mánadagur 18. apríl 2016síða 52

VIKA 16 • 18. APRÍL 2016 28 ÓKEYPIS LÝSINGARBLAÐ TEMA Suðuroy Vilmund Jacobsen U m nakrar dagar fara nøkur fólk hjá virkinum niður til Brüssel á eina árliga fiskivinnumessu, sum verður í døgunum 26.-28. apríl. Við sínum fiskavørum og útboði verð­ur virkið við á føroyska landa­bási­ num, sum Vinnuhúsið samskipar. – Tað er umráðandi hjá okkum at vera við á slíkum messum, har vit møta teimum, vit samstarva við og selja okkara fiskavørur til. Søludeildin hjá okkum ferðast kring um heimin til slíkar messur, og sølufólkini eru eis­ ini í aðrar mátar úti í heimi og vitja kundar. Ólavur Bjarkhamar vísir á, at um­ framt at Varðin Pelagic selur sínar fiskavørur í útlandinum, er fe­lagið eisini keypari av eitt nú maskin­um, pakki­tilfari og logstikki, og slík­um verð­ur eisini hugt at á fiski­vinnu­ mess­um. Nýggjan skrivstovubygning Í løtuni byggir Varðin Pelagic upp í verandi bygning á havnalagnum á Tvøroyri. Hetta er ein skrivstovu­ bygningur í tveimum hæddum á 600 fermetrar hvør hæddin. Frammanundan hevur Varðin Pe­ lagic sítt skrivstovuvirksemi til leigu á Tvøroyri, tí bygningurin á havnalagnum er í sínum uppruna ikki innrættaður til stórvegis skrivstovuvirksemi. – Skrivstovuparturin var ikki við, tá virkið varð bygt, men tá henda út­bygging er liðug, verður alt skriv­ stovu­virksemi, søludeild og logstikkur undir einum og sama taki. Ólavur Bjarkhamar sigur, at skriv­ stovuparturin, sum nú verður bygdur aftrat, kemur at prýða munandi um samlaða bygningin – og serliga um útbyggingina av frystigoymsluni, sum er gjørd frammanundan. – Tá alt verður liðugt, túnið er gjørt, og byggiplássið verður riggað av, fer alt at síggja nógv betri út, og hetta er eisini tann leistur, sum Søvn Landsins hava góðkent. Ólavur Bjarkhamar vísir á, at út­ bygg­ingin av frystigoymsluni og nýggi skrivstovuparturin er líka sum næsta byggistig á stóra uppsjóvarvirkinum. Hevur gingið væl Virkisleiðarin á Varðanum Pelagic, sum hevur drúgvar royndir í fiska­ fram­leiðslu, sigur, at tað skuldu stórir íleggjarar til fyri at reisa stóru verk­ ætlanina á Tvøroyri á føtur. – Íløgan er rættiliga stór, og tað er váðin eisini, tí hetta er í ávísan mun ein high-risk marknaður, sum vit arbeiða á. Men, vit kunnu fegnast um, at tað hevur gingið væl síðan byrjan. Tað hevur sum heild eisini gingið væl at selja okkara fiskavørur, og vit fegnast um at hava fingið góðan fisk. Ólavur Bjarkhamar sigur, at higartil í ár hevur Varðin Pelagic keypt 6000 tons av lodnu og 11.000 tons av makreli. – Seinastu vikurnar hevur verið steðgur í framleiðsluni, men vit ætla okkum at keypa svartkjaft, tá fiskurin í næstum kemur í føroyskan sjógv. Tá svartkjaftafiskiaskapurin byrjar aftur, ætla vit okkum eisini at gera nakrar royndir í samband við okkara surimi-verkætlan, sigur virkisleiðarin á Varðanum Pelagic á Tvøroyri. Vikublaðið kann leggja aftrat, at ætlandi verður surimi-verkætlanin á Tvøroyri liðug 1. januar 2017. – Eg trúgvi upp á hesa verkætlan, men hetta verður hart arbeiði, sigur Ólavur Bjarkhamar. 20 fólk til arbeiðis Tá eingin framleiðsla er á Varðanum Pelagic, eru kortini eini 20 fólk til ar­ beiðis, sum fáast við tekniska partin á virkinum. Nú útbyggingin fer fram, brúkar virkið sínar egnu elektrikarar og el-instalatør til innlegging av øll­ um el-instalatiónum. Vikublaðið vitjaði í síðstu viku inni á gólvinum hjá Varðanum Pelagic á Tvøroyri, har vit hittu Ólav Bjarkhamar, virkisleiðara Varðin Pelagic byggir út – Tá alt verður liðugt, túnið er gjørt, og byggiplássið verður riggað av, fer alt at síggja nógv betri út, sigur Ólavur Bjarkhamar Ólavur Bjarkhamar er virkisleiðari á Varðanum Pelagic á Tvøroyri Mynd: Vilmund Jacobsen