týsdagur 14. juni 2016síða 29

5 Mánadagur 6. januar 2014 · Nr. 2 SOSIALURIN JUNI 2016 Barbara Holm Í reyðu húsunum í Gríms Kambansgøtu í Havn er søguríkt at trína inn. Í stásiligu kørmunum er eitt modernað huglag flætta saman við tí søguliga, sum hetta húsið hevur at bjóða. Hetta er ikki bara eitt vanligt hús. Hetta er barnsdómsheimið hjá ein av okkara mætastu rithøvdunum, Jørgen Frants Jacobsen, sum er faðir at søguni um Barbaru. Her vaks hann upp. Og tað er ikki av tilvild, at Súsanna Danielsen nú býr í hesum søguríka heimi. Jørgen Frants var mammubeiggi hennara, og húsið var eisini barnsdómsheimið hjá mammu Súsonnu. Tey vóru nógv systkin, men flestu teirra vóru ógift, so fyri nøkrum árum síðani keypti Súsanna húsið. Hon gjørdi umvælingar á húsini, men hevur megnað at varðveita tað søgu­liga í sjarmerandi heiminum. Gomlu møblarnir og gomlu myndirnar á veggjunum, sum dokumenterað, at møblarnir eisini stóðu frammi fyri fleiri áratíggjum síðani vísa, at her er eitt hús við sál. »Sum eg elski slík hús, sum tú næstan ikki kann keypa fyri pengar í dag«, hugsaði eg, tá ið eg setti meg í nýpolstraðu grønu antikkstólarnar, sum standa við vindeyga í stovuni. Vindeyga, sum kagar út yvir Skálatrøð og bátarnar á fjørðinum. Tí sannleikin er tann, at ein húsasál er nakað, sum einans kann skapast gjøgnum ættarlið av upplivingum, minnum og umvælingum. Tann fíni dansurin millum tað gamla og tað nýggja hevur Súsanna meistra til UG. Súsanna sjálv er uppvaksin á Velba­ stað, men síðani ár 2000 hevur hon búleikast í gomlu húsunum á Gríms Kambansgøtu. Og tað er eisini í hesum – EG ERI RÆTTILIGA BEINT FRAM. TÚ FÆRT MÍNA ERLIGU MEINING OG EG STANDI VIÐ HANA, UM EG ERI VÍS Í, AT HON ER TANN RÆTTA. EG HAVI ONGANTÍÐ EINA DULDA DAGSSKRÁ, TÁ IÐ EG SIGI OKKURT. EG SIGI TAÐ BARA, TÍ EG HALDI TAÐ ER TAÐ RÆTTA, SIGUR SÚSANNA DANIELSEN, SUM FRAM TIL 2014 VAR STJÓRI Í LØGTINGINUM Súsanna Danielsen: – Eg eri kanska ov skjót á avtrekkjaranum Framhald á næstu síðu