týsdagur 14. juni 2016síða 12

Mikudagur 15. juni 2016 · Nr. 68 12 Sosialurin Hugskot og viðmerkingar – send sms til 225000 DROTNINGARVITJANIN Hennara hátign í høvuðsstaðnum Í gár vitjaði hennara hátign, Mar­ greta, drotning, í Havn. Hetta er 25. ferð, at kongalig vitjan er í Havnini. Seks ymiskir kongar og drotningar hava vitjað í Føroyum. Fitt av fólki og onkrir skúla_ flokk­ar tóku ímóti henni á Bursa­ tanga, tá Dannebrog legði at í gjára­ morgunin. Skúlabørnini veittr­aðu íðin við Merkinum og Havnar Hornorkestur undir leiðslu av Ova Olsen spældi Einki er sum summar­ kvøld við strendur, meðan drotn- ingin stóð og veittraði til fólkið av Dannebrog. Løgmaður, borgarstjórin og ríkis­umboðið bóðu henni væl- komin til Havnar, áðrenn hon heils­ aði upp á løgtingsformannin, bisp, sorinskrivaran og aðrar em­bætis­ menn. Løgmaður helt eina stutta røðu fyri drotningini, har hann treiv í kendu orðini hjá Williami Heinesen, um at Havnini er heimsin nalvi. – Her verður stóri umheimurin knýttir at tí næra og lokala, segði Aksel V. Johannesen. Leiðin gekk síðani út í Tinga­ nes, har hon heilsaði upp á l­ands- stýrisfólkini, áðrenn hon fór niðan í løgtingið, har formansskapurin tók ímóti og handaði drotningini eina gávu. Úr løgtinginum gekk leiðin om­ an í Vágsbotn. Tað mundi tátta í eini 1.000 fólk, sum vóru savnaði til hátíðarhaldið á trappuni í Vágsbotni. Kórið Xperiment sang tveir sangir og Dánjal á Neystabø og Búi Dam framførdu nakrar sang­ir úr Ævintýraferðini fyri mongu børnunum, sum vóru kom­ in saman. Drotningin og fylgi spákaðu niðan í Reinsaríið, har Helgi Fossá­ dal greiddi frá um kongaligu vitj- anirnar í Havnini, sum er evni á fram­sýningini, sum hongur í Reinsa­rínum. Seinnapartin vitjaði hon Öström og Steinprent, og síðani lá leiðin út á Boðanesheimið. Í gjárkvøldið bjóðaði Aksel V. Johannesen drotningini døgurða í Norðurlandahúsinum, saman við innbodnum gestum.