hósdagur 14. apríl 2016síða 21

FRÍGGJADAGUR 15. APRÍL 2016 SOSIALURIN 43 21 KLUMMAN Eirikur í Jákupsstovu Stjórnarkreppa á facebook og á gøtunum Tað var áhugavert at síggja, hvussu íslendingar í síðstu viku partvíst fóru av facebook og út á gøturnar fyri at krevja forsætis­ráðharran í landinum frá. So skjótt tað kom fram, at forsætis­ráð­ harrin hevði ein leiklut í skjølunum, sum eru likin frá panamansku advokat­skriv­ stovuni Mossack Fonseca, vóru fleiri túsund íslendingar uttanfyri Altingið og mót­mæltu. Tey skrivaðu ikki bara dag­før­ ingar um, at tað er langt úti at snýta í skatti. Eina løtu vóru eini 22.000 fólk úti á gøtunum og mótmæltu at ein av politikar­ unum, sum var við til at koyra landið á heysin fyri fáum árum síðan, seinni varð fyri­givin og síðsta val kom aftur til valdið, nú aftur var í einari peningagølu. Óndar tungur halda enntá uppá, at fjaldi pen­ ingurin er tikin frá borgarunum í Íslandi á onkran sera snildan hátt fyri nógvum árum síðan. Tá forsætisráðharrin vildi vaska talvuna púra reina við einum nývali, har hann og øll hini kollektivt kundu fáa fólksins dóm fyri hansara gerðir. So hendi tað áhuga­verda, at forsetin, sum annars mest er ein kransa­ køku­figurur, noktaði fyri hesum. Bara forsætis­ráðharrin skuldi frá. Tað gjørdi hann so, men tað skuldi bara vera fyribils. Ein annar ráðharri skuldi taka yvir í eina tíð, og sum John Oliver vísti á síni send­ing, so er hirarkiið á ráðharrum ikki sum aðrastaðni, har fíggjarmálaráðharrin hev­ur næst mest at siga. Í Íslandi – og Føroyum, freistast onkur at leggja afturat – er veru­liga valdið hjá tí, sum stýrir fisk­ inum. Tí skuldi fiskimálaráðharrin taka yvir! Men hóast tey høvdu sæð onkra avleiðing, so vóru fólkini í Íslandi ikki nøgd, og tann síðsti boðskapurin eg havi fingið við er, at val verður í heyst. Nógv kann sigast um javararnar, men mann kann ikki lata vera við at hava virðing fyri, at nøkur ting fáa avleiðingar og at fólkini ikki eru bangin fyri at siga sína hugsan um valds­harrarnar, sjálvt um samfelagið er lítið. Kanska fara vit føroyingar eisini at koma hartil. Men eitt er tó, sum kundi mint eitt sindur um, um vit nú endiliga skulu saman­bera Føroyar og Ísland: Fráfarni forsætis­ráð­ harrin, Sigmundur eitur hann, var rættiliga skjótur á facebook og greiddi frá, at tað var synd í familjuni hjá sær og at so nógv trýst varð lagt á seg og konuna. Tann dagføringin fekk nøkur hundrað likes. Fyribils hava fólkini á gøtunum við eggum og bananum – kanska er tað effektivari enn karamellu­blikk – vunnið á Facebook. Men í politikki kunnu ting henda skjótt. Fyri tveimum vikum síðan var Panama eitt land við einari siglingarveit og íslendski for­sætis­ráð­harrin ein tryggur maður í stólinum. Bindi­ festivalurin í Fuglafirði Bindifestivalurin í Fuglafirði byrjaði hóssdagin og heldur á til sunnudagin við verk­stov­ um, kaffistovum, sølu­bás­um, galla­kvøldi og øllum tí, ið hoyrir einum bindifestivali til. Til verkstovurnar verður dentur lagdur á at fáa kreativar og dugnaligar undir­vísarar – føroyskar og útlendskar. Kaffistovurnar verða karmar um áhuga­ verdar fyrilestrar, pallborð og lættari undirhald. Allar dagarnar verður høvi at fáa sær ein góðan bita. Ynskja festivalluttakararnir at gista í Fuglafirði, so verður eisini møguleiki fyri tí. Kunnað verður nærri um tey einstøku til­tøkini seinni – og eisini um, hvussu tú ognar tær atgongd til Bindi­festivalin. Yvirtøka av útlendinga­ málum Hvussu skulu vit umsita hetta málsøkið? Hvussu nógv fer tað at krevja? Og fara føroyskir myndugleikar at megna at standa ímóti trýstinum, tá menniskjalig og moralsk atlit mugu setast til viks, um lógin skal fylgjast? Fyri at fáa greiðu á týdning­ inum og avbjóð­ingunum í samband við yvirtøkuna av út­lendingamálum bjóða føroysku fólkatingslimirnir, Magni Arge og Sjúrður Skaale, til almenna ráðstevnu, har millum annað tvær gentur, sum ikki vita, um tær sleppa at verða verandi í Føroyum ella ikki, fara at greiða frá síni støðu. Ráðstevnan verur í Østrøm fríggjadagin klokkan 13.00, og øll áhugað eru vælkomin. Ævintýraferðin í Norðurlandahúsinum Ævintýraferðin hevur útgivið 8 fløgur. 53 sangir. 53 sangir er 169 minuttir. 169 minuttir eru 10.140 sekund. Herav hava 551 sek. verið nógv at hoyrt í útvarpinum. Sipað verður til sekundini Grækaris Grashøvd og Snedigt. Hesi 551 sekundini pluss 3280 sekund, fer stóra Ævintýraferð orkestrið saman við Dánjali og Búa at framføra. Sunnudagin 17. apríl klokkan 15 í Norðurlandahúsinum.