mánadagur 11. apríl 2016síða 31

VINNUBLAÐIÐ HJÁ MIÐLAHÚSINUM 7 Apríl 2016 3 Odd Eliasen góður fyri 56 milliónir krónur Fjórðingur fram­ vegis á føroyskum hondum TAÐ LOYSTI SEG HJÁ ODD ELIASEN, STJÓRA Í HAVSBRÚN, AT HANN TRÚÐI UPP Á BAKKAFROST, TÁ FELAGIÐ Í 2011 KEYPTI HAVNSBRÚN VIT HOYRA SO JAVNAN FÓLK FINNAST AT – EITT NÚ BAKKAFROST, AT FELAGIÐ HEVUR SELT SO STÓRAN OGNARPART TIL ÚTLENDINGAR Eins og allir hinir eigararnir, so bjóðaði Bakkafrost Odd Eliasen at keypa hansara partabrøv í Havs­brún við at rinda við parta­ brøv­um í Bakkafrost. Og Odd Eliasen tók av. Hann fekk 170.000 partabrøv í Bakkafrost. Kursurin á partabræv­ inum var tá um 50 krónur. Parta­ brøvini, sum hann fekk í Bakka­ frost høvdu tá eitt virði upp á um­leið góðar 8 milliónir krónur. Í dag eru tey verd 56 milliónir krónur. Umframt høga virði, sum parta­brøvini hava, so geva tey eis­ini gott avkast í vinningsbýti. Bakka­frost hevur fastan politikk við­víkjandi vinningsbýti. Í 2015 var vinning­býtið 8,25 krónur fyri parta­brævið. Fyri partabrøvini hjá Odd Eliasen merkir tað, at hann fær 1.402.500 krónur í vinningbýti. Tá skatt­ur er goldin, so hevur hann 911.625 krónur eftir. eirikur@sosialurin.fo Bakkafrost Eirikur Lindenskov Tað er ikki heilt rætt, at leggja felagið undir at selja til útlendingar, tí tað eru føroyingar, sum hava átt í felagnum, ið hava selt sín part til útlendingar. Tí eiga so nógvir útlendingar partabrøv í Bakkafrost, umleið 74 prosent av partaeigarunum eru útlendingar. Bara ein góður fjórðingur er eftir á føroyskum hondum – har í millum øll tey 18,6 prosentini, sum feðgarnir báðir, Hans og Regin Jacobsen upp­ runa­liga áttu í felagnum. Eik Banki seldi sín part, tá kursurin var 43 krónur fyri partabrævið. Hevði bankin selt í dag, hevði prísurin verið fleiri hundrað milliónir krónur hægri. TF Holding hevur eisini selt ein stóran part av sínum partabrøvum. Mett verður, at TF Holding og Eik til­samans hava átt eini 10 prosent av partapeninginum, ella á leið tað sama, sum Regin Jacobsen og mamma hansara, Oddvør Jacobsen eiga. Aðrir stórir partaeigarar hava verið Norðoyagrunnurin og LÍV, sum eis­ini hevur selt av sínum parti. Eginognin hjá Bakkafrost er í dag 3 milliardir krónur. Børsvirðið er nógvar ferðir ferðir hægri, tað er 12 milliardir krónur. Fyri Bakkafrost merkir tað, at um felagið skal brúka pengar, eitt nú til okkurt uppkeyp, so kann felagið rinda keypið við partabrøvum. Fel­ag­ ið kundi til dømis keypt eitt stórt virki uttanlands og á tann hátt fingið rætt­ iliga nógv fyri pengarnar við einum parta­brævaumbýti. Var Bakkafrost ikki skrásett á virðis­brævamarknaðinum, so hevði hetta ikki borið til. eirikur@sosialurin.fo Odd Eliasen, stjóri á Havsbrún