hósdagur 14. apríl 2016síða 32

FRÍGGJADAGUR 15. APRÍL 2016 SOSIALURIN 43 32 ÍTRÓTTUR Ikki við: Hanus Thorleifsson (knæskaði, 3-4 vikur) Alex Mellemgaard (lærkrikin, óvist) Robert Heðin Brockie (knæskaði, langtíðarskaddur) Við aftur: Róaldur Jakobsen (eftir leikbann) Ikki við: Arnbjørn T. Hansen (knæið, langtíðarskaddur) Ivasamur: Poul Ingason (fipur) Ikki við: Hans Jørgen Djurhuus (Ryggskaði, ógreitt hvussu leingi) Ikki við: Haraldur R. Højgaard (mjødnin, langtíðarskaddur) Andras Frederiksberg (lærkrikin, langtíðarskaddur) Ivasamur: Jónleif Højgaard (lærkrikin) Ikki við: Niklas Poulsen (Liðband í økslini, 2-3 vikur) Við aftur: Hákun Edmundsson JÓANNES HANSEN S ætta umfar í Effo-deildini bíðar. Higartil í ár er tað ongantíð komið fyri, at allir fimm dystirnir hava verið spældir í senn. Hesaferð verður fyrsta bríksl í øllum fimm støðum klokkan 15 sunnudagin. Aðra staðni kemur tað so at siga ikki fyri, at alt verður futtað av í senn. Har eru tað sjónvarpspengarnir, ið gera av, at eitt umfar verður togað út at fevna um tríggjar dagar, og at tað verður spælt bæði fyrri og seinni á degnum. Talan er hesaferð um fleiri lykla­upp­gerðir. Í botninum hitt­ ast uppflytararnir. Skála, ið er næst­niðast, fær vitjan av B68, sum er niðast. Í hinum endanum verð­ur grannauppgerð við Løkin mill­um NSÍ og Víking, og tvífaldu meistarar­nir í B36 fara norður til Klaks­víkar at hitta KÍ, sum við triva­ligum sigri í Fuglafirði síðsta sunnu­dag lyfti seg fram millum tey fimm ovastu. Tað býr meiri í spælarunum KÍ - B36 LARS MÜLLER sunnudagin kl. 15.00 Klaksvíkingar fóru væl nøgdir úr Fugla­firði sunnudagin. 4-0 sigurin og triðja ferðin, at tað eydnaðist at halda mótstøðumonnunum frá at skora lyftið liðið fram á talvuni. Sunnu­dagin fara meistararnir í B36 at vitja í Klaksvík, og KÍ venjarin vón­ar, at leikliga avrikið hjá hans­ ara monnum í framrættaða part­ inum skal verða betri, enn tað var í Fuglafirði: – Sjálvandi ert tú nøgdur við at vinna 4-0. Eg veit, at tað býr meiri í spælarunum, enn teir higartil hava víst, og at vit harvið eiga at spæla betri fótbólt, enn vit hava gjørt, sigur Mikkjal Thomassen. Higartil hava broytingar verið millum teir fyrstu ellivu í Klaksvík, og soleiðis verður tað eisini ímóti B36, tá ið sammett verður við ímóti ÍF: – Vit hava passaliga breiðan hóp, og vit broyta uppstilling mest sum hvørja ferð. Onkrir spælarar eru ungir og hava ikki so nógvar royndir, og tað leggja vit uppfyri, sigur KÍ venjarin. Tá ið B36 í fjør vitjaði í Klaksvík vann heimaliðið 2-1. Hetta var merkisvert á tann hátt, at hetta var fyrsti sigurin á B36 í Klaksvík, síðani KÍ í 2011 aftur var partur av bestu deildini. Í hinum sjey upp­ gerð­unum hesi árini hevur B36 seks ferðir vunnið fulla úrtøku, og eina­ferð endaði tað javnt. Dreymurin í B36 um at tað skal eydnast fyri fyrstu ferð at vinna FM fyri triðju ferð á rað, kámaðist sunnudagin eitt sindur. Málleysi javnleikurin í Gundadali ímóti TB komst ikki av, at liðið ikki megnaði at spæla seg til møguleikar: – Ímóti AB næstsíðsta sunnu­ dag spældu vit okkum til tveir upp­ lagdar málmøguleikar, og tá skor­ aðu vit tvey mál. Ímóti TB høvdu vit tjúgu royndir ímóti málinum, og í níggju av førunum var talan um stórar møguleikar, uttan at tað eydn­aðist at skora, staðfestir B36 venjarin Eyðun Klakstein. Skammlopini kunnu kosta nógv NSÍ - VÍKINGUR ALEX TROLEIS sunnudagin kl. 15.00 Roynda og væl samanspælda Víkinga verjan var ikki so sann­før­ andi í 2-2 dystinum á Argjum síðsta sunnudag, sum hon so ofta hev­ur verið. Mistøk í uppspælinum kost­ aðu møguleikar til mótstøðuliðið, og møguleikarnir, sum bóru bæði AB málini við sær, vóru avleiðingar av ótryggleika í Víkinga spælinum aftarlaga á vøllinum. Víkinga venjarin, Sámal Erik Hentze, ásannar, at liðið hjá honum hevur avbjóðingar: – Tað gongur sum heild væl, men í løtum hongur tað ikki nóg væl saman, og tað kostaði á Argjum, tá ið vit ikki áttu at valt aðra loysn í yvir­tíðini enn at givið teimum horna­spark, sum teir so javnaðu við, sigur Víkinga venjarin. Í NSÍ leguni er lagið avbera gott, nú fjórði heimadysturin er á skrá. Á útivølli hevur gingið sum eftir ánni við 3-1 sigri í Klaksvík og so rimmar 5-0 sigri á Svangaskarði síðsta sunnudag. – Vit høvdu fyrireikað okkum til stóra avbjóðing, men soleiðis var tað ikki, staðfestir NSÍ lið­for­mað­ urin Klæmint A. Olsen, sum hevur verið toppskjútti trý tey sein­astu árini, og sum er ovastsur á mál­tind­ inum. Í fimm dystum hevur hann tilsaman skorað sjey mál. Einasta ferðin, at hann er farin av vøllinum í ár uttan at hava skorað, var í 2-0 sigr­inum á heimavølli ímóti Skála. Í fjør vann NSÍ silvurkrónur, meðan tað tey bæði árini framman­ undan endaði við fjórða plássi. Meðan tað hevur gingið sum eftir ánni ímóti teimum veikaru lið­ unum, so hevur tað ikki gingið so væl ímóti teimum betru. Tølini siga, at Víkingur er eitt av liðunum, sum NSÍ hevur havt tað trupult ímóti. Í fjør vann Víkingur 4-2 í Runavík, og í fyrraárið vann Víkingur 2-0 við Løkin. Síðani Víkingur sá dagsins ljós í 2008, hevur NSÍ vunnið tríggj­ ar ferðir ímóti grannunum innan­ fyri Eiðið á heimavølli. Í 2013 3-0, í 2012 1-0 og í 2009 2-1. Fyrsta dystin í ár ímóti einum av FM avbjóðarunum gekk tað ikki so væl, tí HB vann 3-1 við Løkin. Tí er talan um sera týdningarmikla upp­ gerð, tá ið grannarnir hittast við Løkin seinnapartin sunnudagin. LIÐ TÍÐINDI B36 HB VÍKINGUR NSÍ B68 FÓTBÓLTUR Síðani uppflytingina fyri fimm árum síðani hevur KÍ bara einaferð vunnið á heimavølli ímóti meistarunum í B36, sum ímóti TB misnýttu níggju stórar málmøguleikar NÚ SKAL NSÍ STANDA ROYNDINA Upptakt