mánadagur 30. mai 2016síða 14

Mánadagur 30. mai 2016 · Nr. 61 14 Sosialurin Hugskot og viðmerkingar – send sms til 225000 ÚTISETAR GERA UM SEG Finnur Justinussen er við at sparka Fremad Amager til uppflyting, Jóhan á Plógv Hansen var framúr í DM-gullrúsi og tveir blaðungir føroyingar kunnu gerast meistarar í týskum hondbólti. Her eru tey stuttsøgdu ítróttartíðindini Pætur Albinus FÓTBÓLTUR Finnur Justinussen heldur fram við at skjóta mál fyri Fremad Amager. Í gjár vann Fremad Amager 2-0 á heimavølli ímóti Brønshøj, og tað var Finnur, ið legði Fremad Amager á odda 1-0. Eisini Heini Vatnsdal spældi allan dystin. Tað sær ógvuliga gott út hjá teimum og liðfeløgunum, sum nú, tá ið tað einans tríggir dystir eru eftir at spæla, eru seks stig røttu megin uppflytingarstrikuna. Vendsyssel FF gjørdist nummar fýra í næstbestu deildini. Tað gjørdist greitt eftir 2-0-sigur á FC Helsingør, har Jonas Gejel Hansen varð innskiftur, meðan Brandur Hendriks­ son var einasti føroyingur í byrjunar­upp­stilling­ini hjá Vendsyssel FF. Hallur Hansson var leikbannaður, René S. Joensen sat á beinkin­um, meðan Meinhard E. Olsen varð inn­skiftur í seinna hálvleiki og harvið fekk debut. Vejle og Vendsyssel FF vóru ájøvn í stigum undan seinasta umfarinum um vikuskiftið, men tað er Vendsyssel, sum fær æruna av fjórða plássinum, eftir at Vejle tapti einki minni enn 5-0 ímóti Silkeborg. Viljormur Davidsen spældi allan dystin á vinstra bakki. Vejle má harvið taka til takkar við fimta plássi. Gunnar Nielsen og liðfelagar hansara í FH Hafnarfirði hava í kvøld møguleikan at leggja seg á odda í íslendsku Úrvals­deildini. Kl.20.15 fáa teir vitjan av Víkingi, men skal odda­sessur­in vinnast, so krevur tað sam­ stundis, at Stjarnan ikki vinnur ímóti Breiðabliki. Seinasta umfar í Superliguni varð spælt um vikuskiftið. FCK, sum hevði Brand Hendriksson við í fyrru hálvu, hevði longu tryggjað sær gullið áðrenn hetta um­farið. Silvurið vann SønderjyskE, meðan FC Midtjylland fekk bronsu. Gilli Rólantsson og AaB blivu nummar fimm, meðan Jóan Símun Edmundsson og OB blivu nummar sjey. Hobro flytur niður. Leygarkvøldið var Champions League-finalan spæld á San Siro í Milano, har Madrid-feløgini, Real og Atlético, hittust. Sergio Ramos legði Real Madrid á odda 1-0 í fyrra hálvleiki, men fáar minuttir fyri leiklok javnaði Yannick Ferreira Carrasco til 1-1. Neyðugt var við longdari leiktíð og brot sparkskapping áðrenn vinnarin varð funnin. Tað gjørdist Real Madrid, eftir at Juanfran hjá Atlético var tann einasti, ið misnýtti sítt brotsspark. Eftir Champions League- finaluna segði Atlético Madrid-venjarin, Diego Simeone, við BBC, at hann nú fer at umhugsa framtíðina. Hann kallaði tað fyri eina gølu, at lið hansara nú hevur tapt tvær Champions League-finalur. Simeone, sum hevur verið í felagnum síðani 2011, hevur sáttmála fram til 2020. Hull verður aftur at síggja í Premier League næsta kappingar­ár. Tað er greitt, eftir at liðið um viku­ skiftið vann finaluna í upp­ flytingar­spælinum ímóti Sheffield Wednesday. Talan var um eina tætta finalu á Wembley, har Mohamed Diame gjørdist sigursharri smáar 20 minuttir fyri leik­lok. Hull vann 1-0. Fyrrverandi Liverpool- verjuspælarin, Daniel Agger, hevur boðað frá, at hann gevst í Brøndby, har hann hevur spælt seinastu tvey árini. Enn er einki komið fram um hvar 31 ára gamli danski landsliðsleikarin fer at halda fram, men fleiri feløg liggja framvið, eitt nú AC Milan og Fenerbahce. Metnógvir venjarar hava fingið sekkin í enskum fót­ bólti í hesum kappingar­ árinum ella beint eftir. Til­ samans 56 venjarar í fýra teimum fremstu deildun­um í Ong­landi hava mist arbeið­ ið hetta kappingarárið, 11 teirra í Premier League. Tað er nýtt met, eftir at gamla metið var í 2001/2002, tá ið 53 venjarar ruku. HONDBÓLTUR Brandur Halgirsson og Hørður Trygvason hava saman við U16-liðnum hjá SG Flensburg-Handewitt spælt seg í finaluna um týska meistaraheitið. Hálv­ finalurnar vórðu vunnar við tilsamans 10 málum ímóti Kronau/Østringen. Í finalunum, sum verða spældar 4. og 11. juni, er mót­ støðuliðið Füchse Berlin. Jóhan á Plógv Hansen er danmarksmeistari saman við Bjerringbro-Silkeborg. Lið hansara tapti seinnu finaluna 26-25 ímóti Team Tvis Holstebro, men við einum 27-20-sigri í fyrru finaluni tryggjaðu teir sær DM við samlaðum 52-46-sigri. Í hesi seinnu finaluni skeyt Jóhan fimm mál av høgra vongi. – Felagið hevur veruliga uppiborið hetta gullmerkið. Hetta er tað størsta, sum eg havi roynt á yrkisleiðini. Halt munn, sum hetta er feitt. Tað er ikki til at lýsa við orðum, segði Jóhan á Plógv Hansen, tá ið heimasíðan hjá Bjerringbro-Silkeborg fekk orðið á hann eftir dystin. FR. ÍTRÓTTUR Karina Ottosen luttók í gjár í Ironman í Florianópolis í Brasilia, har hon við tíðini 9:44:17 megnaði at vinna sær eitt 9. pláss í kappingini, har tilsamans 1845 thriatletar, menn og kvinnur, vóru við. Vinnari gjørdist Elizabeth Lyles úr USA við tíðini 8:54:10. Eitt Ironman er at svimja 2,86km, súkkla 180,25km og at enda renna eitt marathon (42,2km). Hvirlan, Bragdið og Treysti hava seinastu dagar­ nar skipað fyri opnum kappingum á Tórs­breyt og á Svanga­skarði. Væl av undir­tøku hevur verið til tær mongu greinarnar, har tað um­framt ymiskar renni­teinar hevur verið longdarlop, trí­støkk, spjót­ kast, kúlu­stoyt og diskus­ kast. Eitt bólkamet varð sett – tað átti Tórur Mortensen við 14,12m í trístøkk. SÚKKLING Torkil Veyhe, sum súkklar við Team WeBike-CK Aar­ hus, heldur fram við at vera eyð­sýndur í súkklu­lands­ lagnum í Danmark. Eftir framúr góð úrslit seinastu tíðina, var í gjár kappast Sønderborg. Aftur hesaferð hevði Torkil snútan frammi og gjørdist nummar tvey. Á nýggja danska styrkis­ listanum hevur Torkil Veyhe gjørt eitt risa lop, har hann nú er nummar fimm við 78 stigum. Hann er frammanfyri fleiri full­ tíðar­súkklarar, eitt nú Lasse Norman Hansen, sum vann OL-gull á breytarsúkkling í 2012, og Alex Rasmussen, sum hevur súkklað bæði Giro d'Italia og Vuelta a España undir leiðslu av Bjarne Riis á táverandi Team Saxo Bank. Seinasti teinur í ársins útgávu av Giro d'Italia varð súkklaður í gjár. Á næst­ seinasta teini eydnaðist tað heima­favorittin­um, Vincenzo Nibali (Astana), at taka samlaða sigur­ in frá Esteban Chaves (Orica-GreenEDGE). Hetta var aðru ferð, at Nibali vann kapp­ing­ina. Fyrstu ferð var í 2013. Triðja plássið í ár fekk Alejandro Valverde (Movistar) STUTTSØGD TÍÐINDI