mánadagur 23. mai 2016síða 14

Mánadagur 23. mai 2016 · Nr. 58 14 Sosialurin Hugskot og viðmerkingar – send sms til 225000 Hallur av Rana Men lati okkum spola tíðina tveir tímar aftur, tá fundurin skuldi setast. Stongdar dyr – Tú kanst ikki koma inn, tí tað skal atkvøðast um fjøl­ miðlar­nir sleppa á fundin. Tað vóru boðini, ið møtti fjølmiðlunum, tá tey komu niðan á Panorama. Eftir at hava spurt seg fyri millum fjøl­miðlafólk og fundarfólk, kundi skjótt staðfestast, at her var talan um eina heldur óvan­liga avgerð. Eingin mint­ ist til, at tað áður hevur verið atkvøtt um at loyva fjøl­miðl­ unum inn á aðal­fundin. Dyrnar vórðu latnar upp, tá tíggju sersambond at­kvøddu fyri, at loyva fjøl­ miðl­unum innar, men hetta var bara fyrsta teknið um, at talan ikki var um ein van­lig­ an aðalfund. Meira politikkur enn ítróttur Orðaskiftið á fundinum vísti skjótt, at tað vóru tveir mót­polar. Á eini síðuni trý sersambond, ið nýttu hvørt høvi at taka orðið, og vísa sína ónøgd, og hini trettan ser­sam­bond, sum í stóran mun lótu tøgnina valda. Sum eitt fundar­fólk tók til. – Tað er óneyðugt at taka orðið, tá man veit at man vinnur. Hesa løtuna var kanska mest atfinningasama røddin mót­vegis fyrrverandi for­ mann­inum, Petur Elias Petersen, og sitandi nevnd, um­boðið hjá Svimji­sam­band­ inum, Jon Hestoy, ið líknaði FSF við eitt søkkjandi skip har manningin og skiparin eru rýmd. Ein samanbering, ið varð hildin á lofti fleiri ferð­ir gjøgnum kvøldið. Heldur ikki tá at­kvøð­ast skuldi um broytingar­upp­ skot, ið øll vóru frá minni­ lut­anum, var nakað serligt goodwill at hóma frá meiri­ lut­anum. Óvæntaður steðgur Tveir tímar vóru nú farnir, og fundarfólkini høvdu fing­ ið tvingað fundarstjóran til at geva teimum ein steðg. Higartil var eingin semja í eygsjón, og partarnir vóru longri frá hvørjum ørðum enn nakrantíð áður, men nú kom røringur í. Ein fyri og ann­að eftir, vórðu tey sekst­ an, ið høvdu atkvøðu­rætt á fund­inum, tikin til síðis og niður­undir, har ein hemm­ iligur fundur varð hildin hand­an læstar dyr. ÍSF – Tað er í ordan. Tit fáa ein lítla stegð at roykja eina sigarett. Fundar­ stjórin á ÍSF gav seg, hóast hugurin ikki var til tað. Aftaná góðar tveir tímar, har ósemjan millum sersambondini hevði eyðmerkt kvøldið, og ein semja var langt frá eygsjón, hoyrdist ein rødd úr mannamúgvuni, ið ynskti ein stegð, áðrenn nýggji ÍSF-forsetin skuldi veljast SIGARETTIN BJARGAÐI ÍSF ÍTRÓTTURIN FÆR IKKI NOKK PENGAR Tað var ein semjusøkjandi Elin Heðinsdóttir Joensen, ið Sosialurin hitti eftir aðal­ fundin hjá ÍSF, har hon júst var vorðin vald til nýggjan for­seta í ÍSF. Áðrenn fundin hevði hon í samrøðu við in.fo sagt, at hon ikki helt tað vera eitt gott hugskot at broyta býtis­lykilin, ið rok hevur staðist um síðstu vikurnar. Tann støðan tykist nú at vera slept. – Býtislykilin kann altíð broytast, hann er bara sam­ tyktur í eitt ár. Í nýggju tilgongdini er ætlanin at hoyra hvat sersam­bond­ini hava at siga um fíggjar­leist­ in, og um tað er nakað, ið má broytast, sigur Elin Heðins­ dóttir Joensen, og leggur afturat. – Tað týdningarmesta er at lurta eftir hvat tey ymisku sersambondini hava á hjarta. Kritikkurin hevur jú verið, at tey ikki føla seg hoyrd. Um vit skulu hava eina semju, so er týdn­ingar­ mikið at lurta eftir teimum. Nýggi forsetin metir, at stríðið í veruleikanum botn­ar í, at tað er ov lítið av pen­ingi í føroyskum ítrótti, serliga eftir, at fleiri ítróttar­ greinar eru farnar at luttaka í útlendskum kappingum. Tí er ætlanin at taka sam­ ráðingar upp við MMR um játtanina og um puljuna til altjóða ítrótt, ið varð tikin av fíggjarlóg landsins í ár. – Vit vilja vísa á tørvin á meira pengum, tí nógvir av trupul­leikunum botna í, at tað er ov lítið av pengum í ítróttinum, og eingin vil missa nakað. Tí øll ser­sam­ bond­ini hava brúk fyri meira pengum, sigur Elin Heðinds­dóttir Joensen. hallur@sosialurin.fo LAGNUFUNDURIN MAGNUS TAUSEN »NÚ GEVUR TAÐ MEINING« Formaðurin í flogbóltssambandinum var nøgdur við úrslitið av aðalfundinum, men vísir á, at eitt stórt arbeiði er fyri framman Neli Heldarskarð Í farnu viku fór formaðurin í flogbóltssambandinum, Magnus Tausen, so langt sum at siga, at flog­bólts­ sam­bandið kundi finna upp á at fara úr ÍSF, um viður­skiftini ikki batnaðu. Viður­skiftini tykjast tó at vera batnað við nýggju starvs­nevndini og nýggja for­set­anum. – Eg segði, at um tað ikki gav nakra meining at vera við í felagsskapinum, so fóru vit møguliga úr. Men eftir hendan aðalfundin gevur tað munandi betri mein­ing at vera við í ÍSF, tí at tað sær skilagott út. Eitt stórt arbeiði er fyri framm­ an, og ongin má halda, at tað verður lætt, tí at tað verður tað ikki. Tað verður ein langur vegur at byggja nógv upp aftur, ið við tíðini er brotið niður. Eg haldi tó, at vit hava fingið eina dygdar­góða starvsnevnd, segði Magnus Tausen við Sosialin eftir fundarlok fríggja­kvøldið. Vegna flog­bólts­sam­ band­ið vísir Magnus Tausen á, at ítrótturin í dag krev­ur meira fígging enn nakran­tíð áður. –  Tað, sum vit ynskja er, at vit fáa so góðar um­ støð­ur til at menna okk­um sum til ber. Høvuðs­upp­ gáv­an hjá ÍSF er í grund­ ini sera einføld – hon er at syrgja fyri fígging til ymsu sambondini. Tann fíggjar­ ligi parturin hevur sera nógv at siga, og her hevur ÍSF eina ábyrgd mótvegis myndug­leikunum at skaffa pening. Fíggingin er vaksin nógv seinastu árini, men ítrótturin mennist støðugt, og har er ÍSF noytt at fylgja við, vóru seinastu orðini frá Magnusi Tausen. Nýggja nevndin í ÍSF. Frá vinstru: Jon Hestoy, Schandorff Vang, Elin Heðinsdóttir Joensen og John Kjær. Sigurð Rasmussen manglar á myndini