mikudagur 1. september 2004síða 11

Nr. 165 - 1. september 2004 21 Í trimum dystum í triði síðsta umfarin- um varð bara eitt mál skorað, og hetta eina málið var orsøk til, at føroyskir útisetar eru verri fyri, sjálvt um teir ikki vóru í eldin- um fyrrenn í gjár- kvøldið ÍSLAND Jóannes Hansen Teir eru av álvara farnir undir sluttspurtin í bestu ís- lendsku fótbóltsdeildini, sum eitur Landsbanka- deildin. Triði síðsta um- farið er á skránni í hesi vik- uni. Ein dystur varð spæld- ur sunnudagin, tríggir vóru á skránni í fyrrakvøldið, og í gjárkvøldið - eftir at blað- ið var farið til prentingar - varð síðsti dysturin spæld- ur. Hann var millum Fram, sum er felagið hjá Hans Fróða Hansen og Fróða Benjaminsen, og meistarar- nar tvey tey seinastu árini, KR. Úrslitini mánakvøldið bóru við sær, at tað var uppaftur meiri týdningar- mikið hjá Fram at vinna í gjárkvøldið, enn tað frammanundan hevði verið, og tað sigur ikki so lítið! Undan dystinum í gjár- kvøldið var Fram dottið niður á tíggjunda og aftasta plássið. Fram ímóti kapp- ingarenda plagar tað so mangastaðni at vera so- leiðis, at tey liðini, sum eru mest sperd, gera ein vørr. Soleiðis tykist tað eisini at vera í Íslandi nú uppundir kappingarenda. Mánakvøldið var KA av Akureyri, sum undan sekstanda umfarinum var á aftasta plássinum, í Reykja- vík og spældi ímóti Fylkir, sum alt kappingarárið hev- ur verið við í kappingini um meistaraskapin. KA fór norður aftur til Akureyrar við øllum stigunum. Teir vunnu 1-0. Málið fingu teir stutt undan steðginum. Heimaliðið fekk eftir steðgin gyltan møguleika at javna, men teir misnýttu brotsspark. Úrslitið hevði við sær, at Fylkir er nógv verri fyri í kappingini um meistara- skapin, enn teir vóru undan sekstanda umfarinum. Úr- slitið hevur eisini við sær, at vánirnar hjá KA at varð- veita plássið í bestu deild- ini, er betri nú, enn tær vóru undan vikuskiftinum. Men teir á Akureyuri eru framvegis í vanda fyri at flyta niður. Teir eru næst- aftastir. Á niðasta plássin- um var undan dystinum í gjárkvøldið Fram. Alt bendir á, at tað verður millum hesi trý feløgini, at slagið skal standa um, hvørji tvey skulu flyta nið- ur í næstbestu deildina. Tað er synd at siga, at talan á nakran hátt var um málrok í Íslandi mána- kvøldið. Í trimum uppgerð- um var tað bara KA, sum megnaði at gera mál, og teir fingu bara eitt mál. Tað tykist sum um, at tað nú verður lagdur uppaftur størri dentur á ikki at tapa, heldur enn at royna eftir sigrinum, enn tað plagar at verða gjørt í Íslandi. Julian Johnsson og liðfel- agarnir hjá honum í ÍA mistu mánakvøldið síðsta møguleikan at vinna meist- araskapin. Enn eina ferð var tað á heimavølli, at teir fingu ov lítið burturúr, og enn eina ferð var úrslitið málleysur javnleikur. FH, sum seinasta partin av kappingarárinum hevur verið oddalið, vitjaði mána- kvøldið í Grindavík. Har eydnaðist Alberti Sævars- syni at halda mótstøðu- monnunum burtur frá at gera mál. Úrslitið var 0-0. Harvið legði FH seg fram- um aftur ÍBV. Men nú er munurin minni, enn hann var undan sekstanda umfar- inum. Tá var hann trý stig. Nú er hann eitt stig. Annan sunnudag verður næstsíðsta umfarið. Tá verður spælt soleiðis: FH- Fram, ÍBV-Fylkir, Kefla- vík-Grindavík, KR-KA og Víkingur-ÍA. Síðsta umfar- ið verður leygardagin 18. september. Tá sær skráin soleiðis út: Fram-Keflavík, Fylkir-KR, Grindavík-Vík- ingur, KA-FH og ÍA-ÍBV. Leygardagin fer Ísland at spæla fyrsta dystin í nýggju HM undankappingini. Hann verður á Laugardals- vøllinum ímóti Bulgaria. Íslendingar hava gott mót um sítt lið í nýggju undan- kappingini. Ikki minst eftir at tað á Laugardalsvøllin- um mikukvøldið í síðstu viku eydnaðist at vinna vinardyst ímóti Italia 2-0, er áhugin fyri íslendska fótbóltslandsliðnum rættu- liga stórur. Umfram Ísland og Bulgaria eru í bólkinum Svøríki, Kroatia, Ungarn og Malta. Fíggjarliga kundi bólkur- in verið meiri spennandi hjá Íslandi, men ítróttarliga halda íslendingar, at teir eiga at hava ein møguleika, hóast Svøríki og Kroatia mugu roknast at vera favor- ittar at enda á tveimum teimum ovastu plássunum. Frakland selir væl Ferdinand aftur á landsliðið Áhugin fyri lands- dystinum millum Føroyar og Frakland á Tórsvølli er sera stórur. Fleiri enn 5000 atgongumerki eru seld í forsølu, og nú eru bert 800 atgongumerki eftir FÓTBÓLTUR Eyðun Klakstein Tað er rættiliga sannlíkt, at Tórsvøllur verður á tremur við fólki, tá ið fronsku heimsstjørurnar koma á vitjan um eina viku. HM-undandysturin millum Føroyar og Frak- land verður næsta miku- dag, og forsølan av at- gongumerkjum hevur gingið sera væl. Eini 5000 atgongumerki eru farin, og nú eru bert 800 eftir at selja. Tey verða seld í for- høllini í FSF-húsinum í Gundadali mánadagin frá klokkan 3 til klokkan 7. Fótbóltssambandið roknar við, at útselt verður til stórdystin ímóti Fraklandi, sum verður mikudagin 8. september kl. 17.00. -ek Tá ið leikbannið hjá verjuspælaranum Rio Ferdinand er úti í næsta mánaði, verður hann aftur tikin út til enska lands- liðið. Tað sigur enski landsliðsvenjarin Sven Gøran Eriksson. – Ferdinand er millum teir bestu spælararnar í heiminum, og um hann spælir væl eftir leikbann- ið er einki at ivast í, at hann skal spæla á enska landsliðnum eisini, sigur svenski landsliðsvenjarin hjá Onglandi. Manchester United spælarin fekk langt leik- bann, tí hann ikki møtti til eina dopingroynd. -ek Jørgensen skiftir felag Danski landsliðsspælarin Martin Jørgensen hevur skift felag. Hann hevur seinastu sjey árini spælt fyri italska felagið Udi-n- ese, men nú skal hann royna seg í einum øðrum italskum felag – Fior- entina. – Eg havi altíð havt tað gott í Udine, men eg eri komin har til, at eg havi brúk fyri einari nýggjari avbjóðing, sigur 28 ára gamli Martin Jørgensen. -ek Europeisk ítróttarfólk skulu bera ES-flaggið Formaðurin fyri ES-kom- misiónina, Romano Prodi, vónar, at europeisk ítróttarfólk fara at bera ES-flaggið á næstu olympisku leikunum. – Í Bejing í 2008 vóni eg, at europeisku londini fara at bera ES-flaggið afturat teirra egna flaggi fyri at vísa okkara sam- leika, segði Romano Prodi gjár. Hann vísti eisini á, at europeisk ítróttarfólk samanlagt vunnu flest heiðursmerki – eisini meira enn USA og Kina. -ek Claus er í hópinum Nú er tað staðfest, at tað verður 28 ára gamli Claus Bech Jørgensen, sum skal loysa skadda Toda Jóns- son av í føroyska lands- liðshópinum. Sum vit skrivaðu í leygardagsblaðnum, so var hetta tað, sum lands- liðsvenjararnir arbeiddu við, og nú staðfestir FSF, at tað ikki vóru nakrir trupulleikar við at fáa al- tjóða spæliloyvið til hálva føroyingin. Tað roknaðu landsliðsvenjararnir heldur ikki við, men tað var so ikki fyrr enn mána- dagin, at úttøkan endaliga kundi staðfestast. -jm Hondbremsurnar eru uppi Sveisiski hópurin Sveisiski landsliðsvenjarin hevur sjávlandi tikið sær ein hóp út, sum hann fer at seta sítt álit á, nú Sveis enn einaferð skal royna at vinna sæti í einum endaspæli. 19 mans eru úttikinir, og tó at tað ikki eru øll nøvn, sum fáa eina klokku at ringja í fótbóltsminninum hjá vanliga føroyinginum, so eru tó nakrir profilar á liðnum, sum avgjørt hoyra til høgan europeiskan miðalklassa. Eitt nú kunnu nevnast Liverpool-verjuleikarin, Stephane Henchiz, og PSV- miðvallarin, Johann Vogel, sum í drúgt áramál hava prógvað, at teir avgjørt megna at standa seg á allar hægsta stigið, og eisini Hakan Yakin í VfB Stutt- gart hevur til tíðir sýnt sínar avgjørdu dygdir. Og tað sigur nokk heldur ikk so lítið um styrkina hjá hesum leikarum, at bæði Stuttgart og PSV gjørdust meistarar í vár, og saman við Liver- pool skulu hesi feløgini so leika í europeisku meistara- kappingini. Í Sveis hava tey helst vónir um eina endurtøku av 5-1 sigrinum, sum tey vunnu á Føroyum í 2000 Teir 19, sum eru úttiknir til hópin, eru annars hesir: Málverjar Sébastian Roth Servett FC Pascal Zuberbühler FC Basel Útileikarar Stéphane Grichting AJ Auxerre Bernt Haas West Bromwich Albion Stéphane Henchoz Liverpool Magnin Ludovic SV Werder Bremen Patrick Müller RCD Mallorca Cristoph Spycher Grasshopper-Club Murat Yakin FC Basel Tranquillo Barnetta Hannover 96 Ricardo Cabanas Grasshopper Club Daniel Cygax FC Zürich Benjamin Huggel FC Basel Johann LonfatFC Souchaux Montbéliard Alexandre Rey Neuchatel Xamax FC Johann Vogel PSV Eindhoven Johan Vonlanthen PSV Eindhoven Raphaël Wicky Hamburger SV Hakan Yakin VfB Stuttgart 21 Fyri tveimum mánað- um síðani sigur KÍ venjarin seg hava boðað leiðsluni í fel- agnum frá, at hann er sinnaður at halda fram í Klaksvík undir somu fíggjarligu treytum sum higartil, men hann sigur seg hava sett ynski fram á øðrum økjum, sum hann vil hava felagið at viðgera KÍ VENJARIN Jóannes Hansen Tað tykist vera eitt sindur óvist, hvussu tað fer at vera við venjarum næsta ár. Í vikuskiftinum boðaði HB frá, at teir hava gjørt avtalu við Heine Fernandez um, at hann eisini næsta ár skal venja meistaraliðið. Higar- til hevur einki verið at frætt um, hvussu tað verður í hinum feløgunum. Men tað skilst, at tað verður arbeitt av lívsins kreftum fyri at fáa viðurskiftini upp á pláss fyri komandi kappingarár. Eitt nú sigt GÍ venjarin, Krzystof Popczynski at hava verið í sambandi við í minsta lagi trý feløg. GÍ er eitt av hesum feløgunum. Ove Flindt Bjerg hevur einki ímóti at halda fram sum venjari í Klaksvík. Tað hevur hann boðað KÍ leiðsluni frá í juni mánað. Og danski klaksvíkingurin ætlar sær ikki at fáa meiri í lønarposan næsta ár, enn hann fær í hesum árinum. – Okkum dámar væl í Klaksvík, og eg kenni tað vera meining í arbeiðnum, sum vit gera. Mær dámar væl felagið, og eg haldi, at tað í KÍ verður gjørt eitt gott arbeiði. Tá ið vit komu til Klaksvíkar, segði eg, at tað vóru ikki pengarnir, sum drógu meg henda veg- in, og eg ætli mær fram- vegis ikki at verða ríkur av at vera venjari í Klaksvík. Eg vil halda fram undir somu lønartreytum, sum eg havi havt í ár, sigur Ove Flindt Bjerg. Vil tað so siga, at tú eisini næsta ár verður KÍ venjari? – Tað er ikki avgreitt enn. Undan summarsteðginum spældi eg út yvirfyri leiðsl- uni, hvat eg kundi ímynda mær fyri komandi kapping- arár. Enn eru vit ikki lidnir at tosa um hetta, so nú fáa vit at síggja. Hvat er tað, sum tú hugsar um? – Tað hevur eitt nú við spælararnar at gera. Vit hava nóg nógvar kvalifiser- aðar spælarar, tá ið eingin er burturfrá, men vit mugu eisini ásanna, at tað hevur ikki verið nóg dygg kapp- ing um plássini í ár. Fyri komandi ár er tað fyrst og fremst týdningarmikið, at vit varðveita fólkið, sum vit hava havt at arbeiða við. Vit hava einar sjey ungar spæl- arar, sum tey næstu árini kunnu gerast 1. liðsspæl- arar, um tað verður borið rætt at, men tað sigur seg sjálvt, at teir gerast ikki stuðulsspælarar her og nú. Tí hevði tað verið gott at fingið onkran stuðulsspæl- ara afturat. Onkrar ábendingar hava verið um, at tað ikki hevur verið so heppið við kapping um plássini á KÍ liðnum? – Samstundis, sum vit arbeiða við at gera fót- bóltsliga partin betri, og tað haldi eg avgjørt, at hann er vorðin, so er tað týdningar- mikið, at tað í einum felag sum KÍ er fatan millum fólkið fyri, at tað kann koma seg soleiðis, at onkur, sum hevur verið fastur á liðnum, eitt skifti verður eykaspælari, uttan at tað skal hava so ógvusligar av- leiðingar, at spælarar tosa um at skifta felag. Tað ber ikki til. Hevur tú kent stórt trýst á tær, nú tað leingi ikki gekk serliga væl? – Sum ítróttarmaður havi eg so nógvar og drúgvar royndir, at tað hevur ikki bilað. Tú skalt minnast til, at eg havi spælt í týsku bundesliguni, har trýstið var støðugt og stórt á okk- um. Nú tá ið úrslitini í fleiri umførum ikki vóru so góð, varð nógv tosað í og kring felagið. Eg veit væl, og tað er ein styrki fyri felagið, at áhugin í býnum er rættuliga stórur fyri KÍ, men eg má siga, at eg sum menniskja havi verið skulu vit siga ørkymlaður og ikki sørt vónbrotin av summum av tí, sum hevur verið tosað. KÍ viðhaldsfólkini mugu ikki gloyma, at tað serliga í torførum tíðum er týdning- armikið at stuðla og bera. Um tú verður venjari næsta ár, verður KÍ so við í kappingini um meistaraskapin? – Nú mugu vit fyrst fáa hetta kappingarárið frá hondini og vóna, at góða gongdin síðstu vikurnar fer at halda fram í fýra teimum síðstu umførunum. So kann tað væl fara at vísa seg, at vit fara at røkka upp um miðjuna í endastøðuni. Sum eg so ofta havi sagt, so er KÍ í góðari menning. Tað sást eisini á úrslitunum í yngru deildunum, sum so at siga allar hava fingið góð úrslit í ár. Tað gongur rætta vegin, og um vit varðveita fólkið, sum vit hava, og møguliga fáa onkran aftur- at, samstundis sum ungu menninir mennast, so rokni eg við, at KÍ í framtíðini fer at kappast har, sum tað er hugaligt at vera við, sigur Ove Flindt Bjerg. Nr. 165 • mikudagur • 1. septemer 2004 • 78. árgangur • www.sosialurin.fo Ove sinnaður at halda fram – Okkum dámar væl í Klaksvík, og eg kenni tað vera meining í arbeiðnum, sum vit gera, sigur Ove Flindt Bjerg, sum fegin heldur fram í venjarastarvinum í Klaksvík C M Y K 20