mánadagur 30. mai 2016síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 30. mai 2016 · Nr. 61 Trappugildi í Vágsbotni Stúgvandifult av fólki var í Vágs­ botni í Havn leygarmorgunin, tá trappan á Perlugrund varð alment tikin í nýtslu. Tórshavnar kommuna hevur eisini hátíðarhildið, at 150 ár eru lið­ in síðani býurin varð skipaður sum kommuna 26. mai í 1866, og í hesum sambandi bjóðaði kommunan ókeypis morgunmat, áðrenn farið var undir almennu tiltøkini í sam­ bandi við trappuna. Sangur, tónleikur og undirhald settu dám á løtuna. Klovnurin Bubu, Tórshavnar Manskór, Punjab og Ævintýrferðin fingu bæði børn og vaksin at hugna sær løtuna kring trappuna. Heðin Mortensen, borgarstjóri, hevði høvuðsrøðuna og greiddi frá, hví trappan var gjørd og takkaði arbeiðstakarum, arkitektum og øðrum fyri arbeiðið, sum gjørt er. Tað er Føroya Grótvirki í Skopun, sum hevur gjørt grótið til trappuna. Andrias Berg hevur staðið fyri høvuðsarbeiðnum, nú trappan var gjørd. Tróndur Sigurðsson, formaður í byggi og býarskipanarnevndini hjá kommununi, segði, at hetta í veruleikanum er fyrsta stig av miðbýarætlanini, sum nú er framt. Kommunan hevur ætlanir um at gera meira við miðbýin, segði hann og vísti til Tórsgøtu, har vegurin er málaður fyri at vísa pulsin í sjálvari mentunnargøtuni í Havn. Myndir: Álvur Haraldsen