hósdagur 9. juni 2016síða 19

FRÍGGJADAGUR 10. JUNI 2016 SOSIALURIN 66 19 BARBARA HOLM H vussu tryggjar TF Holding sær, at felagið ikki hongur uppá vána­ lig lán í Eik?  Hendan spurningin setti Gunnar í Liða, stjóri í TF Holding, Fíggjar­ligum Støðufesti, á einum av fyrsta  fundunum, sum var hildin, um møguleikarnar fyri at TF Holding fór at gerast eigari av Eik, 5. oktober 2010. Á fundinum  vildi TF Holding tryggja sær, at samtakið ikki keypti Eik og eftirfylgjandi mátti stað­festa, at bankin var nógv verri fyri enn upprunaliga hildið. Fíggjarligt Støðufesti svaraði, at TF skuldi fáa atgongd til eitt kunn­ingarupprit um, hvat stóð á bók­unum hjá Eik, og út frá hesum kundi TF gera sínar egnu metingar av, hvat stóð á bókunum hjá Eik. Fíggjarligum Støðufesti boðaði eisini frá, at Fíggjarligt Støðufesti for at gera allar niðurskrivingar, áðr­enn bankin varð settur til sølu. Hetta var ein trygd fyri, at  TF Holding ikki fór at verða tikið av bóli av, at bankin var minni verdur enn mann helt, tá mann keypti bank­an.  Tað vil siga, at tað, sum TF Holding keypti, var ein banki aftaná niðurskrivingar í mun til, hvat stóð á bókunum hjá gamla Eik 30. September 2010.  Hetta vil eisini siga, TF Holding visti frá byrjan, at bókaðu virðini í gamla Eik, sum bleiv yvirtikin 30. september 2010, ikki vóru tey røttu. Fíggjarligt Støðufesti skuldi ganga gjøgnum bøkurnar, og gera niður­ skriv­ingar áðrenn nýggi bankin yvir­tók bøkurnar. Men í skattamálinum hjá Eik vil leiðslan fyri Eik – sum er sama leiðsla sum í TF Holding –  vera við, at niðurskrivingarnar av virð­ unum í Eik eru gjørdar í nýggja bank­anum.  Í apríl 2014 spyr TAKS Eik um eina uppgerð av handilsvirðunum á ognum og skyldum í samband við yvirtøkuna av virkseminum hjá Eik. Eik svaraði aftur 14. mai, og vísti Taks á, hvat stóð á bókunum hjá gamla Eik 30. september 2010, umframt tær báðar milliardirnar frá Fíggjarligum Støðufesti – saman­lagt 2.024 milliónir krónur í egin­peningi. Eik skrivar til TAKS, at »Tað var við støði i hesum virðum, Eik Banki var settur til sølu yvirfyri al­menn­inginum«.  Tað vil siga, at í samskiftinum við TAKS vil Eik vera við, at Eik varð settur til sølu áðrenn niður­ skriv­ingar.  Kunningin til TAKS í mai 2014 stendur tí beinleiðis í andsøgn tað, sum kom fram á fundinum 5. Oktober 2010. Tá fekk TF Holding trygd fyri, at felagið ikki kom at hanga upp á vánalig lán í Eik, tí Fíggjar­ligt Støðufesti gjørdi allar  niður­skrivingar, áðrenn bankin var settur til sølu. Men í sam­skift­inum við TAKS vil Eik vera við, at bankin varð settur til sølu áðrenn niðurskrivingar. Stendur í ársfrágreiðingini hjá Eik Tað er ikki bara í samskiftinum við TAKS, at Eik mistekur seg, tá ið um­ræður nær niðurskrivingarnar vórðu gjørdar. Á síðu 26 í almennu árs­frá­greiðingini hjá Eik banka fyri 2011 stendur soleiðis skrivað: Kortini hevur Eik banki eftir­ fylgj­andi valt, at draga tær 514 milliónirnar frá í síni egnu skatta­ upp­gerð. TAKS viðgerð framvegis málið. BARBARA@SOSIALURIN.FO BEINLEIÐIS ANDSØGN MILLUM SKJØLINI OG SAMSKIFTI VIÐ TAKS Enn eitt skjal avdúkar ósamsvar Longu í oktober í 2010 fekk leiðslan í TF Holding at vita, at Fíggjarligt Støðufesti átók sær niðurskrivingar og at tað tí ikki var partur av virkseminum hjá nýggja bankanum. Tað vísa skjøl frá 5. oktober 2010