mikudagur 1. september 2004síða 7

12 Nr. 165 - 1. september 2004 Nr. 165 - 1. september 2004 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundir føðingardagar, brúðleypsdagar, starvssetanir og -dagar. Tøkk Eina stóra tøkk senda vit øllum tykkum, ið sýndu samkenslu, tá elskaði maður, pápi, abbi og verfaðir okkara Ingolf Joensen úr Vági so brádliga doyði. Tøkk fyri mangar hjálpandi hendur og troystarrík orð. Tøkk til tykkum, ið fylgdu honum til hansara seinasta hvíldarstað. Tøkk fyri blómuheilsanir og minnisgávur til Eldrabýlið. Familjunnar vegna Hjørdis Tøkk Hjartans tøkk fyri sýnda samkenslu og stórt hjálpsemi, tá elskaða sonur, beiggi og ommusonur okkara Eywind Dalsgaard Henriksen ættaður úr Skálavík, búsitandi í Grindsted so brádliga varð tikin frá okkum. Takk tit øll, ið ringdu og á annan hátt hjálptu í stóru sorg okkara. Familjunnar vegna Pápi, Sunnfríð, systkini og omma 1. september. Aigidius, deyður ár 720. Hann var ættaður úr Athen og kom sum pílagrímur til Arles í Fraklandi, har hann í einum skógi nærhendis fekk sær einbýli í einari holu. Fólk høvdu við orði, so guðrøkin hann var, og kongur gav honum loyvi til at byggja eitt kleystur. Sjálvur var hann fyrsti abbatin, og eftir deyða hansara vitjaðu pílagrímar næstan líka so nógv í Arles sum í Róm ella Santiago de Compostela. 1. september 2004 hevur Jens Lundblad í Havn starvast 35 ár hjá Berg Motors. Jens er dani og útbúgvin goymslumaður. Hann er giftur føroyskari konu, Bjarnhild, úr Oyndarfirði, og fluttu tey til Føroyar at búgva í 1969, tá hann fekk starv á eykalutagoymsluni hjá Berg Motors. Hetta var um ta tíðina tá Mazda bilarnir gjørdu innrás í Føroyum, og var Jens við til at byggja stóru eykalutagoymsluna upp, fyrst í J. Paturssonargøtu og síðan á Hálsi, har fyritøkan heldur til í dag. Jens er kvikur, álítandi og trúgvur móti sínum arbeiðsplássi. Hann var í mong ár leiðari á eykalutagoymsluni. Leiðsla og starvsfólk hjá Berg Motors ynskja Jens hjartaliga tillukku við starvsdegnum. Jens Lundblad Tórshavn: 35 ára starvsdag hjá Berg Motors 11. juli 2004 hevði Niels Juul Akraberg Poulsen starvast hjá Tryggingar- felagnum Føroyar í 25 ár. Niels Juul byrjaði sum skrivstovunæmingar á Tryggingarsambandinum Føroyar í 1979. Útbúgv- ingin tók 3 ár. Í 1985-86 var hann í Danmark, har hann ar- beiddi hjá tryggingar- felagnum Baltica, sam- stundis sum hann gekk á tryggingarháskúlanum í Rungsted Kyst og fekk sær útbúgving sum serkønur í trygging. Heimafturkomin í 1986 arbeiddi hann serliga við bil-, ábyrgdar- og størri arbeiðstøkutryggingum. Tá tryggingarfeløgini undir Tryggingarsamband- inum vóru løgd saman til Tryggingarfelagið Føroyar í 1998, varð Niels Juul set- ur sum deildarstjóri fyri tryggingar á landi. Síðan 1. mai 2004 hevur hann starvast sum deildar- leiðari fyri Eysturoyarøki á deildini hjá Tryggingar- felagnum í Saltangará og sum serkønur ráðgevi fyri vinnulívið á landi. Niels Juul er 44 ára gam- al, føddur í Klaksvík. For- eldrini eru Anna, f. Sund- berg, ættað úr Porkeri, og Niclas Akraberg Poulsen, føddur og uppvaksin í Akrabyrgi. Niels Juul búði fyrst 5 ár í Klaksvík, síðan 5 ár í Runavík, og aftur 5 ár í Klaksvík, Hetta komst av pápin var politistur, og familjan flutti har sum hann arbeiddi. Í 1975 flutti familjan til Havnar, tá pápin fekk starv á politistøðini í Havn. Niels Juul býr í dag í Saltangará. Hann eigur fýra børn: Agnar, Turið, Anna og Sólvá. Hóast ongin býr í Akra- byrgi, hevur familjan tilknýti til staðið og brúkar stóran part av síni frítíð í ríku náttúruni har. Niels Juul Akraberg Poulsen: 25 ára starvsdag hjá Tryggingarfelagnum Føroyar NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Týskvøldið 24. august kl. 19.00 læt ein spennandi málningaframsýning upp í Gallarí Ribarhús í Fugla- firði. Tað var Sólvá Olsen, ið er búsitandi í Esbjerg, sum hevði málað allar teir úti við 60 málningarnar á framsýningini, sum eisini var ein søluframsýning. Fólk vóru komin ymsa- staðni frá til framsýningina, sum var í sera hugnaligum umhvørvi í Ribarhús og Piddasahandli, sum eru í sama húsi. Brøðurnir Bárður og Høgni á Lakjuni framførdu nøkur løg, meðan fólk hugnaðu sær við kaffi og køkum, hugdu at málninga- framsýningini og vitjaðu í Piddasahandli við heima- gjørdum pløggum og hópin av prýðislutum. Sólvá hevur gjøgnum árini seymað nógvar mynd- ir og sjálv givið frálæru í myndaseyming og aðrari kreativari seyming. Tá ið Sálvá málar máln- ingar, hugsar hon altíð um Føroyar, og myndirnar av- spegla eisini tað. Frá 1992 til 1997 fekk hon frálæru hjá hollendska "multikunstnaranum" Ba- ukje Zijlstra." Hon hevur luttikið á fleiri framsýningum í Danmark, og í løtuni eru nakrar av myndum hennara við á eini framsýning í Musikhuset í Esbjerg. Málningaframsýningin verður opin: Mánadag - Fríggjadag frá kl. 15.00 - 17.30 og leygardagar frá kl. 11.00 - kl. 13.00. Framsýn- ingin verður til seinast í september mánaði. Sólvá Olsen, Esbjerg: Spennandi málningaframsýning í Gallarí Ribarhús Landsstýrismaðurin Jógvan á Lakjuni við klaverið Mynd: Magnus Gunnarsson Fólk vóru komin ymsastaðni frá til framsýningina, sum er í sera hugnaligum umhvørvi Mynd: Magnus Gunnarsson Brøðurnir Bárður og Høgni á Lakjuni framførdu nøkur løg, tá framsýningin læt upp Mynd: Magnus Gunnarsson Gallarí Ribarhús hevur verið karmur um nógv ymisk listarlig tiltøk Sólvá Olsen, ið er búsitandi í Esbjerg, hevði málað allar teir úti við 60 málningarnar á framsýningini. Her er hon saman við systrunum, Ingu Simonsen úr Havn, og Oddvør á Lakjuni, sum býr í Fuglafirði Mynd: Magnus Gunnarsson C M Y K 13 12