hósdagur 26. mai 2016síða 17

FRÍGGJADAGUR 27. MAI 2016 SOSIALURIN 60 17 KVINNUR LEGGJA PERMANENT MAKE-UP Menn taka hár... HALLUR AV RANA T á undirritaði eitt kvøldi her­fyri skrivaði laser treat­ment á Google komu fýra uppskot fram til næsta orð. Akni, hártøka, heila­ svullur og strekkmerkir. Flestu duga væl at síggja, at heilasvullur er orðið, ið skilur seg frá hinum, og fram til fyri nøkrum fáum døgum síðani, so er tað orðið, ið undirritaði vildi nevnt, um onkur bað meg nevna viðgerð við lasara. Men tað er ikki uttan orsøk, at hini trý uppskotini komu fram á skíggjan. Vakurleika- og væl­veru­ røkt er nevniliga ein vaks­andi vinna um allan heim, har møgu­ leik­arnir fyri at rætta upp á tað, ið vit menn­iskju ikki dáma við okkum sjálvum, eru alsamt vaksandi. Vaksandi eftirspurningur Ein av fremstu fyritøkunum inn­an slíka røkt í Føroyum er Ergo Væl­ vera, ið heldur til í Havn. Beinta Lassen er stjóri í fyritøkuni, og upp­lýsir hon fyri Vikuskiftis- Sosial­inum, at tað er ein alsamt vaks­andi eftirspurningur eftir teim­um viðgerðum, ið hennara fyri­tøka hevur at bjóða. – Okkara kundar eru fólk frá 13-14 ára aldrinum, ið brúka sín­ ar konfirmatiónspengar upp á at spræna seg brún, 15 til 17 ára gaml­ar gentur, ið fáa hjálp við akni-trupul­ leikum, og allan vegin upp til fólk í níti­árunum, ið ynskja at fáa lagt perma­nent make-up. Hesin áhugin fyri hvussu vit síggja út, hann byrjar í heilt ungum árum, og fylgir okk­um gjøgnum lívið, sigur Beinta Lassen. Meginpartin av kundunum hjá fyritøkuni er tó millum 25 til 75 ára gomul, upplýsir stjórin. Foreldrini taka stigið Tað er ein mangan nevndur vandi, at útlendskir miðlar, vinfólk og onnur kunnu mála ein idealmynd av kroppinum, ið ger at ung ikki eru nøgd við seg sjálvi, men halda at tey noyðast at líkjast tí, ið tey síggja aðrastaðni. Í Ergo Vælvera kemur tað eisini fyri, at tey venda fólk í hurðini. – Sum oftast hjálpa vit fólki. Tað eru veruliga nógv fólk, ið hava ymiskt at dragast við, ið ger at teirra lívsgóðska og sjálvsálit verð­ur verri. Tá hava vit mangan upp­livað, at viðgerðir hjálpa, sigur Beinta Lassen, men leggur afturat. – Men tað eru eisini gentur, ið koma til okkara, har vit eru noydd at siga, at tað er einki galið við teim­ um. Tær síggja gott út. Tað kann vera, at tey hava fingið strekk­ merkir og vilja ikki svimja við klass­anum, men tá vit so hyggja at tí, so hevur tað einki uppá seg. Øll hava jú okkurt. At ung kunnu føla eitt ávíst trýst frá vinum ella útlendskum miðl­um er ikki so óvanligt, men Beinta Lassen upplýsir, at tað av og á eru foreldrini sjálvi, ið koma við børn­unum, tí tey meta, at viðgerð er neyðug. Menn eins væl og kvinnur Tað er lætt at halda, at tað serliga eru kvinnur, ið hava hug til at fara í holt við ymiskar viðgerðir, ið eru ætlaðar at gera tær vakrari og fáa tær at síggja yngri út. Beinta Lassen upplýsir tó, at tað eru eisini nógv mannfólk, ið eru kundar hjá Ergo Vælveru. – Tær viðgerðir, ið eru vanligast millum menn er lasarviðgerð móti óynsktum hárvøkstri. Tað eru nógvir menn, ið ikki eru glaðir fyri, at hár veksur á rygginum ella øksl­unum, sigur Beinta Lassen, men nevnir eisini aðrar viðgerðir, ið menn fáa framdar. – Nógvir halda eisini at teir hava ov stór bróst, og velja tí at fáa tey minka við frysting. So er tað sjálvandi akni, ið eisini menn plágast av. Hjá kvinnum er tað ein onnur viðgerð, ið liggur á ovast á listanum, og er tað ein viðgerð, ið kvinnur í øll­um aldrum keypa. – Nógvar kvinnur koma her og gera sær permanentar eygnabrýr, tí tær ynskja, at tær skulu vera natúr­ligar og penar. Tað er í øllum aldrum, frá 25 til 95 ára gamlar kvinn­ur. Ræðast svimjihylin Tað at fólk leggja nakað í út­sjónd­ ina er ikki nakað, ið Beinta Lassen heldur vera óvanligt. Tað er bara ymiskt hvussu høgt fólk ganga upp í tað, og hvussu nógv tey gera við tað. Hóast onkur kanska ikki er kundi hjá Ergo vælveru, so ganga tey kanska í staðin høgt upp í klæðir ella líknandi, vísir Beinta Lassen á. Hjá teimum leggja tey tó merki til, at tað serliga er um summarið, tá fólk ikki eru eins væl ílatin, at fólk fáa hug at fáa ymiska viðgerð. – Vit eru øll har. Veðrið er gott og vit ætla okkum í svimjihylin ella á strond­ina, og tá er tað kanska onkur ting við okkum, ið vit ikki eru so glað fyri. Tað er slíkt, ið vit við­gera, sigur Beinta Lassen at enda. HALLUR@SOSIALURIN.FO – Vit eru øll har. Veðrið er gott og vit ætla okkum í svimjihylin ella á strondina, og tá er tað kanska onkur ting við okkum, ið vit ikki eru so glað fyri. Tað er slíkt, ið vit viðgera, sigur Beinta Lassen, stjóri í Ergo Vælvera Beinta Lassen, stjóri í Ergo Vælvera MYND: ÁLVUR HARALDSEN