hósdagur 26. mai 2016síða 22

FRÍGGJADAGUR 27. MAI 2016 SOSIALURIN 60 22 FERÐAVINNA FERÐAVINNAN KANN SKAPA STÓRAR TRUPULLEIKAR FYRI NÁTTÚRUNA Meðan starvsfólk í ferðavinnuni frøðast um framgondina, óttast náttúruentusiastar, at ein vaksandi ferðavinna fer at styggja fuglalív burtur og slíta hagan niður BIRGITH LASSEN N áttúran er óivað okkara týdningarmesta vøru­ merki, tá vit skulu selja okkum til út­heim­ in. Men vit skulu ansa eftir við at lokka ov nógv ferðafólk til Føroya, tí okkara náttúra er sera lítil og við­ kvom. Hetta siga náttúru­entus­ iastar og -serfrøðingar. – Vestmannabjørgini eru destru­erað. Her hava ferða­manna­ bátar í ein mansaldur silgt forvitin ferðafólk runt, og avleiðingin er, at fuglarnir eru stygdir burtur, sigur Kári Thomsen, sum er fyrrverandi formaður í Føroya Náttúru- og Umhvørvisfelag. Hann óttast, at sama ræðu­ myndin fer at útspæla seg á øðrum attraktivum økjum. – Til dømis sigla skjótt­gang­ andi bátar ferðafólk út í Sumbiar­ bjørgini. Teir fresa runt tætt undir landi, og við tíðini fer alt fuglalívið at rýma har frá eisini, sigur hann. Vit mangla avmarkingar og skerj­ingar. Ferðafólk skulu ikki ganga frítt í náttúruni, men held­ ur skulu serligar rásir gerast til ferða­fólk. Á tann hátt kann man lættari stýra ávirkanini av ferða­ vinnuni, tí man kann halda eyga við tey støðini, har ferða­fólk­ini ferð­ast. Tað vóru náttúru­entusi­ ast­ar og serfrøðingar samd um, tá út­varpssendingin Grøna Valið um­ røddi vandarnar við ferða­vinn­uni. Stjala fuglaegg, tinnur og steinamos Í sendingini nevndu tey millum ann­að, at tey kenna fleiri dømir um, at ferðafólk hava tikið kilovís av tinnum og steinamos, fuglaegg og onnur serlig náttúrufyribrigdi við sær heim úr Føroyum. Inntil víðari hevur tað ikki sett sjónlig spor, at ferða­fólk ólógligani hava stolið tinnur, steinamos og fuglaegg, men hvørjar kunnu avleiðingarnar vera, um ferðafólkatalið heldur fram at vaksa og fleiri fara at taka ein part av náttúruna við sær heim? – Náttúran hjá okkum verður niður­slitin. Tað fara vit at síggja bæði í haganum, sum fer at vera niður­trýstir og oyðilagdur. Men eis­ini fara vit at mangla fuglalív, svarar Kári Thomsen. Hann sigur, at myndugleikar og politikkarar skulu vakna nú. Ein verulig náttúruverndarlóg skal gerast og onkur skal setast til at um­sita økið. – Tað er ringt at gera nakað í Føroyum í dag, tí eingin er settur at umsita hetta økið, leggur hann afturat. Ferðavinnan tekur hædd fyri náttúruni Hjá Visit Tórshavn er man ikki ósamd­ur í ábreiðslunum. – Vit hugsa nógv um náttúruna, og vit ynskja eisini at koma í ein dialog við náttúruentusiastar, sigur Theresa Kreutzmann, leiðari hjá Visit Tórshavn. Líka sum Kári Thomsen ynskir hon eisini greiðar avmarkingar í náttúr­uni. Hon hevur eitt ítøkiligt hug­skot til, hvussu vit kunnu av­ marka ávirkanina av ferða­vinn­uni. – Um vit gera ræsir, kunnu vit stýra, hvar ferðafólkini ganga. Um vit harafturat taka pengar fyri at ferðafólk ferðast í okkara náttúru, hava vit betri møguleika fyri at seta mark á, hvussu nógv fólk sleppa at ferðast í okkara náttúru, sigur Theresa Kreutzmann. – Íslandi hevur longu ávarað okk­um. Tey siga, at tey eru komin í lort til hálsin, tí tey ikki tóku atlit til náttúruna, tá ferðavinnan byrj­ aði at vaksa, fortelur hon og leggur afturat, at øll í føroysku ferða­ vinnuni eru góð við náttúruna og fram­hald­andi fara at taka avgerðir, sum tryggja, at vit framvegis hava eina reina og órørda náttúru um 10 ár. BIRGITH@SOSIALURIN.FO Dømi upp á vandalismu í Ìslendsku náttúruni. Hetta er gjørt av ferðafólki Ein bólkur av íslendingum var rasandi illur, tá eitt útlendskt listafólk brúkti Geysir sum »listaverk« við at koyra reyða fruktfarvu í. Vit eiga ikki, at blanda okkum so nógv uppí, siga tey Ferðafólk byggja varðar. Ìslendarar mæla nú ferða­ fólkum til at sparka falskar varðar niður, heldur enn at byggja nýggjar, tí tað oyðileggur hagan Mosin í Ìslandi er heilt serligur, og tað halda ferða­ fólk eisini. Tí hava tey pilkað mosan upp og tikið hann við heim. Tíverri tekur tað umleið hundrað ár, áðrenn náttúran hevur gjørt nýggjan mosa Off-road koyring er nú bannað í Ìslandi, eftir at fleiri støð eru oyðiløgd av stórum bildekkum Ìsland hevur ikki nóg nógv tjaldingarpláss, og tí sova ferðafólk á tilvildarligum støðum. Tað merkir eisini, at tey fara á ves í náttúruni og blaka skrell frá sær, tí ongar skrellispannir eru. Kári Thomsen mælir til, at vit gera tjaldingarpláss til ferðafólk í Føroyum MYNDIR: GUIDETOICELAND.COM