týsdagur 12. apríl 2016síða 21

21 Mikudagur 13. apríl 2016 · Nr. 42 Sosialurin Tann sunna matstovan í Gundadali Havnin Í veghæddini í nýggja FSF-bygn­ inginum við sunnara enda av Tórsvølli í Gundadali liggur djúsbarrin No 12. Eitt stað, sum fleiri og fleiri føroyingar vitja, og sum hevur eina eitt sindur øðrvísi matarskrá enn flestu onnur matar­ støð í høvuðsstaðnum. Málbólkurin vaks skjótt Upprunaliga var málbókurin hjá No 12 fyrst og fremst ítróttarfólk og fólk, sum vitjaðu til ítróttartiltøk í Gundadali. Men tað var skjótt, at tey í No 12 varnaðust, at kunda­ bólkurin fevndi nógv meiri víða enn upprunaligi málbólkurin. – Eg havi verið her í næstan eitt ár, og tað er hent nógv hetta árið. Tað er einki dulsmál, at konseptið hjá okkum er, at tað skal vera sunt og lætt, og at tað skal ganga skjótt fyri seg, frá tí at man bíleggur og til man hevur vøruna. Vit hildu í fyrstuni, at kundaskarin fór at vera avmarkaður, men tað vísir seg, at hann fevnir ógvuliga víða. Her koma bæði ung og eldri fólk. Til dømis kemur tað meiri enn so fyri, at eldri fólk leggja leiðina inn her, tá ið tey hava verið og svomið, og eisini hava vit heilt nógvar vitjanir av mammubólkum, tí vit hava so góðar umstøður til tær, sigur Rann­ vá J. Johansen, leiðari í No 12. Hon greiðir frá, at tá ið No 12 liggur beint við eitt stórt ítróttarøki og er ein ítróttarbarr/matstað, so er tað eisini nakað, ið man má fyri­ halda seg til. – Vit skulu vera eitt sunt alterna­tiv til onnur støð, ið selja skund­verðar, sum kanska ikki eru eins sunnir, sum okkara vørur eru, sigur hon. Høvuðsvørurnar hjá no 12 eru fyrst fremst nógvu frískpressaðu djúsini og so tær vælumtóktur tvíflísarnar. Men harumframt fæst eisini til dømis salat, suppur, sushi og eisini okkurt til søtu tonnina, so sum ymisk sløg av køkum aftur við einum góðum kaffimunni. Kemur meiri til sín rætt Fyrstu tíðina, eftir at No 12 var latið upp, var nógv byggivirksemi við Tórsvøll, og tað gekk eisini út yvir matarstaðið í FSF-bygninginum. – Tað var leingi eitt stórt byggi­ pláss rundan um okkum her, og tað gjørdi ivaleyst sítt til, at her var nokk so friðarligt fyrstu tíðina. Men nú er byggiarbeiðið liðugt, og eg haldi, at staðið nú er komið meiri til sín rætt, og tað leggur betri merki til tað, sigur Rannvá J. Johansen. Í summar fer No 12 væntandi at gerast enn meiri sjónligt, tí tá er ætlanin, at tað skulu setast borð og stólar upp á rúmligu terrassuni beint uttan fyri djúsbarrina, og tað er nakað, sum tey gleða seg nógv til. Nakað serligt til landsdystir Tá ið nú No 12 liggur beint við Tórs­ vøll, so er tað eisini púra náttúrligt, at staðið hevur ein virknan leik­lut í sambandi við føroyska lands­liðið. Eitt nú fáast føroysk lands­liðs­ klæðir til keyps í No 12. Og tá ið landsliðið spælir á heima­vølli á Tórsvølli, er tað nakað heilt serligt at vera til arbeiðis í No 12 sambært leiðaranum. – Tað er nakað heilt serligt. Gamaní er sølan ein onnur tá, enn hon er vanligar dagar, tí til lands­ dystir er tað øl, sum vit selja nógv mest av. Men tað er ein heilt ser­ ligur stemningur inni í hølunum her í sambandi við landsdystirnar, og tað er ordiliga stuttligt at vera til arbeiðis tá – serliga um Føroyar vinna, sigur Rannvá J. Johansen. Hon greiðir frá, at í sambandi við landsdystirnar eru øll starvsfólkini til arbeiðis í landsliðsblusum, og tey lata upp út móti Tórsvølli, soleiðis at tú merkir stemningin á Tórsvølli. – Men vit eru eitt stað fyri øll, og tað haldi eg eisini, at fólk hava skilt. Tí serliga á miðdegi kemur nógv fólk á gátt í øllum aldri, men vit síggja eisini til dømis nógv ungfólk, sum sita her í fleiri tímar og gera skúlating, so vit rúma øllum, sigur leiðarin í No 12 at enda. Álvur Haraldsen Matstovan ella djúsbarrin No 12 í Gundadali hevur nú hálvtannað ár á baki, og gongdin hevur verið sera jalig, hóast tað hevur tikið tíð at venja føroyingar við eitt slíkt matarstað