hósdagur 9. juni 2016síða 13

FRÍGGJADAGUR 10. JUNI 2016 SOSIALURIN 64 13 Hóast yvirgangur eisini hev­ ur rakt Frakland og Belgia, so merkja tey í Fonn Flog ikki, at fólk setast aftur frá at fara til tey vestur­evrope­isku londini. Sølu- og markn­aðar­leiðarin metir, at tað er tí, at fólk vænta, at sannlíkindini fyri nýggj­um álopum eru smá. – Tað er hetta við áhaldandi bumb­um. Vit hoyra søgur ferð eftir ferð um bumbur og yvirgangsálop í Egypta­land og Turkaland. So ferða­ fólk vænta, at tað kann henda aftur har. Við París og Brússel er øðr­vísi, tí har vænta fólk ikki, at nakað hendir aftur, sigur Sakaris Frederiksen. Hvør vinnarin er av nú­ver­andi støðuni er sølu- og marknaðar­leið­ arin skjótur at svara uppá. – Grikkaland og Spania. Okkara royndir er, at flóttafólkastreymurin hevur ikki havt nakra ávirkan á hugin at ferðast til Grikkalands, meðan eftirspurningurin til Spania er øgiliga stórur. Fólk vilja sleppa til økið kring Alicante, Costa del Sol, Tenerifa og Gran Canaria. Tað sæst eisini aftur á prís­unum. Samanborið við í fjør er tað vorði bíligari at ferðast til Turka­lands, men munandi dýrari at ferðast til Spania. Tað er tí eftir­ spurn­ingurin er stórur í Spania og lítil í Turkalandi, vísir Sakaris Frederiksen á. Hugsa um flóttafólkini Tað er ikki bara yvirgangur, ið fær føroyingar at ivast í summum ferða­málum. Evropa vaknaði til ein kaldan dreym í fjør, tá vápnað stríð í Miðeystri og Afrika noyddi fleiri túsundtals av flóttafólkum at flýggja til Evropa og ganga allan vegin norð til Noreg og Svøríki. Strendurnar í Suðurevropa vórðu fyltar av flóttafólkum, ið rýmdu undan trongd og vesaldómi, og hevur tað fest seg í minnið hjá føroyskum ferðafólkum, sam­ bært Mickey Shemesh, sølu- og marknaðarleiðara í 62N. – Føroyingar eru nógv meira varn­ir nú enn áður og hugsa seg um tvær ferðir áðrenn tey velja ferðamál. Millum annað hugsa tey nógv um, at tey ikki ynskja at enda mitt í flóttafólkastreyminum. So tey velja at flúgva til Kreta, ið er ein griksku oyggjunum, ið er langt sunnan­fyri flóttafólkastreymin, sigur Mickey Shemesh. Eisini yvirgangsálopið í Brússel hava tey merkt í 62N. Felagið leigar nevniliga eitt flogfar frá Atlantic Airways á hvørjum ári, ið tey brúka til at flúgva luttakara til altjóða sølu­stevnuna Seafood Expo Global í Brússel. Tey setrini, ið ikki verða seld til luttakarar á stevnuni, verða so vanliga seld til onnur ferðafólk. – Stevnan í ár var einans nakrar fáar vikur eftir yvirgangsálopið í Brússel. Tað hevði eisini sína ávirk­an. Nøkur av teimum, ið høvdu keypt ferðaseðil, settust aftur og fóru ikki við flogfarinum, greiðir sølu- og marknaðarleiðarin hjá 62N frá. Spurdur um hvør er tapari og vinnari hetta summarið, vísir hann á Spania og Kreta sum vinnarar. – Egyptaland, Turkaland og serb­isku londini eru tapararnir. Har eru fólk bangin fyri yvirgangi og flótta­fólkastreyminum. Í París merk­ist tað eisini væl. Sølan har er tann lægsta í nógv ár, sigur Mickey Shemesh. – Vinnararnir eru so Kreta, har Atlantic Airways flýgur, og so Spania, har fólk vilja sleppa til Mallorca og Gran Canaria. Tað tyk­ ist sum, at áhugin fyri Barcelona ikki er tann sami sum áður, men tað kann vera, tí at so nógv hava verið har nú, sigur Mickey Shemesh. Ávirkanin er ikki so stór Dánjal Poulsen, stjóri í Faroe Travel, hevur selt ferðir til føroyingar í fleiri ártíggjund, og situr harvið inni við drúgvum royndum og nógv­ari vitan um ferðamynstrið hjá før­oy­ingum. Hóast hann kann hóma eitt rák, har fólk velja nøkur lond frá, so metir hann ikki, at ávirk­anin av yvirgangi er so stór. – Samanumtikið, so metir eg ikki, at yvirgangur hevur eina so stór­an ávirkan. Tað hevur verið ein part­ur av lívinum í so nógv ár, at tað ikki ger tann stóra munin. Um man ræðist slíkt, so er best bara at halda sær heima, sigur stjórin í Faroe Travel. Hann ásannar tó, at talið av ferðandi til nøkur av londunum, ið føroyingar hava ferðast til, er nakað minni enn tað hevur verið. – Føroyingar ferðast enn nógv, men halda seg burtur frá Turka­ land og Egyptaland, ið nú er vorði meira ótrygt. Men føroyingar hava aldrin ferðast nakað serligt til lond­ini í Miðeystri, sigur Dánjal Poulsen, ið tó leggur afturat. – Men eg veit ikki hvussu ótrygt Turkaland er. Nógvir føroyingar hava summarhús har, og ferðast enn til landið. Hjá Faroe Travel uppliva tey tað sama sum hjá 62N og Fonn Flog. Føroyingar vilja sleppa til Grikka­ lands og Spania. – Tað er serliga ein stórur eftir­ spurningur eftir ferðum til Grikka­ lands og Spania. Gran Canaria er eis­ini vælumtókt um veturin, sigur stjórin í Faroe Travel. Gran Canaria veksur eksplosivt Hóast hann ikki er starvsfólk á einari ferðaskrivstovu, so munnu tey vera fá, ið hava fingurin so væl á pulsinum, tá tað kemur til ferða­ mynstr­ið hjá føroyingum, sum stjórin í Vága Floghavn, Jákup Sverri Kass. – Vit gera regluligar kanningar fyri at vita, hvar og hvussu nógv før­oy­ingar ferðast. Okkara tøl vísa, at før­oy­ingar ferðast meira enn áður, og serliga er tað til støð, har Atlantic Airways flýgur beinleiðis, sigur Jákup Sverri Kass. Stjórin í flogvøllinum vísir á, at tað rákið, ið ferðaskrivstovurnar vísa á, er tað sama, ið sæst um allan heim. Ferðafólk leita til Spania og Grikka­land, og halda seg burtur frá Egyptaland og Turkaland. – Grikkaland, Spania og Kýpros kunnu vísa á eina stóra framgongd í talinum av ferðafólkum. Í Grikka­ landi halda tey seg tó burtur frá Lesbos og Kos, har nógv flóttafólk komu í fjør, og í staðin fara tey ser­ liga til Kreta. – Í Spania er tað serliga Mallorca og Gran Canaria at fólk vilja vitja. Har er tað serliga Gran Canaria, ið veksur eksplosivt. Eingin ivi er heldur um hvørji stórur tapararnir eru hetta summ­ arið. – Grikkaland og Turkaland. Tey eru stóru tapararnir, og fólk halda seg burtur, tí tey stúra fyri yvir­ gangi, sigur Jákup Sverri Kass. HALLUR@SOSIALURIN.FO Kreta Kypros Tunesia Italia Svøríki Noreg Danmark Finnland Russland Grikkaland Egyptaland Turkaland land Samanborið við í fjør er tað vorði bíligari at ferðast til Turka­lands, men munandi dýrari at ferðast til Spania vegna eftir­spurningin, sigur Sakaris Frederiksen á Fonn Flog »Eg veit ikki hvussu ótrygt Turka­ land er. Nógvir føroyingar hava summar­hús har, og ferðast enn til landið« Dánjal Poulsen, Faroe Travel Gran Canaria liggur uttanfyri afrikonsku vesturstrondina