mánadagur 25. apríl 2016síða 30

Mánadagur 25. apríl 2016 · Nr. 47 30 Sosialurin Hugskot og viðmerkingar – send sms til 225000 Til lukku við at bjarga brotssparkinum í evstu løtu móti TB, men hví endaði toppskjúttin í málinum? Símun Rógvi Hansen fekk reytt kort og vit hava brúkt allar útskiftingarnar. Eg hugsaði beinavegin, at eg skuldi í mál, men visti ikki um tað var tað rætta at gera, um vit komu til umdyst. So segði bonkurin, at eg skuldi fara í mál. Tú tveitti teg til tína høgru síðu og bjargaði – var tað av tilvild? Tað er ikki av tilvild, tí eg dugi ikki at kasta meg til vinstri. Tí kundi eg vilja millum at standa, ella tveita meg til høgru. Valdi tað seinna og bjargaði. Hevur tú staðið á mál fyrr? Eg havi onkuntíð verið í mál fyrr í yngru deildunum, so eg havi staðið onkran dyst í ungdómsdeildini, men ikki í vaksnmannafótbólti. Stendur tú í mál komandi dyst? Nei, tað haldi eg ikki er eitt gott hugskot. Vit hava fleiri góðar málmenn og Karstin Hansen stendur nokk í mál. Skjóta mál og standa í mál – onkur heldur at nú manglar bara at ganga á vatninum. Dugur tú alt? Nei, men eg veit ikki hvat eg ikki dugi. Men um tú ikki roynir, so kemur tú ongantíð at vita hvat tú dugur og ikki. Fyrimyndin sum málverji er nokk Peter Schmeichel. Vikan ið fór VÍF vinnur FM í hondbólti annað árið á rað. Lunnar verða lagdir undir samlaða sigurin við knúsandi 31-20 sigri í høllini í Vestmanna. Neistin vann FM heitið í hondbólti hjá kvinnum fyri 41. ferð. Eins og í fjør vinnur Neistin. Tær vinna í finaluni á Kyndli. Venjarin hjá Vendsyssel, Ove Christensen, leggur frá seg, eftir at føroyingaliðið ikki hevur vunnið eftir vertasteðgin. Sølvi Reinert Hansen leggur sum tann triðji av fimm nevndarlimum í ÍSF frá sær. Nevndin er nú ikki viðtøkufør, eftir at Petur Elias Petersen og Kartin Abrahamsen eisini hevur lagt frá sær. Tóki Hartmann Niclasen verður valdur til nýggjan formann í Róðrarsambandi Føroya. Formaðurin seinastu tíggju árini, Jan Herman Hansen, stillaði ikki uppaftur. ...við ítróttinum 5 SKJÓTIR Í 2004 bleiv kendi súkklarin Marco Pantani funning deyður í einum kamari á einum gistingarhúsi. Einsamallur bleiv hann funnin deyður av yvirdosis av kokain. Hetta er søgan um hvussu ein nógv virdur og elskaður súkklari, sum í 1998 vann Tour de France, kundi enda sínar dagar einsamallur í einum kamari í einum gistingarhúsi. Marco Pantani er kendur sum knáur fjallaglintrari á súkkluni. Klæntrasligur og lágur av vøkstri fór hann mangan undan kappingarneyta í mótbrekkuni. Hugurin til at súkkla var altíð til staðar, men ikki altíð sum yrkissúkklari. Álvarsligir skaðar gjørdu eisini mótburðin hjá berskølta italiumanninum størri, men reistist og vann Tour de France og Giro’ina í 1998. Í dokumentarinum sleppa vit tætt at lívinum hjá Marco Pantani. Dokumentarurin, sum er á Netflix, er væl settur saman og tú keðir teg sjáldan. Stuttligt og gevandi við myndum, tá Marco Pantani sum unglingi vinnur súkklukappingar, og myndir frá stóru hendingnum í Tour’inum og Giro’ini. HYGG UM: Tú hevur áhuga fyri súkkling, minnist Marco Pantani ella er hugtikin av lívsgongdini hjá honum IKKI HYGGJA UM: Tú væntar ein dokumentar sum taktik og annað í súkklingin hjá Marco Pantani HVUSSU ER AT HYGGJA: Dokumentarurin er væl gjørdur og ikki langdrigin HVAT SIGUR TÚ? Avgjørt verdur at hyggja eftir, um tú hevur bara tann minsta áhugan fyri súkkling og Marco Pantani trondur@sosialurin.fo Ummæli av ítróttar bókum, sendingum, dokumentarum og øðrum ítróttarligum hendingum… ★★★★★★ Leicester City viðhaldsfólk, eftir at Leicester vann 3-0 á Swansea uttan Jamie Vardy Leicester City viðhaldsfólk, eftir at Leicester vann 3-0 á Swansea uttan Jamie Vardy Hvør hevur brúk fyri Jamie Vardy? Vit hava í dag prógvað, at Leicester ikki er eitt »one man team« Fimm skjótir spurningar til føroysk ítróttarfólk... Navn: Klæmint A. Olsen Aldur: 25 Ítróttur: Fótbóltur (NSÍ) Royn tína vitan um ítróttin her og nú! Svarini standa niðast til vinstru, men royn teg nú fyrst 1 Nær vann Bjarne Riis Tour de France? 2 Hvussu æt liðið, sum Bjarne Riis súkklaði við, tá ið hann vann Tour de France? 3 Tríggjar Grand Tours eru í súkkling. Tour de France, Giro d'Italia og? 4 Hvussu eitur belgiski súkklarin, ið hevur vunnið flestar Grand Tours? 5 Bara ein núverandi súkklari hevur vunnið meira enn fimm Grand Tours. Hvør? 6 Hann hevur vunnið tveir Tour de France-teinar og er nú viðmerkjari á danska TV2. Rolf, hvat meir? 7 Chris Froome súkklar fyri Stórabretland, men í hvørjum landi er hann føddur og uppvaksin? 8 Hvør er súkklarin á myndini? ? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Quizzin, svar: 1. 1996, 2. Team Telekom, 3. Vuelta a España, 4. Eddy Merckx (11), 5. Alberto Contador 6. Sørensen, 7. Kenya, 8. Vincenzo Nibali Dokumentarurin: Pantani: Tilvildarligi deyðin hjá einum súkklara ÍTRÓTTAR UMMÆLI