týsdagur 31. august 2004síða 4

6 Nr. 164 - 31. august 2004 Nr. 164 - 31. august 2004 7 Dansk Folkeparti heldur framvegis fast um, at danska heild- arveitingin til Føroya verður eitt av mál- unum, sum Dansk Folkeparti vil umrøða í samband við fíggjar- lógarsamráðingarnar við donsku stjórnina komandi vikurnar HEILDARVEITING SKERJAST Páll Holm Johannesen pall@sosialurin.fo Hóttanirnar hjá formann- inum í donsku fíggjar- nevndini, Kristian Thulesen Dahl, um skerjingina av heildarveitingini vóru ikki bara tóm orð. Í kjalarvørrinum av kjak- inum um føroyska fiski- mannafrádráttin í donsku fjølmiðlunum í summar segði Kristian Thulesen Dahl, ið umboðar Dansk Folkeparti í Fólkatinginum, at hann vildi virka fyri, at danska heildarveitingin skuldi verða ein týðandi partur av fíggjarlógarsam- ráðingunum við stjórnina í heyst. Dansk Folkeparti fer eftir øllum at døma at gera álv- ara av hesum ætlaninum. - Eg ivist stórliga um danski borgarin vil góð- taka, at tit fáa eina árliga heildarveiting úr Danmark, sum tit ikki hava brúk fyri, tí tað er jú ein sannroynd, at stórur partur av heildar- veitingini verður nýtt til at fíggja eitt lægri skattatrýst enn vit hava í Danmark, sigur 60 ára gamli fólka- tingslimurin hjá Dansk Folkeparti, Per Dahlgaard, ið eisini er limur í fíggjar- nevndini. Framsøgumaðurin hjá Dansk Folkeparti í fíggjar- málum er vanliga Kristian Thulesen Dahl, men hesin er júst blivin pápi, og verð- ur burturstaddur komandi dagarnar. Hin limurin í fíggjarnevndini hjá Dansk Folkeparti, Per Dahlgaard, er tí framsøgumaður hjá flokkinum komandi dagar- nar. - Eg las í bløðunum í farnu viku, at tit aftur ótálmað eru farnir undir at byggja glæsiligar tunlar, og eg kann tí als ikki útihýsa møguleikanum fyri, at vit í samráðingum við stjórnina fara at umrøða eina møgu- liga skerjing av heildar- veitingini, vísir Per Dahlgaard á. Í farnu viku almanna- kunngjørdi VK-stjórnin hjá Anders Fogh Rasmussen fíggjarlógaruppskotið fyri 2005, og í næstum fer stjórnin at tingast við hinar flokkarnar í Fólkatinginum um uppskotið. Keypa atkvøður Spurdur, um Dansk Folke- parti væntar at fáa polit- iskan stuðul í Fólkating- inum fyri eini møguligari skerjing av heildarveiting- ini til Føroya, svarar Per Dahlgaard avgjørdur nei. - Eg kann hvørki ímynda mær, at Venstre ella Javn- aðarflokkurin vilja skerja heildarveitingina. Stendur tað til hesar flokkar, verður heildarveitingin helst økt, so flokkarnir kunnu vinna nakrar norðuratlantiskar at- kvøður til komandi val. Vit hava jú dømi um, at Nyrup keypti seg til hvítusunnu- pakkan á sinni við at lata føroyingum eina hægri heildarveiting, sigur Per Dahlgaard. Tá tit kortini ikki vænta at fáa politiskan stuðul fyri eini skerjing av heildar- veitingini, eru ætlanirnar hjá tykkum ikki bert við til at elva til klandur í viður- skiftunum millum Føroyar og Danmark við? Nei tað vil eg ikki siga. Eg ivist ikki í føroyingar eru skilagóðir, og skilja, at vit kunnu also ikki lata eina árliga heildarveiting, sum verður nýtt til eitt lægri skattatrýst í Føroyum. Vit mugu jú hava fair play, vísir Per Dahlgaard á. Heldur Dansk Folkeparti at ríkisfelagsskapurin skal varðveitast? Dansk Folkeparti vil gjarna varðveita ríkisfel- agsskapin. Ynskja før- oyingar hinvegin at sleppa úr ríkisfelagsskapinum, standa vit teimum ikki í vegin. Velja tit at fara úr Ríkisfelagsskapinum, so sigur tað seg sjálvt, at tit mugu klára tykkum uttan heildarveitingina, sigur Per Dahlgaard at enda. Dansk Folkeparti heldur fast -Eg las í bløðunum í farnu viku, at tit aftur ótálmað eru farnir undir at byggja glæsiligar tunl- ar, og eg kann tí als ikki útihýsa møguleikanum fyri, at vit í samráðingum við stjórnina fara at umrøða eina møguliga skerjing av heildarveitingini, vísir Per Dahlgaard á, fólkatingslimurin hjá Danske Folkeparti. Mynd: www. danskfolkeparti.dk Formaðurin í Tjóðveldisflokk- inum og fólka- tingsmaðurin, Høgni Hoydal, tekur ikki ætlanir- nar hjá Dansk Folkeparti í álvara. HEILDARVEITING SKERJAST Páll Holm Johannesen pall@sosialurin.fo Populistisk. Pressushow. Tómt tos. Fjas. Tað skortar ikki við nei-ligum orðum, tá fólkatingslimurin, Høgni Hoydal verður spurdur, hvat hann held- ur um ætlanirnar hjá Dansk Folkeparti at skerja heildarvetingina til Føroya. - Hatta hava teir sagt fyrr. Skal heildarveit- ingin skerjast skal átak- ið koma úr Føroyum. Dansk Folkeparti er ein populistiskur flokkur, og livir av slíkum út- søgnum, og eg kann snøgt sagt ikki taka tað í álvara, sigur formað- urin í Tjóðveldisflokk- inum. Hann vísir á, at danska stjórnin og før- oyska landsstýrið hava gjørt eina avtalu um, at blokkurin er fastfrystur til 2006, og tí ber ikki til hjá Dansk Folkeparti at trýsta stjórnina til at skerja heildarveitingina í samband við fíggjar- lógarsamráðingarnar. Formaður í donsku fíggjarnevndini er fólkatingslimurin hjá Dansk Folkeparti, Kristian Thulesen Dahl, og siðvenja er fyri, at fíggjarnevndin hevur ein týðandi leiklut í samband við fíggjar- lógar uppskot, men Høgni Hoydal ber ong- an ótta fyri, at Kristian Thulesen Dahl kann nýta sína formansess til at sannføra stjórnina um at skerja heildarveiting- ina. - Nei tað beri eg ong- an ótta fyri. Ein fólka- tingsnevnd hevur ikki heimild til at ógylda eina avtalu, sum danska stjórnin og føroyska landsstýrið hevur gjørt. Spyrt tú meg, er talan ikki um annað enn eitt pressushow frá Dansk Folkeparti, sigur Høgni Hoydal. Tómt tos Fólkatingslimurin hjá Sambands- flokkinum, Lisbeth L. Petersen er sann- førd um, at Dansk Folkeparti fær ong- an stuðul í donsku stjórnini fyri sín- um ætlaninum at skerja heildarveit- ingina. -Hatta má standa fyri teirra egnu rokning, sigur Lisbeth L. Petersen HEILDARVEITINGIN SKERJAST Páll Holm Johannesen pall@sosialurin.fo - Hatta fáa teir onga undirtøku fyri. Eins og Høgni Hoydal hevur Lisbeth L. Peter- sen torført við at taka ætlanirnar hjá Dansk Folkeparti í álvara. Hon er sannførd um, at Dansk Folkeparti fær ongan stuðul í donsku stjórnini um teir ætla at skerja blokkin. - Útsøgnin hjá Krist- ian Thulesen Dahl kom í meldrinum av ráðstevn- uni um heildarveiting- ina, og satt at siga skilti eg ongantíð hansara út- søgn. Síðan ráðstevnuna er nógv nýtt framkomið um heildarveitingina, og hugburðurin hjá stjórn- ini er, at teir ikki ynskja eina skerjing av heildar- veitingini. Hatta má tí standa fyri teirra egnu rokning, vísir Lisbeth L. Petersen á. Hon sigur, at heildar- veitingin er ein samráð- ingarspurningur millum stjórnina og landsstýrið. Heildarveitingin er fast- fryst til 2006, og tað kann Dansk Folkeparti ikki gera stórvegis við, sigur fólkatingslimurin. Fólkatingslimurin hjá Sambandsflokkinum, Lisbeth L. Petersen, sigur, at Dansk Folkeparti fær ongan stuðul í stjórnini fyri sínum ætlaninum at skerja heildarveitingina. Mynd: Savnsmynd Fær onga undirtøku Gjáargarður skift eigara Eirik Suni Danielsen hevur saman við trimum øðrum pørt- um keypt gistingar- húsið Gjáargarður. Hann sær nógvar møguleikar við hús- inum, og verður farið í gongd við at gera tað klárt til komandi summar alt fyri eitt KEYP Solby A. Eliasen solby@sosialurin.fo Atlantsflog, Greengate In- coming og Framtaksgrunn- urin hava saman við Eirki Suna Danielsen keypt Gjá- argarð, sum hevur staðið til sølu síðani í apríl. Felagið eitur PF Gjáargarður, og keypið kom endaliga í lag í vikuskiftinum. Tá Eirik Suni sá lýsing- ina í apríl, byrjaði hann at spæla sær við tankan um, at tað kundi verðið spennandi at rikið gistingarhúsið við Gjógv. – Tað koma so ótrúliga nógv fólk norður til Gjáar, so hetta eri eg sera spentur uppá, sigur hann. Hann viðgongur, at hetta kann tykjast sum ein løgin tíð at keypa eitt gistingar- hús, nú ferðafólkaárstíðin júst er farin framvið. Men samstundis er hetta í hans- ara ferð byrjanin til fyri- reikingarnar til komandi summar. Fleiri møguleikar Eirik Suni greiðir frá, at fyri fyrst er ætlanin, at gist- ingarhúsið skal verða opið frá 1. juni til 1. september fyri ferðafólkum, sum ynskja antin at gista á vallaraheimi, gistingarhúsi ella á tjaldplássi. Um heystið og várið sær hann so fyri sær, at húsið kann verða leigað út til ym- isk tiltøk. Alt frá skeiðs- virksemi til evnisvikur. – Eisini ber væl til at leiga húsið til smærri veitslur, til dømis er tað væl egnað til eitt brúdleyp, sum kanska ikki er so stórt, sigur hann. Uppi á loftinum er eitt høli, har umleið 80 fólk fáa sitið til borðs, og tað heldur hann, kundi verðið sera hóskandi til eina minni veitslu av onkrum slagi. Matgerð Á Gjáargarði hava fólk fingið morgunmat, men annars hevur tað ikki borið til at fingið annan mat. Hetta ætlar Eirik Suni at broyta. Køkurin í húsinum verður broyttur til ein ídnaðarkøk, sum tað verður kallað. So er ætlanin at bæði fólk, ið gista og tey, ið koma til bygdina á vitjan ein dag, skulu kunna støkka inn á gólvið í Gjáargarði og fáa ein góðan bita. – Vit fara at satsa uppá eisini at fáa fólk, sum koma her við bussum, at koma inn á gólvið til eina máltíð av onkrum slagi, sigur Eirik Suni. Ístandgerð Ætlanir eru at gera nøkur kømur í stand. Hetta fyri at hækka støðið. Kømurni á fyrstu hædd hava øll wc og bað, men Eirik Suni vil hækka støðið nakað meira, so at eisini fólk, ið vilja búgva eitt sindur betur, kunnu fáa eitt tilboð á Gjá- argarði. – Vit fara allarfyrst í gongd við at gera tað í stand, sum skal gerast. Eitt nú køkurin, kømurni og sjálvandi skulu hentleikar- nir til skeiðsvirksemi eisini gerast í topp, greiðir Eirik Suni frá. Og leggur spentur á málinum afturat, at nú er bara at bróta upp um armar. Hann fegnast stórliga um, at ein ætlan, sum hann hev- ur arbeitt við síðani í apríl, nú er vorðin veruleiki. Eirik Suni fer sjálvur at reka gistingarhúsið. Íløgan í alt, tað vil siga við ístand- gerð og øllum, liggur um 4,3 milliónir krónur. Gjáargarður verður opin fyri øllum áhugaðum miku- dagin frá klokkan 16 til 20. Vakthavandi á løgreglu- støðini í Runavík sigur, at fríggjakvøldið klokkan hálvgum átta hendi eitt nakað undarligt ferðslu- óhapp. Ein bilur sneiddi av ímóti Oyndarfirði, og hesin møtir einum gásaflokki, sum hann heldur av fyri. Áðrenn hann veit av kemur ein lítil reyður bilur við miklari ferð frá Oyndar- firði. – Hann koyrir inn í flokk- in, og tvær gæs máttu lata lív. Hann rymir frá staðn- um, tíverri, sigur vakt- havandi. Løgreglan veit enn ikki at siga, hvør koyrdi tann lítla reyða bilin, ella hvør nummarplátan er. Friðarligt í Havnini Sagt verður frá einum lut- víst friðarligum vikuskiftið í Havnini. Ein fráboðan varð um harðskap fríggja- kvøldið, tá tveir mans fóru til hendurs mitt í býnum. Leygarmorgunin vórðu fimm fólk tikin inn fyri at sova rúsin av sær. Leygar- kvøldið var friðarligt. Tað kom tó ein hóttan um sjálv- morðsroynd Boðað varð frá grind í Kvívík sunnudagin, tá onk- ur helt seg síggja ein grindaflokk við vágatunn- ilsmunnan vágoyarmegin. Men har var bert roykur, ongin grind, sum tikið varð til. Tá stóð betur til í Eystur- oynni. Fýra og tjúgu springarar vórðu hildnir til í Syðrugøtu leygardagin. Býtt varð í 82 drápspartar. Gásamordarin Atlantsflog, Greengate Incoming, Framtaksgrunnurin og Eirik Suni Danielsen hava í felag keypt Gjáargarð 24 springarar løgdu beinini í Gøtu SPRINGARAR Vilmund Jacobsen vilmund@sosialurin.fo Leygardagin vórðu 24 springarar hildnir til og dripnir á sandinum í Syðrugøtu, sum er góðkend hvalvág. Kristian Martin Joen- sen, sýslumaður í Eyst- uroy, sigur, at rakstur og dráp vórðu skipað í sam- ráð millum hann og grindaformannin. Hann sigur, at spring- ararnir vórðu funnir á Gøtuvík klokkan 11.40, men teir vórðu mistir burtur aftur. Seinni vórðu teir funnir aftur innanvert Gøtunes. – Drápið byrjaði klokk- an 13.10 og var liðugt longu seks minuttir seinni – ella klokkan 13.16. Sýslumaðurin sigur, at hóast springararnir ikki gjørdu landgongd, gekk drápið bæði skjótt og væl. Kristian Martin Joensen sigur, at springar- arnir vórðu býttir í 82 drápspartar. 24 springarar vórðu hildnir til í Syðrugøtu leygardagin Mynd: Hjørdis Gregersen C M Y K 7 6 www.sosialurin.fo