mánadagur 11. apríl 2016síða 55

VIKA 15 • 11. APRÍL 2016 7 ÓKEYPIS LÝSINGARBLAÐ TEMA Eiði Ljósá og í Svínáum fyri 48.000 krónur. Jógvan í Skorini væntar, at tey grund­stykki, sum Eiðis kommuna fer at stykkja út í næstum, verða gjørd byggi­búgvin, men hann vónar, at eisini hesi grundstykkini kunnu seljast fyri í mesta lagi 150.000 krónur. Borgarstjórin ásannar, at hóast persónsskattaprosentið í Eiðis komm­unu í ár er lækkað meira enn í øðrum kommunum, telir tað skjótt í kommunukassanum, tá fólk flyta til og seta búgv. Bygda-og ítróttarhús Eiðis kommuna hevur fingið nýggj­an og snotuligan fótbóltsvøll í Hólm­an­ um, og kommunan hevur eisini sam­ tykt at byggja eitt kombinerað bygda- og ítróttarhús við fótbóltsvøllin. – Øll tey formligu viðurskiftini við húsinum eru komin upp á pláss, tekningarnar eru góðkendar, men sjálvur byggisáttmálin er ikki undir­ skrivaður. Jógvan í Skorini væntar, at byggi­ tíðin verður einar 10-14 mánaðir frá tí, at arbeiðið er byrjað, og ætlandi fer arbeiðið í gongd sum skjótast, soleiðis at húsið stendur liðugt næsta summar. Tað verður Eiðis kommuna, sum kemur at eiga bygda-og ítróttarhúsið, sum umframt at verða karmur um fasilitetir til ítróttarvirksemi við skifti­ rúmum og brúsum, eisini fer at hava ein veitslu-og samkomusal til 250- 300 fólk. – Haraftrat verða tvær stovur bygdar til frítíðarskúla, eins og venj­ ingarrúm á umleið 100 fermetrar verð­ur til bygdafólkið við ymiskum maskinum. Borgarstjórin sigur, at ætlanin er at keypa nýggjar maskinur til venj­ ingarhølini, og hesar koma helst at kosta einar 400.000-500.000 krónur. Hann vísir á, at bygda-og ítróttar­ húsið verður umleið 900 fermetrar stórt, og kostnaðurin fer væntandi at liggja um einar 13-14 miljónir krónur. Í nýggja húsinum verða eisini áskoð­arapláss. – Eg haldi, at fólk eru glað fyri nýggja fótbóltsvøllin, og her er longu komið lív í. Fleiri av barnavenjingunum hjá EB/Streymi eru her, tí børnini venja hvør sær og hava eina felags venj­ing um mánaðin. Onkur av lægru vaksnamannadeildunum hava eisini leikt dystir á vøllinum. Jú, fót­bólts­ vøll­urin hevur verið nógv brúktur, og her hava nógv fólk verið og hugt, tá ítróttartiltøk hava verið. Jógvan í Skorini vísir á, at onkur teirra, sum í sínari tíð var ímóti ætl­ anini at byggja fótbóltsvøllin, sum annars liggur á ógvuliga náttúru­ vøkrum staði, fýltist á, at kommunan brúkti so nógvan pening upp á hesa verkætlan. ­– Tá fólk hoyra, at fótbóltsvøllurin er fíggjaður yvir raksturin, og at hann er liðugt goldin, eru nærum øll samd um, at hetta var ein røtt íløga at gera, sigur borgarstjórin. Mentanardepil í skúlanum Ein onnur verkætlan, sum Eiðis komm­ una seinastu tíðina hevur framt, er ein umskapan av fimleikarhøll, skifti­ rúmum og goymslurúmum í skúlanum til ein mentanardepil í kommununi. Jógvan í Skorini sigur, at hetta hevur latið seg gera, tí nú kommunan eisini hevur ítróttarhøll, hevur ikki so nógv brúk verið fyri fimleikarhøllini. ­– Tí hava vit umbygt partar av hes­um hølum til eina – um vit kunnu siga – mini Løkshøll, soleiðis sum vit kenna hana í Runavík. Skiftirúm og goymslu­rúm eru umbygd til fimm venj­ingarhøli til musikkskúlan og møgu­ligar tónleikabólkar at brúka. – Haraftrat hevur sjálv fimleikar­ høllin, sum liggur beint við, fingið somu karmar og møguleikar, sum Løks­høll hevur, tó í minni format. Hann sigur, at her verða sitipláss til umleið 200 fólk, sum verður mett at vera eitt hóskandi tal til framførslur av ymiskum slag. Koma eini 40-60 fólk til eina framførslu, fara hølini ikki at tykjast so stór og tóm. Jógvan í Skorini sigur, at arbeiðið í skúlanum verður liðugt í summar. Vegg­irnir eru málaðir, og fyrsta dagin kem­ur gólvtribunan. – Við umbyggingini av hesum part­inum av skúlanum og mentanar­ deplinum, verða fasilitetirnir góðir. Vit vilja gjarna hava fleiri mentanartiltøk í kommununi, og eg ímyndi mær, at vit kunnu hava mánaðarlig tiltøk - til gleði og gagns fyri okkara borgarar. Nú verður vetrarfriðað Sitandi bygdaráð í Eiðis kommunu hevur langt síðan samtykt ein karm, sum kommunan skal halda seg innan fyri, nú Eiði verður vetrarfriðað. – Nú eru allir sáttmálar gjørdir, eins og avtalur eru gjørdar við eigarar um mist vetrarbit. Kort er gjørt sum vísir, hvussu hegnast skal, og hvar smogurnar skulu verða, og ætlanin er góðkend. Vit eru nú í samráðingum við Landsverk um tey rulluportur, ið skulu verða. Borgarstjórin sigur, at byrjað verð­ ur at henga í summar, og tá seyð­urin fer av bønum aftur næsta ár, kem­ur hann ikki inn aftur á bøin. – Kostnaðurin fyri mist vetrarbit liggur niðan fyri 1,2 miljónir krónur, og mett verður, at hegn og pelar kunnu keypast fyri einar 800.000-900.000 krónur. Jógvan í Skorini sigur, at tað er eitt stórt ynski millum bygdafólkið at fáa vetrarfriðað bygdina á Eiði. – Næsta stigið í hesum sambandi verð­ur at taka upp samráðingar við eig­arar við Ljósá og Svínáir um vetrar­ friðing, leggur borgarstjórin aftrat. Vikublaðið kann at enda skoyta uppí, at hóast íløgurnar í Eiðis komm­ unu hava verið nógvar í hesum val­ skeiði, og nýggjar íløgur liggja fyri framm­an, er kommunan væl fyri fíggjar­liga. Eiðis kommuna eigur nevniliga eina miljón krónur meira innistandandi, enn samlaða skuldin er. vilmund@sosialurin.fo – Ein familja við trimum børnum, sum setir búgv í Eiðis kommunu, hevur heilar 2000 krónur meira at liva fyri um mánaðin enn í øðrum kommunum, sum vit samanbera okkum við. Tað er fakta, sigur borgarstjórin, Jógvan í Skorini Mynd: Vilmund Jacobsen Eiðis kommuna hevur fingið nýggjan fótbóltsvøll í Hólmanum, sum er goldin yvir raksturin, og næsta summar stendur eitt nýtt bygda-og ítróttarhús við vøllin Mynd: Vilmund Jacobsen