mikudagur 20. apríl 2016síða 12

FRÍGGJADAGUR 22. APRÍL 2016 SOSIALURIN 46 12 TEMA Skattamálið HÓTTANIRNAR BARBARA HOLM H vat hendi um árskiftið 2015/2016 í Eik. Eitt, sum hendi er, at Jørn Astrup Hansen trekti seg úr nevndini, og gjørdi al­ menningin varugan við tað, sum hann metti gekk fyri seg í Eik og TF Holding. Eitt annað er, at innanhýsis grannskoðarin hjá Eik segði seg úr starvi. Eitt triðja er, at málið um at draga tær 90 milliónir frá í skatti, end­aði aftur hjá Taks. Men hví fór tað aftur til skatta­ myndugleikarnar, tá ið Taks í 2015 segði gott fyri at draga tapið frá yvir 10 ár? Grannskoðanin hótt Vikuskiftis Sosialurin hevur fingið innlit í frásagnir frá fundum síðst í januar mánaði 2016 – beint áðrenn Eik vendi sær aftur til Taks. Á tí fundinum varð boðað grann­skoðarum frá, at standa tit ímóti hesum, hava tit ábyrgdina av, at TF Holding missur 90 milliónir, og kunnu dragast til svars fyri tað. Okkara keldur vilja vera við, at tað eisini varð eisini sagt, at um grann­skoðanin ikki góðtók tað, sum Taks hevði sagt ja til – at draga tapið frá sum goodwill yvir 10 ár – og góðtók tað, sum leiðslan í Eik hevði stungið út í kortið, ja so kundi tað fáa avleiðingar – millum annað í form av einum endurgjaldskravi. Longu 19. mars 2014 skrivaði Spekt púra greitt til nevndina í Eik. Sagt var, at Spekt ikki helt, at Eik hevði rætt til hvørki frádrátt ella goodwill yvir 10 ár. Í skrivinum segði Spekt, at tey ikki mettu heimild vera fyri hvørki goodwill ella skattafrádrátt: »1. Tað er okkara meting, at bankin neyvan hevur rætt til frádrátt fyri nevndu upphædd. 2. Í hesum føri kann neyvan talan vera um rætt til goodwill.« Men hugsanin hjá Spekt varð ikki upplýst fyri Taks, fyrr enn síðst í januar 2016. Og beint áðrenn mál­ið fór aftur til Taks, fingu grann­skoðarar upplýst, hvørjar av­leið­ingar tað kundi fáa, um teir ikki góðtóku støðuna. Nevndarlimir hóttir? Tað var ikki bara grannskoðanin, sum stóð á mótakaraendanum av hóttandi tónanum frá Eik og TF Holding. Eisini nevndarlimir í Eik fingu at vita, at teir kunnu vænta sær at hefta fyri tað, um teir stilla seg ímóti ætlanunum. Á fundi tann 27. Mars 2014 varð sagt, at nevndarlimir kundu ábyrgd­ast, um teir ikki drógu skattin frá, um bankin hevði rætt til tað. Til tað er at siga, at tað fyri so vítt er púra rætt. Røkja nevnd­ar­ lim­ir ikki sína upp­gávu til fuln­ar, ja so kann tað fáa av­leið­ingar í form av, at teir kunnu vera mettir óegn­ aðir til at røkja starv­ið fram­yvir. Draga tey ikki tap frá, sum tey hava rætt til, so er tað ikki at røkja sína upp­gávu til fulnar. Men hví verða nevndar­limir upplýstir um hetta júst í mars 2014? – Summi vóru drigin til síðis, har man fekk at vita sama boðskap – at nevndarlimir kundu hefta fyri tað persónliga, um man valdi at ganga ímóti hesum, sigur ein av okkara keldum. Okkara keldur ynskja framvegis at vera dulnevndar. Men Sosialurin kennir til fundarfrágreiðingarnar, sum vit sipa til her í blaðnum. Nevndarlimir upp­ lýstir bert viku eftir upp­ritið frá Spekt Bert átta dagar eftir, at Spekt kem­ ur við sínum skrivliga upp­ritið til nevndina í Eik, verða nevndarlimir mintir á, at teir kunnu dragast til svars, um teir ikki draga tap frá, sum bankin metir seg hava rætt til. Men átta dagar áðrenn hetta sigur Spekt tað, sum Spekt síðani hevur borið viðari til skatta­ myndug­leikarnar – at tað ikki eftir teirra meting er rætt at draga tær 90 milliónir­nar frá – hvørki sum frá­drátt ella goodwill. Sosialurin hevur sent fleiri teldu­postar og ringt fleiri ferðir til forstjóran í Eik. Vit hava eisini spurt Súna Schwartz Jacbosen, um hann hevur viðmerkingar til tey brot úr fundarfrágreiðingunum, sum vit sipa til og endurgeva í hes­ari greinini. Men Súni Schwartz hev­ur ikki svarað okkum. BARBARA@SOSIALURIN.FO »Ganga tit ímóti at Eik kann draga hetta tapið frá, kann tað fáa avleiðingar«. Hesin setningur varð nógv nýttur í samband við skattamálið hjá Eik. Nevndar­ limir og grannskoðarar fingu greitt at vita, at stóðu tey ímóti hesum, kunnu tey dragast til svars fyri, at TF Holding misti 90 milliónur krónur »Summi vóru drigin til síðis, har man fekk at vita sama boðskap – at nevndarlimir kundu hefta fyri tað persónliga, um man valdi at ganga ímóti hesum«