mánadagur 11. apríl 2016síða 46

VINNUBLAÐIÐ HJÁ MIÐLAHÚSINUM 22 Apríl 2016 3 Eyðfinn Reyðberg 528.000 krónur. Hetta talið stendur á niðjastu linju í roknskapinum hjá P/f Nema fyri 2015. Hetta er sam­ stundis fyrstu ferð at talið á niðastu linju er positivt síðan 2007, og í 2007 var tað ikki vanligi raksturin sum gav avlop, men at Nema tá seldi síni partabrøv í Atlantic Petroleum, sum góvu góðan vinning. Tá sæð var burtur frá hesum, gava raksturin eis­ini hall í 2007. Hetta er tí fyrstu ferð yvirhøvur at Nema gevur avlop av rakstrinum, og hóast avlpið ikki er stórt, so er tað eitt avlop, sum eigarar, leiðsla og starvs­ fólk kunnu fegnast um. Kostnaðarmikil roynd Royndin við at sláa fleiri fyritøkur saman, hevur kostað nógv. Árini 2008 til 2014 hevði Nema eitt saml­ að hall uppá 66 milljónir krónur, og harvið næstan alla eginognina, sum var 71 milljónir krónur við ársbyrjan 2008. Í hesum tíðarskeiði er starvs­fólka­ talið minkað á hvørjum ári, og enn er ikki komið á mál. Í 2007 arbeiddu 106 fólk í Nema. Við árslok var starvsfólkatalið komið niður á 63 starvsfólk. Tað vil siga at starvs­fólkatalið er minkað við 40 pro­sent. Tjaldur yvirtikið Tað var íløgufelagið Løkir, sum var høvuðs­eigari í Nema. Í samband við at hetta felag var avtikið, yvir­ tók ein at eigarunum Tjaldur partabrøvini í Nema. Síðan er parta­peningurin hækk­aður, so íløgu­felagið Tjald­ur er í dag stóri høvuðs­eig­arin í Nema. Tað er ikki ókend støta hjá Tjaldur at eiga fyritøkur. Tjaldur hevur longu góðar royndir við at fara inn sum aktivur eig­ari, skera til og selja frá, og opti­ mera raksturin í feløgum, fyri síðan at selja feløgini aftur. Dømi um hetta er Vónin í Fuglafirði og Jóannes Thomsen á Kambsdali. Umsetningur lækkaður Umsetningurin hjá Nema er lækk­að­ ur síðan hann var í hæddini í 2008. Í 2008 seldi Nema fyri 120 milljónir krónur, og bruttovinningurin var 27 milljónir krónur. Síðan lækkaði umsetningurin niður á 99 milljónir krónur í 2010. Seinnu árini hevur Nema ikki upplýst um­setn­ingin í roknskapinum, men tá brutto­vinnngurin er hækkaður úr 25 milljónir krónur í 2014 upp í 29 milljónir krónur í 2015, má metast at um­setningurin aftur liggur omanfyri 100 milljónir krónur hjá Nema. Veikt felag Hóast Nema nú hevur avlop av rakstr­inum, er talan framvegis um eitt veikt felag við stórari skuld. Solidit­et­urin er bert 13 prosent, og rentu­berandi skuldin er framvegis høg 40 milljónir krónur. Nema hevur ikki niðurgoldið sína skuld, og hevur yvirlivað av tolsemi frá banka. Metast má at komandi árini skal skuldin niðurgjaldast, og hetta krevur at Nema megnar at fáa úrs­lit, sum í minsta lagi skal vera 3 milljónir krónur um árið. Annars hevur felagið eisini møgu­ leika at selja sínar føstu ognir og íløgur. Hetta er millum annað gjørt við av­taluni við Christian Nagata, sum fór frá sum stjóri í felagnum í juli 2015. Hann keypti partabrøvini í Sendistovuni og sambært yvirlitinum yvir eig­arar í Nema, er felagið hjá Christian Nagata ikki longur ímillum størru eigararnar í Nema. post@sosialurin.fo HÓAST AVLOPIÐ IKKI ER NAKAÐ AT REYPA AV, SO MÁ TAÐ KENNAST FLØVANDI AT HAVA AVLOP, EFTIR AT NEMA Í SAMFULL SJEY ÁR HEVUR KOYRT VIÐ HALLI Greining Avlop í Nema eftir sjey ár við halli 528.000 krónur í avlopi av einum umsetningi uppá meir enn 100 milljónir krónur í 2015 Nema P/f 2015 2014 Broyting Bruttovinningur 29.329 25.005 17% Starvsfólkakostnaður 24.769 26.462 -6% EBITDA 4.560 -1.457 Avskrivingar 1.297 1.438 -10% Fíggjarpostar netto -2.569 -2.846 -10% Úrslit áðrenn skatt 694 -5.741 -112% Skattur 166 117 42% Ársúrslit 528 -5.858 Støðisogn 28.999 30.906 -6% Ogn í umferð 30.266 31.778 -5% Ogn tilsamans 59.265 62.684 -5% Eginpeningur 7.578 7.049 8% Skuld 51.687 55.635 -7% Skyldur tilsamans 59.265 62.684 -5% Rentuberandi skuld 39.881 40.562 -2% Tøkur peningur 201 665 -70% Starvsfólk 63 66 -5% Júst í Túni Vang tók við sum stjóri í Nema í juli 2015. Hann kann fegnast um at avlop nú er á rakstrinum, hóast langt er á mál at skapa eina nøktandi inntjening Savnsmynd