hósdagur 2. september 2004síða 11

Nr. 166 - 2. september 2004 21 Teir skjóta framvegis mál í Íslandi, har Hans Fróði Hansen, sum ikki hevur verið úttikin fleiri ferðir, týskvøldið aftur var á Fram liðnum ÍSLAND Jóannes Hansen Í gjár varð sagt, at teir mest sum eru givnir at skjóta mál í Íslandi. Tað varð sipað til, at tríggir dystir skuldu havt verið spældir í Íslandi mánakvøldið, og at bara eitt mál varð skorað í øllum trimum dystunum. Tað var satt, at KA av Akureyri mánakvøldið vann 1-0 í Reykjavík ímóti Fylkir. Men tað var við síðuna av, tá ið tað varð sagt, at talan var um málleysar uppgerðir mill- um Grindavík og oddaliðið FH og ÍA og Keflavík. Hes- ir báðir dystirnir vórðu ikki spældir fyrrenn týskvøldið, tá ið triði dysturin var tann millum Fram og KR. At dystirnir vóru útsettir komst av, at veðrið í Íslandi var stak vánaligt mána- kvøldið. Julian Johnsson og lið- felagarnir í ÍA vunnu 2-1 á heimavølli ímóti Keflavík, og FH legði seg orduliga aftur í toppin. Teir vunnu við ikki minni enn 4-0 í Grindavík, har heimaliðið longu miðskeiðis í fyrra umfarinum misti ein mann. Í FH tykjast teir hava skotið papageykin, tá ið teir keyptu útlendskan álops- spælara. Danin Allan Borg- vardt skoraði trý tey fyrstu málini fyri FH, og brots- sparkið, sum bar fjórða málið við sær, var gjørt ímóti honum. Ein annar danskur spælari, Tommy Nielsen, umsetti úr ellivu metrum. Við sigrinum er FH undan tveimum teimum síðstu umførunum trý stig frammanfyri ÍBV og oddalið. Nógv bendir tískil á, at tað skal fara at eydnast FH at vinna meistaraskapin fyri fyrstu ferð. ÍA er á fjórða plássinum. Undan steðginum týs- kvøldið sá einki út. Kefla- vík legði seg framum við brotssparki. Eftir steðgin svaraði ÍA tvær ferðir aftur. Tá ið ein tími var farin, javnaðu teir, og tá ið tað restaðu seks minuttir skor- aðu teir sigursmálið. Fram uppum Mest sum alt kappingarárið hevur Fram stríðst fyri at sleppa undan niðurflyting. Eftir nógv tey flestu umfør- ini hevur felagið hjá Fróða Benjaminsen og Hans Fróða Hansen verið niðan- fyri strikuna. Eftir sekst- anda umfarið er Fram omanfyri strikuna. Teir hava seytjan stig, og niðan- fyri teir eru Víkingur og KA, sum bæði hava fimtan stig. Týskvøldið vann Fram grannauppgerðina ímóti meistarunum tvey tey sein- astu árini, KR, 1-0. Málið, sum teir fingu í 2. hálvleiki, skoraði Viðar Guðjónsson. Fróði Benjaminsen var leikbannaður. Hans Fróði Hansen hevur síðani venj- araskiftið fyrr í summar havt ilt við at vinna sær pláss á liðnum. Tað man hava verið við til at kosta honum landsliðsplássið. Týskvøldið var Hans Fróði allar 90 minuttirnar í Fram miðverjuni. Sambært ísl- endskum fjølmiðlum stóð hann seg væl. Rættiligt rok sást á øllum borðum í altjóða talvkappingini í Klaksvík í gjár. Teir tríggir føroysku luttakararnir møttu allir útlendskari mótstøðu og skjótt var greitt, at menn ætlaðu sær at stríðast fyri sigrinum TALV Tíðindaskriv Føroyameistarin Martin Poulsen lá best fyri undan fimta umfarinum og var avbjóðingin í dag íslendski altjóða meistarin Sævar Bjarnason. Martin kom aftur væl frá byrjanini og fekk fyrimun við hvíta fólkinum. Ìslendarin stóð kroystur leingi, men vardi seg væl og fekk eisini sett onkra fellu fyri føroya- meistaranum. Martin bleiv lumpaður í miðspælinum og misti ein rók fyri ein bisp. Sævar slapp sær nú í endatalv við eini finnu meir og eydnað- ist tað honum at vinna talv- ið. Martin skal í seinnu hálvu skora 4 stig út av fimm talvum til tess at røkka IM norminum. Ólavur sló til Ólavur møtti í dag odda- fiskinum Emil Hermansson við hvítum. Talvið gjørdist sera spennandi og væl leikt, við Ólavi í álopi og svian- um í verjuni. Ólavur kom í rúkandi tíðarneyð, men megnaði hóast tað at halda støðinum uppi, og brádliga var hann sloppin út í eitt gott endatalv. Men Her- mansson leikti væl og hevði møguleikan at avgera talvið í tíðneyðuni. Tá hann ikki fann rætta leikin, sló Ólavur til og koppaði fav- orittinum í einum sera undirhaldandi talvi. Ólavur skal hava 3,5 stig í seinnu hálvu til IM normin. Heini Olsen kom sær í rættiligt ódnarveður móti danska altjóða meistar-an- um Jens Ove Fries Nielsen. Við smáum óneyvum leik- um í byrjanini, kom Heini at standa nakað verri við hvítum. Danin vaks við uppgávuni og fór í eitt eir- indaleyst álop móti hvítu støðuni. Heini svaraði væl aftur, men tíðin var knøpp og at enda fall støðan sam- an og Heini gavst. Flott telvað av dananum og Heini skal nú hava heili 4,5 stig í seinnu hálvu fyri at skora sín næsta IM norm. Ein sera torfør uppgáva. Støðan er nú tann at Ólavur Simonsen og Jens Ove Fries Nielsen hava 3 stig. Emil Hermasson og Martin Poulsen hava 2,5 stig. Heini Olsen og Sævar Bjarnason hava 2 stig. Landsliðsvenjar- arnir hava tikið átjan mans út til komandi EM- undankapping, sum verður í Føroyum í oktober mánað FÓTBÓLTUR Stefan í Skorini Føroyska U-19 landslið- ið skal á heimavølli taka ímóti trimum londum, ið skulu dystast um at koma víðari til EM-endaspælið komandi summar. Mót- støðuliðini vera Grikka- land, Ungarn og Wales. – Grikkaland plagar at hava rættiliga sterk ung- dómslandslið, og tí eru teir helst favorittar í hes- um bólkinum, sigur Pæt- ur Clementsen, hjálpar- venjari á U-19 landsliðn- um. Hinvegin vita vit ikki so nógv um Ungarn frammanundan kapping- ini. Wales plagar minna nógv um England í spælistíli. Tríggjar venjingarlegur – Vit fara savna hópin á venjingarlegum trý tey komandi vikuskiftini, og tá fara vit at hava at kalla allan hópin savnaðan. Tað hevur verið sera tor- ført at savna allar leikar- arnar samstundis, av tí at teir spæla í rættiliga ymiskum deildum í Før- oyum, sigur hjálparvenj- arin. Higartil hava venjar- arnir ongantíð havt allan hópin savnaðan samstun- dis av hesi somu orsøk, men nú er tann endaligi hópurin úttikin. Tríggir av leikarunum spæla í Frem í Danmark, og tveir teirra koma heim til venjingarlegurnar. Hesir leikarar manna U-19 landsliðið: Svenn Jacobsen, Poul T. Dam, Páll Mohr Joensen, John Eivind Restorff Mourit- sen og Emil Nolsøe Leivsson úr HB. Tórður Thomsen úr NSÍ. Fritleif í Lambanum úr ÍF. Jóhan Petur Poulsen og Ovi Magnussen úr B68. Arn- bjørn Theodor Hansen úr EB/Streymi. Poul N. Poulsen úr VB. Julian Samuelsen úr KÍ. Jónas Tór Næs, Gunnar Niels- en og Bogi Hermansen úr Frem. Tveir føroyskir sigrar U-19 brynjar seg til EM 3rd Klaksvík International: Ólavur lagt seg á odda Hans Fróði Hansen tykist at hava endurvunnið plássið í verjuni hjá Fram í Íslandi Ólavur Simonsen hevur lagt seg á odda í talvkappingini 3rd Klaksvík International Savnsmynd 21 Nr. 166 • hósdagur • 2. september 2004 • 78. árgangur • www.sosialurin.fo Tey halda ondini í Vági Gurið Mortensen fer ikki at spæla við besta kvinnuliðnum hjá VB komandi kappingar, og ivasamt er við teimum trimum litavisku leikarunum HONDBÓLTUR Stefan í Skorini VB hevur verið við til at mynda oddin í kvinnu- hondbólti seinastu árini. Síðsta kappingarár fekk VB silvur í lands- og steypa- kappingini, og í 2003 struku VB-kvinnurnar av- stað við øllum og vunnu greipuna. Men tað er rættiliga iva- samt, hvussu sterkt VB- liðið verður í ár. Longu nú er greitt, at Gurið Morten- sen ikki verður at síggja í VB-búnanum. Hon er farin til Danmarkar, har hon lesur til fysioterapeut í Næstved. Hetta er ein stórur missur, tí at Guðrið Mortensen hevur verið ein av stuðulsspælarunum hjá VB farnu árini, og í fjør gjørdist hon nummar tvey í atkvøðugreiðsluni um at gerast ársins leikari. Útlendingar í óvissu Enn er óvist, hvussu verður við teimum trimum lita- visku leikarunum, sum vóru í Vági seinasta kapp- ingarár. – Tær hava latið sínar umsóknir og øll neyðug pappír inn á donsku am- bassaduna í Litava, og nú bíða vit eftir svari frá myndugleikunum, sigur Bogi Mortensen, formaður í hondbóltsdeildini hjá VB. Nú bíða tey í Vági spent eftir, um Innlendismála- ráðið fer at viðmæla ar- beiðsloyvum til hesar tríggjar leikararnar, og hvørja niðurstøðu danska útlendingastýrið fer at koma fram til. Eingin ivi er um, at útlendsku leikararnir hava átt sera stóran lut í teimum góðu úrslitunum hjá VB undanfarnu árini, og tað er ein dyggur smeitur fyri kvinnuhondbóltin í Vági, um tær ikki fáa arbeiðs- loyvi á hesum sinni. Hava skund Hondbóltskappingin fer av bakkastokki tann 10. oktober, og tí er VB farið at ótolnast eftir endaligum svari frá myndugleikunum. – Tær kvinnurnar, sum eru í Vági, eru so smátt farnar at venja til komandi kappingarár, og teir lita- visku leikararnir venja í heimlandinum. Men vit skulu helst hava liðið savn- að til venjing nakað skjótt, um liðið skal bara vera samanspælt til kappingar- byrjan, sigur Bogi Morten- sen. – Vit vóna sjálvandi, at myndugleikarnir geva teimum arbeiðsloyvi, so at vit framhaldandi kunnu hava hondbólt á høgum støði her í Vági, leggur Bogi Mortensen afturat. Útlendingar hækka støðið VB fær mannað eitt kvinnulið til bestu deildina uttan styrk úr útlandinum, men tað verður ikki á sama støði sum í fjør. – Tær útlendsku kvinnur- nar hækka støðið í hond- bóltinum, og tær draga hinar við sær, soleiðis at teir føroysku leikararnir mennast munandi, sigur Bogi Mortensen, og sipar til tey góðu úrslitini kvinnulandsliðið fekk í Challenge Cup í Italia. Tær tríggjar litavisku kvinnurnar, sum eita Aukse Vysniaskaite, Daiva Tuo- maite og Asta hava arbeitt í fiskivinnuni teir seks mán- aðirnar, tær hava steðgað í Føroyum seinastu tvey árini. Bogi Mortensen ber ikki ótta fyri, at tær taka arbeiði frá øðrum vágbingum, sum forkvinnan í Føroya Ar- beiðarafelag hevur ført fram, nú málið um út- lendska arbeiðsmegi hevur verið frammi í fjøl- miðlunum. – Talan er um tríggjar kvinnur, sum arbeiða her í Vági í seks mánaðir, og tað elvir ikki til tað stóra arbeiðsloysi, sigur Bogi Mortensen, og hann vísir eisini á, hvussu stóran týdning kvinnuliðið hjá VB hevur fyri felagslívið í Vági. Annaðhvørt viku- skiftið er ítróttarhøllin stúgvandi full av fólki, sum fylgja við kvinnuliðnum við stórum áhuga. Silberbauer fingið bót Danska heimasíðan onside.dk veit at siga, at Micheal Silberbauer nú hev- ur fingið bót fyri rúsdrekkakoyring í Føroyum RÚSDREKKA- KOYRING Stefan í Skorini Tað var undir venjingar- leguni hjá FC København í Føroyum, at Micheal Silberbauer varð steðgað- ur av løgregluni náttina eftir dystin ímóti HB. Sosialurin skrivaði fyrst um málið í blaðnum tann 13. juli. Fyrsta royndin vísti, at hann hevði ov nógv alko- hol í blóðinum, og tí varð blóðroynd tikin av mann- inum. Heimasíðan Onside sigur seg vita, at pro- millan hjá Silberbauer var 0,52, og hetta er eitt vet ov nógv sambært ferðslu- lógini. Í Føroyum gevur pro- millukoyring millum 0,5 og 0,8 eina bót á 4.000 krónur og eina treytaða frádøming av koyrikortin- um. Men tann treytaða frádømingin er bert galdandi í Føroyum, og tí skal Silberbauer ikki upp til nýggja koyriroynd í Danmark. Bótin stendur tó við. Í Danmark er lógin øðrvísi, og har gevur pro- millukoyring ímillum 0,5 og 0,8 ikki treytaða frá- døming í fyrsta umfari, men ikki fyrr enn við- komandi er tikin fjórðu ferð við hesi promillu verður talan um treytaða frádøming. Silberbauer iðrar seg – Tað var sera býtt av mær, men eg helt meg var føran fyri at koyra bil. Nú havi eg fingið eina bót, og so er hatta málið úti av verðini fyri mítt viðkom- andi. Eg haldi, at hetta málið hevur verið sligið ov stórt upp, samanborið við tað, sum tað veruliga var, sigur Silberbauer við onside.dk. Silberbauer sjálvur heldur ikki, at hetta málið hevur so nógv uppá seg. – Hatta var ikki øll verðin, sigur hann um alko- holnýtsluna, sum var tann dagin, hann hevði føð- ingardag. Linda Hesselberg, ákæri hjá fútanum, vil ikki gera nakrar viðmerk- ingar til málið og vísir á, at hetta er eitt persónsmál, har tey ikki lata fjølmiðl- um upplýsingar. Ítróttar- stjórin í FCK, Niels Christian Holmstrøm, vil heldur ikki gera nakrar viðmerkingar til málið. Tað var Sosialurin, sum í blaðnum tann 13. juli í ár av- dúkaði málið um rúsdrekkakoyringina hjá Micheal Sil- berbauer í Havn eftir dystin ímóti HB, og nú hevur hann eisini fingið eina bót á 4.000 krónur Mynd: Álvur Haraldsen Guðrið Mortensen verður ikki at síggja á VB-liðnum komandi kappingarár. Hinvegin er tað ivasamt, hvussu verður við teimum trimum litavisku leikarunum hjá VB Savnsmynd C M Y K 20