hósdagur 9. juni 2016síða 11

FRÍGGJADAGUR 10. JUNI 2016 SOSIALURIN 66 11 – Uppá ein ella annan máta søkja hesi ferðafólkini spenning. Mangan er talan um ung fólk, sum vilja vísa seg fram fyri vinum og kenn­ingum og kanska prógva fyri sær sjálvum, at tey tora at fara slík støð, sigur Jógvan Bæk. Sálafrøðingurin sigur, at her er talan um eitt slag av fólki, sum fyrst og fremst vilja vísa seg fram og vilja njóta rós frá vinfólki og kenn­ingum. – Tey vilja fegin hoyra onkran siga, hvussu djørv og hvussu røsk tey vóru at fara til eitt stað, sum stutt frammandunan var rakt av yvir­gangi. Tey vilja hava umtalu, sig­ur hann. Hann leggur afturat, at hetta eru fólk, sum eisini fegin vilja prógva fyri sær sjálvum, at tey tora at gera slíkt, hóast tey sum menn­ iskju annars ikki eru serliga trygg. Følmiðlarnir ávirka Hóast atsóknirnar frá yvir­gangs­ fólki ikki eru so nógvar, so vísir tað seg, at tølini fyri atsóknir í eystara partinum av Evropa og Turklandi eru vaksandi. Vit hava eisini seinnu árini sæð atsóknir og terrorálop í London, París og Keypmannahavn. Í hesum døgum, nú EM í fót­ bólti er í Fraklandi, er óttin fyri yvir­gangi serliga stórur í Fraklandi. Frakland er eitt av teimum londunum, sum vanliga tekur móti flest­um ferðafólkum. 84 milljónir ferða­fólk vitja Frakland hvørt ár. Har er óttast myndugleikarnir fyri, at terrorálopini fara at gera, at nógv færri fólk vitja landið. Yvirgangur í stórbýum hevur ikki verið so vanligt fyrr, men tað er eins og bæði myndugleikar og fólk hava ásannað, at hetta nú er ein partur av gerandisdegnum. Summir føroyingar fylgja ómetaliga væl við hvat hendir og í dag gongur tíðindaflutningurin so skjótt, at hetta helst ger summi meira ørkymlaði. Fjølmiðlarnir ar­ beiða skjótt og greiða frá yvir­gangi, men ofta er tað gjørt heldur nógv burturúr. Tað er heldur ikki altíð, at yvir­gangurin er vendur móti turist­um, men er av meira lokalum slag. – Nógv fyrihalda seg til, hvat fjøl­miðlarnir siga og velja so støð frá, sum verða rakt av yvirgangi. Á tann hátt kenna tey seg tryggari, sigur Jógvan Bæk. Hvussu vit eru sum menniskju Føroyski sálarfrøðingurin heldur, at nógv viðurskifti kunnu ávirka, hvørji ferðamál vit velja okkum og hvussu stóra ávirkan yvirgangur hevur. Hinvegin heldur hann, at tað mesta byggir á, hvussu vit eru sjálvi. Erui vit fólk, sum søkja spenn­ing ella vilja vit heldur hava trygg­leika. Fyrr kundi ofta sigast, at yvir­ gangur var nakað, sum gekk fyris eg aðrastaðni enn í Evropa, men seinnu árini hava víst, at bæði Evropa og USA eisini eru mál fyri yvir­gangi. Seinastu atsóknirnar í París hava víst, at ongin kann verja seg fyri yvirganginum og ongin kann uppá forhond siga, at her fer yvir­ gang­urin ikki at raka. Viðhvørt eru ávís støð tó meira útsett. I løtuni er Turkland hart rakt. Millum annað sæst hetta væl á prísinum á ferðum til landið og tað sama ger seg galdandi við Egyptalandi. Ferðavinnan í hesum báðum lond­unum hevur mist stórar inn­ tøkur í seinastuni og hetta kemst av, at fólk ikki tora at ferð­ast til hesi ferðamálini. At ágangurin er størstur á hesi londini, hongur saman við polit­ isku støðuni í Miðeystri. Vinnarin í ferðavinnuni í Evropa júst nú er Spania. Hóast landið fyrr hevur liðið undir ágangi frá ETA og øðrum, so er friðarligt í Spania nú. – Men uttan muntil, hvar yvir­ gang­urin er júst nú, so er tað fyrst og fremst, hvussu vit sjálvi reagera, sum fær okkum til at velja eitt ferða­mál til ella frá. Spurningurin er um vit søkja spenning ella um vit heldur vilja hava tryggleikan og tí halda okkum burtur frá støð­ um, har yvirgangur og terror hev­ ur herjað, sigur Jegvan Bæk, sálar­ frøðingur. Umfrmt yvirgang, so ávirkar streym­urin av flóttafólki til Evropa eisini ferðamynstrið. Serliga eru tað partar av Grikkalandi og griksku oyggjum, sum verða vald frá. Neyð og hjálparloysi hevur altíð hildið parti av ferðafólki burtur. – Men samanumtikið haldi eg man kann siga, at alt fyrst og fremst er knýtt at, hvussu vit eru sum menniskju. Ynskja vit spenning, so fara vit hagar kortini. Eru vit fólk, sum vilja hava tryggleika, so velja vit onnur ferðamál, sigur Jegvan Bæk, sálarfrøðingur. ARNIG@SOSIALURIN.FO Yvirgangurin í paris hevur havt stóra ávirkan á talið av ferðandi í París Bumbuspreingingar í evropeiskum stórbýum, hóttanir um yvirgang til stór tiltøk og streymurin av flóttafólkum í fleiri av kendu feriustøðunum. Hvussu ávirkar tað okkara hug og dirvi at leita út í heim, tá ið summarfrítíðin nærkast? Óttin fyri yvirgangi er serliga stóur, nú EM byrjar í Fraklandi MYND: POLFOTO