týsdagur 14. juni 2016síða 10

Mikudagur 15. juni 2016 · Nr. 68 10 Sosialurin DROTNINGARVITJANIN Altíð vælkomin á Tvøroyri Áki Bertholdsen – Kongshúsið er altíð vælkomið á Tvøroyri Tað staðfesti Kristin Michelsen, borgarstjóri á Tvøroyri, tá ið hann beyð drotningini vælkomnari, nú hon byrjaði Føroyaferð sína í ár á Tvøroyri. Hetta er 26. ferð síðani í 1874, at Føroyar hava kongliga vitjan, og 15 ella 16 ferðir, hava tey eisini vitjað á Tvøroyri, táið tey hava verið í Før­ oy­um. Sjálv hevur Margretha Drotning verið í Føroyum 14 ferðir, fyrst sum krúnprinsessa og síðani sum drotning. Kristin Michelsen vísir á, at sostatt hevur kongshúsið vitjað á Tvøroyri við millumbilum í 150 ár, og at tey hava altíð verið vælkomin. Samstundis hevur Tvøroyrar kommuna adopterað donsku verju­skipini undir Føroyum, fyrst Vædd­eren, og bú Triton og tey hava trúliga vitjað á Tvøroyri, ikki minst hava børnini glett seg til føstulávintshaldið umborð á verju­ skipinum, har virðislønin hevur fingið ein túr við tyrluni. Men hetta so er fyrstu ferð, drotn­ingin er einsamøll í Før­oy­ um, og hon ásannaði, at tað var ein løgin kensla at at ganga eftir landgonguni á Dannebrog, einsa- møll, uttan at Heindrikkur, prinsur var við. – Men tað, sum hevur týdning, er at tað ber til at koma, og tað njóti, segði segði drotningin, einastu ferð, hon lat fjølmiðlarnir fáa høvi at seta henni tveir, tríggjar stuttar spurningar um ferðina í Suðuroy. Hon vónaði kortini, at tað fer at liggja fyri hjá familjuni at koma eina ferð, ella fleiri ferðir, í fram­ tíðini. Og Kristin Michelsen bað drotn­ ingina endiliga heilsa Heindrikki, prinsi, Fríðrikki, krúnprinsi, og Joa­kim, prinsi, hjartaliga, og at boða teimum frá, at tey eru altíð væl­komin á Tvøroyri og at teirra vina­lag er høgt í metum. Fyrstu ferð, kongur var í Føroy- um, var hann bara í Havn og á Tvøroyri, staðfesti borgarstjórin á Tvøroyri. – Tað vísir, hvønn politiskan og búskaparligan týdning, Tvøroyri hevði tá, segði borgarstjórin. Og hann segði, at nettupp tann tíðin er fyrimyndin hjá tvørafólki í roynd­ unum at gera Tvøroyri aftur til ein stórstað í Føroyum. – Tað hevur gingið upp og niður, men eitt miðvíst arbeiðið seinastu tíðina hevur givið úrslit, soleiðis at Tvøroyri er við at finna sína røttu støðu í samfelagnum. Kristin Michelsen sigur, at ein stórur partur av útflutningi Føroya verður skaptur á Tvøroyri, og tað minnir um støðuna, tá ið Fríðrikur kongur tann áttandi, var á Tvøroyri fyri eini øld síðani. – Kreppur hava rakt Tvøroyri hart, men vit hava altíð havt evnini at reisa okkum aftur, eisini tá ið tað stóð svartast til. Serliga dró Kristin Michelsen, Delta-samtakið fram, sum aftur slóðaði fyri, at Varðin Pelagic bygdi sítt risavirki á Tvøroyri. – Tað eru virki, sum nú standa í blóma, og vónandi verður enn meiri virksemi á Tvøroyri, næstu ferð, drotn­ingin kemur. Tað var ein vøkur sjón at síggja kongaskipið, Dannebrog verju­ skipið, Triton, og vaktar- og bjarg­ ingar­skipið, Brimil, stevna inn eftir Trongisvágsfirði, saman við ein­ um flota av føroyskum skipum og bátum. – Dannebrog legði at við Ment­ anar­húsið Salt, har mangir út­ lendskir trolarar hava tikið salt á veg á fiskileiðir undir Grønlandi og Ný Fundlandi. Kristin Michelsen vísti eis­ini á, at tað var á Tvøroyri, at presta­ sonurin, Christian Mejdahl, sum seinni varð Fólkatingsins formaður, vaks upp, og at tað er ein tíð, hann minnist aftur á við gleði. – Vit hava altíð bjóðað fremm­ andafólki vælkomnum inn í okk- ara felagsskap, og tað gera vit fram­ vegis. Men tað eru eisini nógv tvøra­ fólk, sum eru flutt aðrastaðir at búgva. Og Kristin Michelsen ásann­ ar, at tað er sama avbjóðing, nógvir aðrir útjaðarar hava og enda­málið hjá okkum er so at skapa hent­ leikar, so at fólk trívar her. Í hesum sambandi fær Salt verk- ætlanin ein avgerðandi týdning, men hon hevði ikki verðið bygd utt­ an stuðul frá Maersk grunn-inum, umframt frá donsku og føroysku stjórnini. Tey, sum vilja síggja nógv fleiri myndir av drotningavitjanini, kunnu fara inn á heimasíðuna www.in.fo og klikka á "Myndasøvn", sum er at finna í gráa bjálkanum beint undir navninum. Her kemur drotningin eftir landgonguni á Dannebrog og hon ásannar, at tað var ein heldur løgin kensla at ganga einsamøll íland Í Hvalba greiddi Róin Schrøter drotningini frá um Hellið í Lítlu Dímum, sum var tilhaldsstað hjá hvalbingum tá ið teir vóru í Oynni Í Hovi var tað Rigmor Dam, landsstýriskvinna í mentamálum, sum beyð drotningini vælkomnari í Skúladepilin í Suðuroy