hósdagur 14. apríl 2016síða 22

FRÍGGJADAGUR 15. APRÍL 2016 SOSIALURIN 43 22 SAMFELAG Emma Holten VIÐURKENNA IKKI KVINNU- RÆTTINDI – Eg varð skelkað yvir hvussu nógv fólk deildu nakinmyndirnar, løgdu eftir mær, skiltu ikki álvara ella royndi at gera tað til einkis. Tað lat míni eygu upp fyri manglandi rættindum hjá kvinnum, men eisini hvørji manglandi rættindi vit hava á netinum. Tað sigur Emma Holten, sum sunnudagin heldur fyrilestur um kynsligt samtykki í Føroyum HALLUR AV RANA S um einans átjan ára gom­ ul upplivdi danska Emma Holten marruna hjá nógv­ um kvinnum, tá ein teldu­ sníkur fekk atgongd til henn­ara teldu­post, og lak privat til­far hjá henni út á alnetið. Harímillum vóru naknar myndir av henni sjálvari, ið hon hevði tikið árið frammanundan. Myndir, ið vóru ætlaðar hennara sjeiki, lógu til øll at síggja á al­net­ inum saman við henn­ara navni, bústaði og øðrum við­kvomum upp­lýsingum. Næstu mánaðirnir gjørdist ein sonn marra fyri ungu kvinnuna. Fremm­and og vinir, ung og gomul, lærd og ólærd, danir og út­lendingar, deildu naknu myndirnar av Emmu Holten. Fyrst royndu hon at steðga útbreiðsluni av mynd­unum, men eftir einum ári gav hon upp, og ásannaði, at tað var vón­leyst at strika allar myndirnar av al­net­ inum. Trý ár seinni tók hon málið í egnar hendur. Í eini roynd at vinna valdið yvir sítt egna lív og kropp, og vísa, at hon var meira enn tær myndir­nar, ið lógu á alnetinum, fór hon í holt við eina verkætlan. Undir navninum Samtykki gav Emma Holten út 10 nakinmyndir og eina grein, har hon varpar ljós á hevndar­porno. Fimm ár eru liðin síðani fyrst myndir­nar vórðu lagdar út á al­ netið, og tvey ár eru farin síðani, at hon legði tær næstu myndirnar út á alnetið. Hennara søga er fortald um allan heim, og sjálv er hon vorðin ein feministisk talskvinna, ið ferðast heimin runt og heldur fyri­lestrar um samtykki. Vikuskiftis-Sosialurin hevur tosað við Emmu Holten, nú hon um vikuskiftið skal halda fyrilestur í tiltaki hjá Amnesty International Føroya deild. Virða ikki kvinnurættindi Í Føroyum er ætlanin, at Emma Holten skal halda ein fyrilestur við serligum atliti til kynsligt sam­ tykki. – Eg skal tosa um samtykki, bæði tá tað viðvíkir neyðtøku og plágan. Tað verður eisini viðgjørt, um talan er um eitt politiskt evni, og hví tað er so týdningarmikið at seta evnið á dagsskránna, sigur Emma Holten. Tað er týðiligt, at talan er um eitt evni, ið Emma Holten hevur gjørt sær nógvar tankar um síðstu árini. Hon er eisini skjót at svara, tá hon verður spurd um hvat tað týdn­ingar­mesta var, ið hon lærdi av hend­ing­ini. – Vit liva ikki í einum samfelag har vit virða kvinnurættindi. Eg varð skelkað yvir hvussu nógv fólk deildu nakinmyndirnar, løgdu eftir mær, skiltu ikki álvaran ella royndu at gera tað til einkis. Tað lat míni eygu upp fyri manglandi rætt­indum hjá kvinnum, men eisini hvørji manglandi rættindi vit hava á netinum, sigur Emma Holten av­gjørd. Kynsligur harðskapur sum hevnd­ar­porno, neyðtøka og mangl­ andi samtykki er ein trupulleiki, ið ser­liga rakar kvinnur, sigur Emma Holten. – Tað er serliga ein trupulleiki fyri kvinnur. Hagtølini vísa, at tað ser­liga eru tær, ið eru offur fyri neyð­tøku og hevndarporno. Men evn­ið er relevant fyri øll, óansæð um tey sjálvi hava upplivað tað ella ikki vita nakað serligt um evnið. Vita ikki hvørji tey eru Eitt sum skelkaði Emmu Holten, tá hon sá hvørji tey vóru, ið deildu henn­ara myndir, og sum vendu sær til hennara eftir at myndirnar vórðu lagdur út á alneti var, at talan var um vanligar persónar. – Tað var ein skelkur. Eg helt, at tað vóru seytjan ára gamlir dreingir í kjallaranum hjá mammu sínari, ið deildu slíkt. Men í veruleikanum vóru tað pápar, væl útbúgving fólk, stjórar, vælhavandi persónar, eldri menn, vanlig arbeiðsfólk o.s.fr. Har vóru eisini seytjan ára gamlir dreing­ir, men eg varð bilsin yvir hvussu ymisk fólkini í veru­leikanum vóru, sigur Emma Holten. Júst tað, at fólk hava eina ávísa mynd av, hvørji tey eru, ið fáast við slíkt virksemi á alnetinum, kann gerast ein forðan fyri at loysa trupul­leikan, metir Emma Holten. – Tað er lættari at hugsa um teir sum taparar, men tað eru teir ikki. Hetta hendir í øllum sam­ felags­løgum, og tað mugu vit seta Tað, sum vit mugu varpa ljós á, er ikki hvat ofrini føla, men hvat tey, ið fremja ágangin hugsa. Stað­ festast kann, at um allan heim er per­són­ar, ið ikki virða kvinnu­ rætt­indi, eins og tað um allan heim eru per­ sónar, ið virða kvinnu­rættindi« Emma Holten