hósdagur 19. mai 2016síða 15

FRÍGGJADAGUR 20. MAI 2016 SOSIALURIN 57 15 OKKARA FRAMTÍÐ HONGUR EISINI SAMAN VIÐ JAVNSTØÐU Føroyska landsstýriskvinnan hevur luttikið á Women Deliver-ráðstevnuni í Keypmannavn ÁRNI GREGERSEN F øroyar eru komnar langt á javnstøðuøkinum, ber vit okkum saman við til­ afturs­komnu londini, men grundleggjandi hava vit enn spurn­ingar at loysa, sum eru av prinsipielt sama slag, sum hini londini. Eyðgunn Samuelsen, lands­ stýris­kvinna, er júst afturkomin av stóru kvinnuráðstevnuni í Keyp­ mannahavn. – Skal eg hyggja at, hvat vit kunnu brúka av hesum, so er tað fyrst og fremst til spurningin um búskapar­ligt haldføri, sigur lands­ stýriskvinnan. – Skulu vit hava ungfólk og ser­ liga kvinnur at flyta heimaftur, so mugu vit geva teimum somu møgu­ leikar her, sum tey fáa aðrastaðni. – Eg hugsi serliga um barsil. Vit hava ikki enn eitt ára barsil og vit hava ikki fingið gjørt tað so, at pápar eisini kunnu fara í barsil eins leingi og mammurnar. Hesum eiga vit at taka okkum av og fáa tað gjørt, so tað líkist viðurskiftunum í okkara grannalondum. Landsstýriskvinnan við al­ manna­málum sigur, at sam­gongan hev­ur sett sær fyri, at barsils­far­ loyvið skal vera eitt ár. Hesum verður arbeitt við. Búskapurin Hendan samgongan hevur sett sær fyri at tryggja langtíðar haldføri í før­oyska búskapinum. Ein bólkur situr og arbeiðir við nýggjari penssjónsskipan, men Eyðgunn Samuelsen heldur, at tað eisini hevur alstóran týdning, at vit fáa ung fólk at flyta aftur til Føroyar eftir loknar útbúgvingar. – Og her haldi eg, at vit fram­ vegis eru nakað afturút. Sjálvt um vit hava javnstøðu, so vísa tøl, at hetta ikki er galdandi á øllum økjum. Menn hava hægri størv og betri løn enn kvinnur og enn er tað so, at kvinnur ikki arbeiða fulla tíð á arbeiðsmarknaðinum. – Vit mugu tryggja veruliga javn­støðu, tí halda vit fram á hend­ an hátt, so binda vit kvinnur niður – eisini tá ið tær koma til pensjóns­ aldur. Arbeiða tær ikki fulla tíð, so fáa tær neyvan heldur fulla pen­ sjón, sigur Eyðgunn Samuelsen. Loysir seg fíggjarliga Landsstýriskvinnan vísir á høvuðs­ yvirskriftina fyri ráð­stevnuni í Keypmannahavn um at tað loysir seg at gera íløgur í kvinnur. Øll tøl frá altjóða stovnum og ST-felagsskapum vísa, at sleppa kvinnur at útbúgva seg og ganga í skúla, so loysir hetta samstundis mangar av sosialu trupulleikunum. – Fíggjarliga loysir tað seg at gera íløgur í kvinnur og tað eiga vit eisini at hava fyri eyga. Okk­um mangla 2000 kvinnur í Føroy­um og tær koma neyvan heim­aftur uttan­so, at vit hava veru­liga javn­ støðu og javnbjóðis møgu­leik­ar fyri kvinnur og menn, sigur hon. Eyðgunn Samuelsen vendir aftur til hetta við, at pápar hava eins langa barsilstíð, sum mammur hava. Tað gangar øllum og sjálvandi fyrst og fremst familjuni. – Men eisini hetta er ein íløga, sum loysir seg, sigur hon. Ein tann størsti trupulleikin hjá Føroyum er haldføri í búskapinum. Hetta hongur í stóran mun saman við, at aldurssamansetingin í sam­ felag­num broytist so nógv. Fleiri verða eldri og færri eru á arbeiðsmarknaðinum. Tí er av­ bjóð­ingin hjá politiska myndug­ leik­anum at fáa ungfólk at flyta heim­aftur, so aldursamansetingin rættar seg eitt sindur uppaftur. – Og fyri at hetta skal eydnast, so er neyðugt við javnstøðu á øll­um økjum. Annars fara vit fram­hald­ andi at mangla nógvar kvinnur og so hava vit sama trupulleika uppá langt sikt, sigur Eyðgunn Samuelsen, landsstýriskvinna. – Hetta er eitt politiskt mál, sum skal loysast, men tað krevur so sann­iliga eisini, at vit hava ein fleksiblan arbeiðsmarkna, leggur hon afturat. ARNIG@SOSIALURIN.FO Fyri at hetta skal eydnast, so er neyðugt við javnstøðu á øllum økjum. Annars fara vit fram­haldandi at mangla nógvar kvinnur og so hava vit sama trupul­leika uppá langt sikt« Eyðgunn Samuelsen Eyðgunn Samuelsen, landsstýriskvinna – Vit framvegis eru nakað afturút. Sjálvt um vit hava javnstøðu, so vísa tøl, at hetta ikki er galdandi á øllum økjum, sigur Eyðgunn Samuelsen MYND: ÁLVUR HARALDSEN