, so allar hava fyrireikað seg, sigur Sofía Purkhús. Ynskja fulla høll Dreymurin hjá føroysku spælarunum er, at høllin á Hálsi verður fullsett til dystirnar, ið verða mána, týs og miku­dagin í komandi viku. – Tað verður spennandi og stutt­ ligt endiliga at sleppa at spæla í Føroyum. Tað er ongin orsøk at halda seg aftur, tí tað kostar tað sama at koma til ein dyst sum allar tríggjar. So vón­andi verður høllin full til allar dystir­nar, sigur Sofía Purkhús. Hóast tað hvílur nógv á smasj­uni hjá ársins spælara í donskum flog­ bólti, so ræðist hon ikki upp­gávuna, men gleðir seg at spæla frammanfyri føroyskum áskoð­arunum. – Tað sær út til, at allir dystirnir kunnu blíva javnir og spennandi, leggur Sofía Purkhús afturat. trondur@sosialurin.fo Sjálv hevur Sofía Purkhús stórt krúllut hár. Tað kann verða ein avbjóðing sum ítróttarfólk, men tað hevur eisini sínar fyrimunir. – Onkuntið kann tað vera ringt, at halda tí fast í einum toppi ella flættu, men fyri tað mesta stendur alt beint upp­ eftir. Tað er faktiskt tað mest praktiska, tí so kemur tað ikki í eygað ella órógvar, greiðir Sofía Purkhús skemtandi frá. Fleiri fyrimyndir Sofía Purkhús hevur fleiri fyri­myndir í flogbólti, ið hava eggjað hanan at spæla. – Systkini hjá mær, Elisabeth og Rasmus, havi eg altíð sæð nógv upp til og kappast við. Tey byrjaðu at venja flogbólt áðrenn eg. Eisini royndu spælararnir hjá Mjølni hava verið tolnar og lagt mær lag á, tá eg var yngri, sigur Sofía Purkhús. Krúllurnar ikki í vegin